نصائح مهمه .. كيف تتعامل مع جو الغبار .
 

[COLOR="DarkRed"][SIZE="5"]نصائح مهمة .. كيف تتعامل مع جو الغبار ![/SIZE][/COLOR]


[COLOR="Navy"][SIZE="5"]
١ - ضرورة غسل الوجه بشكل متكرر وغسل الأنف والفم لمنع وصول الغبار إلى الرئتين




٢ - استنشاق الماءبوضع الانف داخل الماء والقيام بالتنفس لتنظيف الانف من الأتربة الداخله فيه




٣ - وضع الكمام أو وضع فوطه أو كلينكس مبلل على الانف وألفم



٤ - الإكثار من شرب الماء





٥ - إغلاق النوافذ والأبواب بشكل محكم ووضع فوط مبلله على الفتحات الصغيرة في النوافذ




عند الاستيقاظ صباحا..سوف تشعر ان راسك بينفجرمن كثر ما تنفست غبار و بلعت رمل..
هنا يأتي دور العسل ! ملعقة واحده ترطب المريء و تقتل البكتيريا بإذن الله.


حفظكم الله بحفظه [/SIZE][/COLOR]

[COLOR="Navy"][SIZE="5"]
منقووووول[/SIZE][/COLOR]:rose:

نصائح مهمه

لآهنتي ياعهود والله يعطيك العافيه

[size="4"][color="darkorchid"][font="mudir mt"]جميل طرحك دوما .. عهود
...................................لا هنت [/font][/color][/size]

تسَسلمين [color="gray"]عههود [/color]
على هـ آلطرح
من جد بيفيدنآ على هـ آلجو

[font=diwani letter][size=6][color=darkred]آلحمد لله مآعندنآ غبآر :1:[/color][/size][/font]
[font=diwani letter][size=6][color=darkred][/color][/size][/font]
[font=diwani letter][size=6][color=darkred]نصآئح مهمه ومفيده يعطيك آلعآفيه يآعهود[/color][/size][/font]
[font=diwani letter][size=6][color=darkred][/color][/size][/font]
[font=diwani letter][size=6][color=darkred]الله يحفظ آلمسلمين من كل شر[/color][/size][/font]
[font=diwani letter][size=6][color=darkred][/color][/size][/font]
[font=diwani letter][size=6][color=darkred]لك آلتحيه,’,’,[/color][/size][/font]

الله يعطيك العافيه طرح قيم


تقبلي مروري:ونتتضر جديدك

دقها لطمه وماجاك علي <~ حل يمشي 200


الله يعطيك العافيه اخت عهود ، والغبار كثران هالايام وصاير مفاجئ بشكل غير طبيعي

ذاك اليوم طلعنا البر طلعه خفيفه وسريعه ومفاجئه برضو

اخذنا العده وكل ابو شي وجلسنا والجو من زينه وشبينا نارنا وجهزنا عشانا

وسوينا ذاك القصدير اللي على كيف كيفكم وحطيناه في النار ، وجلسنا نتقهوى

شوي واقوم وارفع راسي ( نسيت وش قمت عشانه ، المهم اني قمت ) الا اشوف الغمامه السوداء جايه من بعيد

قلت يمكن الكهرب طفا عن المحطه اللي كانت تبين لنا اول ماجلسنا ههههه ، بس بعدين دققت فيها الا باين ان

الجو مايطمن واللي جاي بالطريق عجتن سودا ، المهم جلست وانا كاتم الضحكه واناظر العيال واناظر العشا

ماعلمتهم ان العجه جايتنا ،جالسين كل واحد يعطي الثاني من الرخيص من السوالف

والثاني يرد عليه : اوماااااا عاد<~ يعني متفاجئ من السالفه الاخ وهو في قلبه يقول والله من الخراط والنصب


المهم انا كل شوي اناظر العشا واناظر العجه وابي افجر الضحكهبس مسكت نفسي

اصد عنهم واضحك <~ يسمع بالمقالب

آخر شي ماعاد قدرت انفجرت وانا ابخها ضحك بينهم وانسدح على ظهري من قو الضحك

اسكت شوي.. واناظر عشاهم ثم ارجع اضحك ، وهم يناظرون لي باستغراب مايدرون وش السالفه

المهم قلت عشاكم توكم حاطينه على النار والعجه جايتكم بالطريق ههههههههههههههههههههههه

اخوياي سكتوا شوي وانعفست وجيههم : هه .! وش تقول ، قاموا الا شافوا العجه قربت خلاص شوي وتضفهم معها

وهم يناظرون عشاهم اللي جلسوا ساعتين يضبطون فيه ، شوي يناظروني ويفقعونها ضحك <~ **************** ههههههه

المهم العجه كل مالها تقرب ، وحنا ننتظر العشاء يخلص جسلنا واقفين ( كيف يعني جلسنا واقفين ، لغز ذا والا

وش ) المهم بقينا واقفين نتابع مسير العجه ونتابع العشاء وننتظره يخلص ،، العجه تقرب والعشا يقرب يخلص

العجه تقرب لنا والعشاء يطبخ في النار ( صوت موسيقى تأثيريه حقة افلام الرعب خخخخ )

آخر شي طلعنا العشاء وهو مابعد استوى زين ، نبي ناكل بعضنا من زود الجوع ماعاد نقدر ماكلينه ماكلينه الله

لايعوق بشر (( انا من زود الجوع جلست اتخيل اخوياي شطيرة همبرجر خخخ ))

جلسنا ناكل وسط العجه وماعاد نشوف زين وضيعنا بعضنا وسط العجه ( ما أكلنا تراب ترا .!!)

شوي وحنا ناكل على اللمس مانشوف ، الا اسمع صرخة واحد من العيال آآآآآآآآآآآآآآآآآآآآي ، وش فيك يافلان

وش جاك لايكون مت ( فال الله ولا فالنا طبعا ) الا قال:

من الدلخ اللي عض اصبعي ههههههههههههههههههه

من خلصنا عشا قمنا شغلنا سيارتنا ومشينا وخلينا اغراضنا وكل شي ، حتى الظاهر نسينا واحد من العيال

لان ندق عليه من ذاك اليوم جواله مقفل ، مع انه كان معنا من اول الطلعه .



معليش يالعهود على الشطحه ، بس موضوعك ذكرني بطلعتنا المشؤومه ، ونصيحه لكل واحد منكم

انه يتنقى اخوياه بالذات اذا جا يكشت ، ويسوي لهم اختبار ذكاء عشان ماتصير كوارث بالطلعه

واهم شي واهم شي لاتثق بالجو ، وعليك بالنصايح اللي في موضوع الاخت العهود ، ومر لك اقرب صيدليه

وخذ لك درزن كمامات ، تحتاجها هالايام ممكن في اي لحظه تعج .


الله يعطيك العافيه يالعهود ، معليش على الرد والشطحات اللي في الرد


شكرا ً

[color="navy"][size="5"]في مواضيعي أنا اشطحوا زي ماتبون ..بما أن الشطحه تتعلق بالموضووع ..
الماجد ذكرتني بكشتتنا قبل اسبوعين والله ياهي كشته رهيبه ..ههههههههههههههاي..كان الجو رايق وحلو وقت العصر ... كانت السماء مغيمه ومتوقعين نزول المطر ...لما قرب وقت المغرب يجيك ذاك العج الله لايوريك ويجيب معه انواع الحشرات ....ماارتحنا في جلستنا لكن خلاص نتحمل مشينا مسافات طويله صعب نرجع البيت ..و فيه ناس الا يبون يتعشون في البر ...في هالاجواء اللي طفشان ووده بالرجعه للبيت.. .اللي يشيل شيلات مصدق نفسه ان صوته حلو ....اللي يتقهووون ...اللي جالسين ماسكين ابو جعل يستكشفون وش هالكائن الغريب (بزارين ) ..اللي جلس في السياره ماأعجبه الوضع ...اللي يحاول في ابراج الجوال تشتغل يرقا طعس وينزل من طعس.....المهم خلاص حطوا العشا على النار بعدها بساعه كذا يجيك ذاك المطر... وش يسووون احتاسوا.. جاتهم فكره ياخذون الفرشه اللي كانو جالسين عليها تكون كمظله (أهم شي العشا هع هع ) يمسكونها اربعه كل واحد من طرف هههههههههههههههههههه تخيل والمطر عليهم...ينفع بلوتوث طريف صح المهم كل ماوقف المطر حطوا الفرشه على الارض وكل مارجع مره ثانيه شالو الفرشه ونفس الطريقه ..لين خلص العشا...تعشينا ولله الحمد .
كان يوم ممتع بصراحه ولا ينسى مع انه كان مغبر وممطر وبارد ..[/size][/color]

هههههههههههههههههههه


عهود ذكرتينا برحلاتنااا واخرتهااا هوشه ونرجع البيت وحنا ماتعشينااا


هههههههههه




يسلمو علىالموضووع

[size="5"][color="navy"]هههههههههههههههههههههه

الله يسلمك يالغلا

حياك الله ..تشرفت يتواجدك يالمطنوخه [/color][/size]