بدوي في لندنbadawi to london6
 

وصلنا لكولشيستر والوقت متأخر شوي وقد غلب علينا التعب من التمشية في لندن ورجعنا لبيتنا ونادينا بالعشاء ومن ثم كل منا مسك فراشة ...اصبح الصباح بن عمي اليوم ماهوب فاضيلي عنده دراسة واليوم الاثنين انا كبرت الوسادة ونمت حتى الساعة العاشرة تقريبا ...افطرت ثم لبست ملابس الانجليز
وتوجهت الى الشارع وقد اخبرني بن عمي عن رقم الباص الذي يتوجه الى داخل البلد انتظرت وقت مروره فاذا هو ياتي على الموعد استقليته متجها لوسط المدينة ...نزلت في المدينة واخذت اتمشى على قدمي واتعرف على المحلات ومريت احد البنوك وصرفت مبلغ من المال ...ابي احد يعطيني وجه محد يمي كل في شغله وكل يمشي في مصلحته مررت بمحل مكتوب عليه تخفيضات
دخلته ولقيته محل كل شي بباوند مثل الي عندنا في السعودية لكل شي عشرة ريال والبضاعة المعروضة لا تختلف كثيرا عن بضايعنا وقد جلبت ايضا من الصين...خرجت منه وتوجة لمحلات الاحذية صاحبة العلامة التجارية المعروفة
كلاركس وقعدت اتخير واتقوس لي جزمة الله يكرمكم ما جازلي شيء وقلت خل
الشراء قبل رحلة العودة... توجهت للمدرسة التي يدرس فيها بن عمي ما درى الا ونا جالس في كفاتيريا المدرسة مر بي وناديته قال: مانت بسهل ياولد كيف عرفت المكان وانت مالك ثلاثة ايام قلت :ما دام عرفت الشرق والغرب اعني الاتجاه لا تخاف علي خذ ولد ... قال :عن اذنك باقيلي محاضرة انتظرني هنا حتى انتهي منها واليوم نبي نذهب سويا الى مكان جميل
ويبي يعجبك ونبي ناخذ معنا القهوة والشاهي والبرحي والاولاد وتبي تنبسط ...انتهى وقت الدراسة وتوجهنا للبيت وغيرنا ملابسنا واخذنا اغراض الرحلة وتوجهنا الى مدينة مارسي وهي مدينة تقع على بحر الشمال وتتميز بخليجها الجذاب وشاطيها الرملي ومررنا بمدينة كلاكتون اونسي التي يوجدبها مزرعة الحشرات سينغنتا بايولاين تنقل 27 سلالة مختلفة من الحشرات "المفيدة" لمزارعين في انحاء العالم ...وصلنا الشاطي البارد وبالكاد لقينا مكان فاضي وعينك ماتشوف الا النور فالناس عريانين نساء ورجال واطفال لا يسترون الا منطقتي القبل والدبر والباقي خلها على الله..الله لايبلانا ويسترنا بستره ...الاولاد انطلقوا داخل البحر ونحن جلسنا نتبادل الاحاديث ونحش في هالعالم المفاصيخ هذا لونه احمر وهذا احمرفاتح وهات يكلام وهم كلهم حمران نبي نتونس ...شوي وجاءت لنا احد نساء الدعوة للمسيحية تدعونا على بالها
وتولاها بن عمي في النقاش حتى دحرها ودعاها للاسلام وقالت خلني افكر واخذت رقم جواله مدري عاد وش صار بينهم وراحت وجها بارد ماحصلت الي تبي ...امسى الليل ركبنا سيارتنا وتوجهنا لديرتنا كولشيستر (صارت ديرتنا)
المشكلة في السيارة ماتشيل الا خمسة ركاب وهم نظاميين لدرجة ان النظام عندهم مثل الصلاة عندنا ماتترك ولا يتهاون فيها الا انسان متخلف او عاصي
...ابنا بن عمي خمسة وزجتة السادسة وهو سابعهم وانا الثامن يعني هم مخالفين النظام قبلي وانا جيتهم وزدت الطين بلة ...فاذا مررنا بسيارة مرور او شرطة طلب من بناته لانهن صغار شوي يندسن تحت حتى نمر بسلام وفعلا نجحت الخطة وصلنا بالسلامة ويادار ما دخلك شر ...
في الحلقة القادمة تابعوني....

الناس مشاهدات دون ردود ولامرور الله يعوض علينا حتى من المشرف لم يشرفنا بزيارة وبمروركريم