أالى أخي اللذي لم تلده أمي/نايف بن خالد السليس العتيبي
[color=#000000][size=4][align=center]هذه القصيده مهداة الى الأخ /نايف بن خالد السليس العتيبي[/align][/size][/color]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] تعال ياجزل القصيد ان طلبناك=أحضر بأمر الله على غير طايب أسمع وطاوعني وأنا آمرك وأنهاك=ومن ذود شعري هات عشرة نجايب وأهده لراعي الطيب والطيب منصاك=وقله ترى ريح الليالي هبايب أنصه ولامن حط كفه بيمناك=قله دخيلك.. شفت سبع العجايب وأن قالك وشفيك وشصار وشجاك=قل الحظوظ مشبهه بالركايب لاصار ماحظك يباري مطاياك=يلعنك ياحظ(ن) تجي بالغصايب أفرش عباتك وأجدع أعقالك.أهناك=وقل أنتهى ياذيب دور العصايب أستسمحك في داخلي شي ماجاك=لاضي جهنم والحرايق لهايب تدخل يابو خالد مع ألف شباك=والذيب مايرضى بحياة الغلايب جيتك أخاطب شخص داخل حناياك=بصدق المشاعر كل حياتي مصايب دورت باصحابي رجل مثل شرواك=يقلط ويفعل بأحتكأم النوايب مثلك لمن يناخاك تاتي من أقصاك=اللي بطيبك عند راسه نصايب بس مالقيت اللي مطابق مزاياك=وانا بعد رجال صقره لشايب نفسي عزيزه ماتجي لذاك أو ذاك=أموت حر وماأقبل العيش عايب حفّرت بأظفاري الصخر لاعدمناك=حتى مع الجن لي أعلوم وطلايب واليوم ضاقتبي الفجوج وقصدناك=واللي نصى شرواك مارد خايب ناصي ياراس الشرف ماأتعداك=أمّا أنت والاّ أني من اليوم تايب أنا قبل ماجيك أعلم بمبداك=ودارس عذاريبك ولانيب هايب عذروبك أن العز تغويه ماأغواك=وسلطان عز ك جادعه بالترايب وثاني عذاريبك تعز من خاواك=وأحلى من السكر لياصار ذايب وعذروبك أنه لوطلبك اللذي جاك=ثوبك يتمم من صخا فعل صايب معطيه طيب وعارف نقلة أخطاك=زي ماعطاك الطيب ذيب الرقايب الطيب ورث ويرحم الله من أعطاك=غيث زما بين السما والسحايب تروي الظما يانايف لياأنتثر ماك=وتخضر بهتانك حزوم وهضايب لعل عود عرب أنساب مجناك=مسكانه الجنه تحوفه ربايب روقي بفزة نبهتك دام منبـــاك=ومن رافقك ياذيب عاف القرايب وأذا القصايد تنحني عنــــد شرواك=العـــز في ملقـــاك والشـــر غايب يابن السليس وماكــــر العز مربـــاك=من مصقره ماقيل به فرخ خايــــــب ربعك عتيبــــه كل ماحل طريــــا ك=مشهود لك ياريف نوح الصحايب ياصاحبي شفي لك الله مخاواك=وأبقى رفيقك لين ماصير شايب[/poem] |
الله يخليكم لبعض
وان شاء الله توصل لصاحبها ومشكور يالخريصي |
صح السانك ياحماد الشمري
وخالد السليس يستاهل المدح والعلم الغانم تحياتي |
صح لسانك يا الشمري ويستاهل السليس
وتنقل الى قسم قصائد الاعضاء |
صح لسانك اخوي حماد الخريصي
وبيض الله وجهك يا الغالي ولا تحرمنا من جديدك تحياتي لك ،،،،، |
حماد
صح لسانك صح لسانك ويستاهل وتستاهل الطيب تحيتي |
صح لسانك أخوي حماد الخريصي
ويستاهل السليس كل خير بانتظار روائع جديدك |
شكرا لكل من مر
|
اين القصيده يالشمري
|
وينها
|
جميع الأوقات بتوقيت GMT. الساعة الآن 08:44 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها