من لا نشدني ما عطيته علومي
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من لا نشدني ما عطيته علومي=لو جيت من بعض المطاريش بعلوم
اسكت ومن بعض الكلام مخدومي=زود الكلام وناقصه فيه مخدوم
واجلس على رغبة هواية وقومي=اسمع وخلي عايل الهرج وقوم
أرفى لساني والضمير مختومي=يبقى على ما فيه مغلق ومختوم
والصمت حكمة للبيب الفهومي=وكثر اللغى يثر مناقيد وثلوم
والصمت سترٍ للخطى والثلومي=خصلة وقار ويودع الرجل محشوم
وعلمٍ ما هو مطلوب ما هو لزومي=خله ويبقى داخل الجوف مكتوم
يمكن تقوله والقبول معدومي=ويصير علمٍ ناقص الذوق معدوم
وإن نشدوك الطيبين القرومي=هات العلوم الطيبة واسمع القوم
خلك لجزلات المعاني عزومي=واعرف ترى بالهرج طيب ومذموم
وهايبٍ من عند منشي الغيومي=الطيب وهبة والردى حظ مقسوم
والحر عن هزل المعاني يشومي=الطيب نوه والردى عنه مفطوم
وإن شفت لقاف السوالف يزومي=هرجه كثير وفيه ذوقٍ من الثوم
اعرض وخله في سبيله يعومي=خله عساه بضيعته دايم الدوم
واصبر ليا لمت عليك الهمومي=ساعة بدل ساعة ويوم عوض يوم
واطلب من الرب الكريم الرحومي=اللي من الظالم نصر كل مظلوم
وان شفت من بعض الرفاقة وهومي=لا تنطح الخلات بالسب واللوم
اترك وسامح والردى ما يدومي=والطيب يبقا لك مع الحي مرسوم
إلا ليا ناش الكلام الخشومي=الصبر ما هو زين والخشم ملطوم
صبرٍ على العوجا دليل الرخومي=والذل ما هو للمناعير للبوم
والحق لا تخفيه تحت الكمومي=عده ترى من يكتم الحق محروم
واترك سبيل مضيعين السلومي=نقالة الهرجة على غير ملزوم
اللي على الغافل تشن الهجومي=بياعة الذمة رخيصة بلا سوم
دحامة المجلس كبار الجرومي=جرمٍ كبير ولبة العقل مفروم
هدايد(ن) لمعورجات الرقومي=ضبع الرجال وللغنادير داهوم
تمت وربي له صلاتي وصومي=على الرسول اللي عن العيب معصوم [/poem]










[size=4][frame="7 80"][color=#0000FF]الشاعر / مقحم حمود الحربي[/color][/frame][/size]

لاهنت وصح السان شاعرها وسلمت يمينك

يا عبدالرحمن

صح لسانك ولسان قايلها

ياعبد الرحمن

صح لسانك يا عبدالرحمن ولا هنت على النقل الرائع

صح لسانك ولسان الشاعر مقحم الحربي وتسلم على النقل الرائع

[color=#0000FF]صح لسانكـ أخوي عبدالرحمن ولسان قائلها مقحم الحربي
لاهنت على القصيدة الجزله[/color]

[QUOTE=سبـ~|راعي|~ــلا;207570]لاهنت وصح السان شاعرها وسلمت يمينك

يا عبدالرحمن[/QUOTE]




[color=#000000]الله يسلمك أخوي راعي سبلا ولاهنت على المرور[/color]

[QUOTE=سود العيون;207574]صح لسانك ولسان قايلها

ياعبد الرحمن[/QUOTE]





[color=#FF0000]صــح بـدنك يا سود العيون[/color]

[QUOTE=اخو من طاع الله;207579]صح لسانك يا عبدالرحمن ولا هنت على النقل الرائع[/QUOTE]

[color=#0000FF]



صـح بدنك اخوي وتسلم على المرور[/color]

[QUOTE=محمد العتيبي;207874]صح لسانك ولسان الشاعر مقحم الحربي وتسلم على النقل الرائع[/QUOTE]





[color=#0000FF]صح بدنك والله يعطيك العافية[/color]