ياقاعد الوهاب يازبن الدخيل
[frame="4 80"][size=3]قصيده في الشيخ قاعد الوهاب
ياقاعـد الوهـاب يازبـن الدخيـل --- اللي تنصاء حماك يبغـا ضلالهـا يلقابها بعـد الولـي ظـل ظليـل --- يضمن حياته والعـدا مـا سالهـا يامسندي لا جاء للاصايل صهيـل--- والسابـق ارخـا اعنانهـا خيالهـا واقبل عليه راعي السيف الصقيـل --- اللي ليـا نـاش الرقـاب اغتالهـا وايقنت باني واقـع بامـر مهيـل --- وانا اعزل وعيني تخيـل اخيالهـا اذكرك يا قاعد بها الخطب الجليـل --- واقول مـن لـه عـزوة يلجالهـا واجر صوتي واعتزي وانا الاصيل --- اللـي تهـزك عزوتـه لاقالـهـا وعز الله انك تحتمينـي مـا تعيـل --- يا مرجح الوزنـه علـى مكيالهـا ابسيفك البتـار واليمنـى الخطيـل --- تـودع عـداك بحالتـن يرثالهـا شجاعتك من راس جـد ولا تميـل --- عن نخوة اللـي يذكـرك بهوالهـا يامفرج كروب العرب راع الجميل --- ياعـم راس المرجلـه ياخالـهـا يالوافي اللي جـار بيتـك مايحيـل --- يكـرم بجيـرة منزلـك لا نالهـا لانك لبيته من غـذا بيتـك تكيـل --- مايبلـش بقـوت المـره وعيالهـا يالماجد اللي ما تحـال ولا تحيـل --- ياللي مواجيـب الخـوي تسعالهـا ياغايه المجمـول نقـاض الجديـل --- اللي ماتنضـر فالرجـال اشكالهـا ماتلتفت للاش بالطـرف الكحيـل --- وتقول مال الغيـد غيـر ارجالهـا ياللي تشب النار في خشـم الفتيـل --- بقدح زنـدك ماعسـرك اشعالهـا يامن عشقت الطايلـه والمستحيـل --- ماحدك ومن طيب راسـك طالهـا يامسري العليا وصلت ابـلا دليـل --- فاول شبابك مـا تثنيـت اعقالهـا يامنومس عتيبه عسا عمرك طويل --- يـوم الشـوارب عزهـا لسبالهـا مسيرتك تحكي حكايه عمـر جيـل --- سيرة فخر وانتـه عقيـد ابطالهـا ياشهم ياللي كيف راسك ريح هيـل --- وادلال المـروة شـارب فنجالهـا يامكرم الظيفـان بالوقـت الهزيـل --- يوم البسيطـه راد ربـي امحالهـا ماتحط في وسط الصواني غير حيل --- يفـداك جالبهـا عـلـى دلالـهـا وليا نصاك اللي على دينـه كفيـل --- والنـاس عيـت تسعفـه بموالهـا ما تنشـده كثيـر دينـك او قليـل --- تقضيه والحسنـه بعشـر امثالهـا عز الله انك غيث بالمـد الجزيـل --- ارخـا ثعولـه والسعـد يبرالـهـا براقـه ايلـوح ولرعـاده ظويـل --- لله لا يجـاز البـشـر بعمالـهـا لاهلت امزونـه وسالـت بالمسيـل --- تطري على مدتـك مـن همالهـا والله تـم والله ماغـيـره وكـيـل --- عالـم دقـاق نفوسنـا وجلالـهـا ماقلت غير الصدق ماقصدي حصيل --- واهل الجزايـل ماتغـط اجزالهـا يا قاعد الله ماخلـق كفـك بخيـل --- محكي لها واللـي حكـت افعالهـا لك سمعتن مثل الذهب ماله دخيـل --- افخر بها واطـرب علـى موالهـا واليوم جيتك داخلـي مثـل المليـل --- فالكبـد حـرة ضرنـي سلالـهـا مهيب ياكحيلان مـن فرقـا خليـل --- فالكبد مـا حـط الهجـر منزالهـا لا والله مـن الزمـان المستطيـل --- اللـي همومـه طالنـي غربالهـا لوعـه غرابيلـه يفوحبهـا الغليـل --- يامحزمـي فـال الله ولا فالـهـا بديت عمري غايتي فعلـن جميـل --- افخـر بـه وقبيلـتـي يحلالـهـا لكن شبيـت وبـدي الهـم الكليـل --- فاول حياتـي هـل قبـل هلالهـا ماذاقت عيونـي مـراح ولا مقيـل --- على مـدى ايـام السنـه وليالهـا وفالمملكه عيت همومـي لا تزيـل --- ولا عاد عنـدي حيلتـن واحتالهـا ومدام للنومـاس والوقفـه عميـل --- اهـل الجزيـره تذتـري بجبالهـا جيتك يابو ضيف الله بحملن ثقيـل --- يـوم الحمـول الجايـره لجمالهـا ماباقين فالحال عنـد عقـاب حيـل --- يا شيـخ نـزل حملتـي واشتالهـا لاصرت عني ما تحـط ولا تشيـل --- من غيرك اللـي يرتكـي لثقالهـا انت الذي عندك دوى القلب العليـل --- وانت الوحيد امـن البشـر يقوالهـا لد النظر يشيـخ بعقـاب السحيـل --- قـدام يرمـي غترتـه واعقالـهـا واسلم سلمت ابكل يوم وكـل ليـل --- ياللي رقيت مـن الجبـال اطوالهـا الشاعر عقاب عبد الرحمن بن شامان السحيل [/size][/frame] |
جميع الأوقات بتوقيت GMT. الساعة الآن 09:29 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها