منتديات عتيبه - يا عيون الوفاء جودي بزرق الدموع=خلى الدمع فوق الخد مثل الهلل

[frame="10 80"][poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="groove,10,gray" type=0 line=0 align=center use=ex num="0,black"]
قال من يثني الهامه لربه خضوع=جل شان الكريم اللي بيده الاجل
الرضاء بالقضاء المحتوم وقت الوقوع= سنة المصطفى اللي ما عليها جدل
هاجس الشعر صا ر لنار حزني ولوع= حين اذاعوا خبر فهد الفهود ارتحل
يا عيون الوفاء جودي بزرق الدموع=خلى الدمع فوق الخد مثل الهلل
أجهدي يالعيون وزوعي الدمع زوع=لاتخلين شيٍ ماينوشه بلل
لا تغالين دمعك بالشهر والسبوع=الفقيده عظيمه والمصيبه جلل
مات باني حضارتنا زعيم الجموع=مات فهد العروبه مات فهد البطل
مات رمز التضامن عن جميع الصدوع= جامعٍ شمل الامه لا يصيبه شلل
وبعد فقده يلوع الامه الهم لوع= مثل لوع العواصف في سفوح الجبل
خيم الهم واطفاء الحزن نور الشموع= وهزت الفاجعه معنا جميع الدول
صار ماء البحر الأحمر دمع من كل نوع=والخليج اصطفق موجه وصابه خلل
ونجد جرحه عميق امصيبته فالضلوع=والجنوب اغرق السوده بدمعٍ همل
وسيل أهل الشمال الأوديه والسلوع=دمعة الطفل تسبقها دموع الكهل
الوفاء دمعته تجري على الخد طوع=ولا يصيب المشاعر من سببها ملل
تذرف العين دمعتها وقلب جزوع =ودورة الوقت مكرتها تفر بعجل
الفهد قايد الأمه تجاه الطلوع=خادم البيت والإسلام عنا رحل
أحسن الله عزانا في شريف الطبوع=طيب الذات والسيره مداو العلل
وبارك الله ببيعتنا نهار الربوع= وبارك الله بمن شال الحمل واحتمل
ويحفظ الله لنا أصل الوفاء والفروع= قادةٍ قادوا الامة بحكم ٍ عدل
أبو متعب ولد عبدالعزيز البتوع=طيب الساس والمنهج عريب الأصل
ونايبه طايلٍ بوعه على كل بوع =بالسياسه يحلل محكمات الحيل
نبتهل بالسجود ونبتهل بالركوع =يحفظ املوكنا من كل شر وزلل
تم قولي ولله البقاء والرجوع =وجل شان الكريم اللي بيده الأجل

نواف بن عبدالعزيز بن رازن[/poem][/frame]