منتديات عتيبه - قصيدة للشاعر الكبير : شقير الروقي

[align=center]السلام عليكم ورحمة الله وبركاته

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
صاحبي مع نجع عتبان شـدو بـه جنـوب=مطلـع النجـم اليمانـي تنصـاه ضعـنـه
جرهم عسـاس بـدو يسولـف بالعشـوب=قال من جاب الخبر قـال انـا جايـك منـه
عان خشم مذقان الادنى يكفك كـف ثـوب=لا ورا نجـران مـا فيـه فتـق ولا سنـه
جرهم جروه للسجـن فـي تهمـة حبـوب=جـره اللـي متهمـه بالجريمـة ومهـنـه
المبانـي طويـت والدبـش ذب الــدروب=والدريول كل تايـر علـى الجيـك اوزنـه
انتحوا به يافهـد والهـوى سـم القلـوب=ان كنـاه المبتلـى بالهـوى وانـا اعلنـه
ابتعد عني وانا صـرت بالبعـد مغصـوب=ما جداي الا ابـدع القـاف واجـر ألحنـه
رحت انا في صوب ودقيق المثاناه في صوب=لعنبـو يـوم المفـارق علـيـه ملعـنـه
لعنبـو يـومٍ يفـرق مواليـف القـلـوب=يجـرح العشـاق ويحـط فالقلـب طعـنـه
ساعةٍ قلـب المولـه خطيـر إبهـا يـذوب=والدقايق مـن زمنهـا تقـدر عـن سنـه
ساعة الفرقى عقايب وذنـب مـن الذنـوب=يوم مالي حيلـه الا انشـد الطرقـي عنـه
انشـد الطـراش واقـول هبـي ياهبـوب=وعلمينـي وان دارٍ هـوى البـال سكـنـه
هو رجع للمـدن ولا مـع البـدو العـزوب=يتبـع الشـول العفـر ويتـغـذى بلبـنـه
في هوى سحج العشاير عريضات الجنـوب=امتحنهـم شايـبٍ جعـل ربــي يمحـنـه
مـرةٍ بأطـراف عدفـا ومـرةٍ بالهضـوب=وكـل يـومٍ شـدتـه بالمـيـات مقنـنـه
كل مصبح شـب نـاره وزودهـا شبـوب=وان خلص من دلتـه قـال طـوي ياهنـه
عجلـي قـدام يحتـر بالشـمـس اللهوب=المعشى نبـت برقـه ومـن دونـه سنـه
كـل بيـرٍ شـاربٍ مـرة منهـا شـروب=ماسكـن فـي دار واحـد ولا عـدّ قطنـه
عذب المجمول واذهـب مداويـره ذهـوب=اذهب الله عرق ابو جده اللـي هـو منـه [/poem]

للشـآعـر الكـبـيـر : شقيـر الـروقـي [/align]