منتديات عتيبه - %% (( أم العيون الناعسات )) %%

[size=4][B][color=#0000FF][poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالت تراني منك أنا يا صاحبي زعلانه=قد حسها قلبي قبل لاتنطبع بلساني

اليّه على شخصك عتب يومه كبير(ن) شانه=الله يخون اللي لعشرة صاحبه خواني

قلت العتب مقبول لكن وضحي يا فلانه=عن ما يجول بخاطرك قولي وكلش فاني

يا أم العيون الناعسات الذبل الفترانه=ورمش العيون بهيبته زلزل جميع أركاني

وخد(ن) ليامن شع نوره واصطفق صوانه=قامت تكاشف لي بروقه في سماء جياني

والمبسم اللي أختلط لوله على مرجانه=اللي يشابه في جماله خاتم سليماني

اللي ليامن سال سيله وامتلت وديانه=غار العسل من طعم ريقه والشهد غيراني

والنهد فاتن والنحر والقامة الرويانه=والعنق عنق خشيف ريم(ن) ذاير(ن) جفلاني

والردف بارز مستدير وساقك المليانه=ياقدرة الله كل ما أشوفه سحر رباني

ما كنت أضنك جاهله فيني يا هالإنسانه=وأنا أحسبني واضح(ن) طبعي ومن عنواني

ماني من اللي يجنبزون من الحلق للزانه=وماني على طرد المقفي لا مشى شفقاني

ولاني من اللي لا نطق له هرجة(ن) بلسانه=قام يتلعثم خايف اللسانه يصير الجاني

ولاني من اللي بالمشاكل موذي(ن) جيرانه=أدرى على سمعة رفيقي حافظ(ن) جيراني

ولاني من اللي كل حي(ن) حافظ(ن) سيسانه=في كل ساس(ن) منحني راسه وعظمه واني

ولاني من اللي ما يدسم بالشحم ضيفانه=أكرم ضيوفي وأبتسم في وجه من ينصاني

أنا من اللي قبل سيله يندفع ودانه=كريم نفس وعزتي تطغى على وجداني

في ذمتي أني لبتر الخفاق من شريانه=ولا ينحني راسي ما دامه ثابت(ن) فأمتاني

وإذا أنتهظت بفزعتي كل(ن) خزى شيطانه=مهيوب من فعلي وعندي هيبة الشيخاني

ما أرتعد لاشفت خصمي مبرز(ن) نيبانه=وأشوش حزات الطلب لوحيت من ينخاني

ولبديت قولي للرجال أجيب منه سمانه=وأجنب الهزله وهزل القول ما يزهاني

أتبع علوم الشايب اللي فاتح(ن) بيبانه=ما ينقفل بابه بوجه الجار والضيفاني

حافظ علوم الجد الأول مانسى جدانه=وانا بعد مثله أخذت العلم من جداني

أفخر بنفسي دام لي بين المراجل خانه=وأفخر بأبوي وراس جدي وأفتخر بأخواني

وعزي بني عمي حزامي في نهار الشانه=الكل منا في اللوازم عزوة(ن) للثاني

ولي الفخر في لابتي الهيلا أعز بطانه=اللابه اللي فعلها بين القبايل باني

هم فزعة اللي جالهم عاني وهم مزبانه=وهم عزوة اللي في الملاقا تزهم الشجعاني

كانوا لمجد الأولين اللي مضى عنوانه=ولا خفت بين القبايل سيرة الفرساني

وأعرف بحور الشعر عرفي لجرته وأوزانه=واليا بديت ببدع قافي ما اختلف ميزاني

مانيب جاهل في القصيد ووزنه وقيفانه=أبدع قصيدي لاطرالي طاري(ن) سراني

الطيب ورث(ن) لي ورثته من قديم أزمانه=من طيب ساسي ما لفتني طيبتي مجاني

مير أخبريني هالعتب وش ساسه وبرهانه=ياللي لفيتي عانيه قولي وش البرهاني ؟

كان العتب من فعلة(ن) مني فلك ميزانه=إن قاله الله مايجيني عاني(ن) دياني

الك الرضى واللك الوفاء والك الوفي وحصانه=والك اعتذاري من فعل راسي ومن قيفاني

وكان الخطأ ماهوب مني وأنتي الغلطانه؟=أبدمح الزله ولاني للعتب طرباني

بس ابشري ياللي نصيتي صاحبك عتبانه=والله ماتمشين الا وخاطرك رضياني

ولك كلمة(ن) عندي خذيها وأفهمي يا فلانه=ما عاد لي في الكون كله دام خلي جاني [/poem]

وسلامتكم جميعاً

اخوكم

عبدالعزيز العتيبي

موال الغربه [/color][/B][/size]