محاورة نار وبنزين
 

يسعدني أن أنقل لكم هذه المحاوره بين الشاعرين الكبيرين مستور العصيمي
وحبيب العازمي والتي جرت بينهما في قاعة الملكه بالحويه
وكانت مثل النار والبنزين .



حبيب العازمي:
أبو تركي يباله قاف مثل النار والبنزين = حريقه في حريقه والمطافي ماتطفيها
على شان العلوم اللي نبا تفسيرها بعدين = يخربها ولد جاره ولا يقدر يسويها
مستور العصيمي:
ليا شبيتها نرميك فيها ياغراب البين = علاك اتشبها وأنا علي اكفتك فيها
والا يالعازمي ماني بزايد فوق دينك دين = أخذ عبرة التجارب فـ( اول) الدنيا وتاليها
حبيب العازمي:-
أنا ماني غراب البين أنا خلالٍ يخل العين = وأنا وشلون احول وسطها وأنت متوقيها
ثمان سنين زايدها ثمان سنين كم سنين = نعش الأرنب السوداء وتفتلنا باذانيها
مستور العصيمي:-
أنا ماني بخابر عازمي واحد طويل ايدين = ليا طالت يدينه ماتعدّا عن مخابيها
سوالف ماتخالف ياحبيب بين حين وحين = لكن العازبات اللي يسرحها يضويها
حبيب العازمي:
لا بالله ربعك أنته كلهم شجعان وأنت دوين = تمد ايداك وحبيب على كيفه يلويها
رحانا كل مادارت على حبٍ يروح طحين = نداويها ونجرحها ونكحلها ونعميها
مستور العصيمي:
بناناها على طول الليالي مثل صور الصين = تراكم صيدة ٍفالوقت نطبخها ونشويها
ولا يارعي الحجه نبى برهانها ذالحين = ولا تغدي علينا بين كاتبها وقاريها
حبيب العازمي:-
حديتونا على علم الردى ياربعنا الغالين = رديه والرديه راجعه في حظ راعيها
يموت الحظرمي والحبحبه حمراء على السكين = ولا يقدر يقطــــــــــــعها ولا يقدر يخليها
مستور العصيمي:-
عسى الله ينصر الإسلام ويقوم عمود الدين = ويكتب لك ثوابك فالصلاه اللي تصليها
ابوي امحارب الكفار في غزوة بدر وحنين = وأبوك اللي مغار يسند الديره وينحيها
حبيب العازمي:-
يقولون الرجال الضعف دائم حيلة المسكين = وحنا أهل المروه والضعافه ماندانـــيها
ابوك الله يغفر له قضاها مع رعاة الضين = ويزعل لو يشوفك فالغنم سارح مفليها
مستور العصيمي:-
يقولون الرجال العز ضرب السيف ابوحدين = وابا اذكرك في بعض اللحون اللي تغنيها
أنا دوبي عرفتك ياحبيب بعد عام الفين = واعاين في وجيه الناس واجرحها واداويها
حبيب العازمي:-
ترى اللي يدفع الدرمه على وقت الشريف حسين = علاه ملاحظه عند الزكاه اللي يزكيها
ليا منا تمادانا ترانا كلنا مخطين = وأنا جيتك مصيبه والمصيبه وين تغديها



وسلامتكم يالغانمين

لاهنت يالجميعي ومحاوره من العيار الثقيل تشكر على ايرادها

محاورة رائعة جدا

يسلمووووووووو

.. تقبل مروري

[size="6"][i][color="navy"]محاوره جميله لاهنت على نقلها[/color][/i][/size]

[color="darkslategray"][size="6"]من أروع محاورات حبيب ومستور
شاعرين عملاقين ومحاورة بالفعل من العيار الثقيل
تشكر يالجميعي على رائع المنقول [/size][/color]

محاورة قمة في الرقي

من شاعرين معروفين

اطال الله في عمارهم

جعلهم ذخر

لا هنت يالجميعي على النقل الرائع