قصيدة مشهورة لشاعر هوازن
[align=center][font=Arial][size=4][color=#990066]قصيدة مشهورة لشاعر هوازن الشاعر الكبير عبدالرحمن العطاوي
مباركاً للفريق /محمد بن بن هلال المطيري بمناسبة شراءه للأبل[/color][/size][/font][/align] [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] مبروك يامحمد شراك المجاهيم = جرد الرقاب اللي سواة النعايم حرش الجنوب إمشرهفاتٍ مراديم = سمح الوجيه مسلهباتٍ جسايم سودٍ على البيدا طرفهن كما الغيم=عزل العقيد اللي تقلد عمايم إليا شعوهن مبعدين المهازيم=وإستثمنن مابين بايع وسايم وبانت فعول اللي عليهن مغاريم =وخلي ثمنهن للطيور الحوايم البل لها حقن على كل صمصيم=شرواك يومنك عن الدون شايم طير الفلاح اللي كفوفه ملاحيم=إليا هد صيده من كبار الغنايم وباكر ليا بكر من الوسم توسيم=ودلو الثريا طاح منها هدايم وجاوب فصيل الهرش حس الروازيم =وشفت أول بكار المشاتي تسايم وعلى الموارد زاملن جازي الريم=وراحن على طرد الوسامي قسايم هذي تحطم للمقاهير وتهيم = وهذي تناوا للجنب بالهزايم وهذي ملاقيةٍ تخفق الخواريم=وهذي معشر راسها راس عايم وجالك من الرعيان رد المعاليم=ليا قالوا الصمان بالنبت قايم ترعا طنف نبت الفياض المكاميم=وعلى الفياح من الشقارا لمايم وزانت مظاهيرك لهاك السلاجيم=اللي لهن حول المقوّم رزايم وعزمت لك ربع ٍ لشوفك مظاريم=وزمّت لكم هاك العصور القدايم وجذعانهن واللي للأثنا مداريم=راحن عقاير للمسير ولايم وسعد السعود مصدقٍ والمطر ديم =وضيِع ولدها فالزهور الزمايم وعن الفياض اللي كلاها مباشيم = قامت تساق مع الحجر والخرايم تفرح إليا غاضت كلاها مهاضيم=عقب القفور الي نفلها بطايم وراع الرصيد اللي يحفض الملاليم=ليا شافها كثرت عليه الهضايم البل رصيد اللي عليها قواديم = وألا الضعيف لمثلها مايلايم[/poem] |
مشكور يالعفار على حسن الاختيار
تحياتي |
صح لسانك يالعفار ولسان الشاعر الكبير العطاوي
ولاهنت على النقل تقبل مني كل جزيل الشكر |
يعطيك العافيه على القصيده الرائعه وحسن الاختيار يالعفار واتمنى منك اكثر تقبل فائق احترامي اخوك\ فهد العصيمي .
|
[color=#0066FF]صح لسانك
يــ العفار ولاهنت على النقل لشاعر هوازن[/color] |
صح السان الشاعر عبدالرحمن العطاوي
ولاهنت يالعفار على حسن الاختيار والى الامام دائما دمت كما تحب |
صح لسانك ولسان العطاوي و ابن هلال يستاهل المدح
|
صح لسانك يالعفار ولسان شاعرها
ولا هنت على النقل تحياتي |
جميع الأوقات بتوقيت GMT. الساعة الآن 12:37 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها