الله على اللي قرحها(تو) مابان
 

الله على اللي قرحها(تو) مابان
حمرن جماليه طويلة نسانيس

تهذل هذيل الذيب يامنير سرحان
ناشه رميق المأس من ناقل الفيس

من ساس عيراتٍ على مر الازمان
تشهد لهن ركابة الخيل والعيس

مرمله من ساس ريمه وشقران
تبعد مراميسٍٍ وتقرب مراميس

من نقرة الزرقاء اليا باب نجران
ماهجنوها شاعمين الفوانيس

ابا عليها انحر سلايل كحيلان
نسل الرجال محرقين المحاميس

اجيه من كثر الهواجيس زعلان
ويرتاح بالي من جميع الوساويس

واشكي عليه اللي خذا القلب هموان
احتال في قلبي وحط اللواليس

بخرسٍ هدبها كاسين حمر الاوجان
وعواتقن ماناشها كل بليس

رسم الدبق في جيدها مابعد بان
زين الحلايا جوهره مابعد ديس

ياشبه شقحن مع شراشيح قطعان
في ماقعن فيه الجوازي كوانيس

ترعى من البره اليا نِمر عردان
ما رددوها اهل الوجيه المعابيس

مع ضف ربعن بالوغى شانهم شان
اليا تعلوا حمرٍ سوات القرانيس

الهم على الزلبات دره بالاكوات
لاغطرفن البيض فوق اللواليس

عتبان وان ردوا على الخيل شجعان
يروون حد السيف في ساعة الميس

عيد بجاد بن شده

صح السانك يابن شدة لكن اللي تو طلع قرحها
ما عاد تودي ديره الا اذا كانت هذه القصيدة قديمه
جداً
وتحياتي لك

حنا اهل الخيل واهل الجيش
صح بدنك يابن ثعلي

صح لسانك يابن شده دايم مبدع الله لايهينك