يابوي ليتك حيّ وتشوف حالي !
 

●•



يابوي ليتك حيّ وتشوف حالي !
تشوف وش هو صار من بعد فرقاك ؟



صار الوطن بعدك من الناس خالي
صار .. [ الوطن غربه ] بعد ما فقدناك




يابوي أنا بعدّك سهير الليالي
مقهور من دنيّاي منّا .. ومنّاك !



حدتني الدنيا وأنا راس مالي
إني .. عزيز النفس .. مثلك وشرواك



مافيه شيٍ في حياتي صفالي
حتى . الورود . إن جيتها صآرت أشواك



أطيح وآحمولي عليّه إثقالي
وأتخيلك مديت لي كف .. يمناك



بعدّك .. ولآ مره ترى إرتاح بالي
أصفّق على كفي ندم وآتحراك



ومن ضيقتي يا كّم أصّدق خيالي
وأقوم أدوّر عنّك وآقول بـ .. ألقاك



أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟



أدري لو إنك حي يا أعز غالي
يمديك .. تفزع قبل .. ماجيك وانخاك !



ويلآه .. ياحالي وماهو جرالي
ويلآه .. ياقلبٍ تعذب في طرياك



ويلآه .. يابويّه من أول وتالي
لا والله .. أول .. كان .. ينجيني إدعاك



واليوم من بعدك وش اللي بقالي ؟
غير إني أدعي ربي يغفر خطاياك



يالله حطّه وسط منزآل عالي
في جنة الفردوس يارب الأفلاك



واغفر ذنوبه ياعزيز الجلآلي
واشرح لي صدرٍ ضاق من جّور دنياك



●•


•••

الله يرحمك يَ بوي ويرحم موتى المسلمين
مما راق لي

[color=red]مؤلمه حيل ..! [/color]
[color=red][/color]
[color=red][/color]
[color=red]/[/color]
[color=red][/color]
[color=red][/color]
[color=red]سلمتي يابعدهم كلهم ..[/color]

الله يرحم ابوج وابوي واباء المسلمين

قصيده حزينه ومليئه بالمشاعر

صح لسانج حبيبتي

رحم الله ابوك يامهره وصح السانك

[color="sandybrown"][size="4"]يالله حطّه وسط منزآل عالي
في جنة الفردوس يارب الأفلاك



واغفر ذنوبه ياعزيز الجلآلي
واشرح لي صدرٍ ضاق من جّور دنياك



اللهم امين.. وموتنا وموتى المسلمين.. صح ذووقك يامهرةة

طرحتى فابدعتي\دومتي بصحة وعافية[/size][/color]

[font="simplified arabic"][size="4"][color="black"]


-


عظم الله لكم الأجر يا مهرة
ورحم ميتكم وغفر له و أسكنه فسيح جناته



-[/color][/size][/font]

الله يرحم والدك يامهرة ويرحم جميع موتى المسلمين اجمعين



صح لسان شاعرها ولاهنتي على النقل


احترامي

[size=5][color=purple]الله يرحمه يامهره ويسكنه فسيح جناته[/color][/size]

[size=5][color=#800080][/color][/size]

[size=5][color=blue]الوالدين حقهم على الله وعلينا الدعاء لهم والاستغفار لهم واختيار رائع يالمهرة جاء في وقته غفر الله لوالدينا جميعا واسكنهم فسيح جناته وياهلاوسهلا [/color][/size]

مهرة مطير

قصيده مؤثره

حيييل

الله يرحم ابوك ويرحم اموات المسلمين

تحيتي