منتديات عتيبه - ديوان الشاعر / غازي بن مهنا الشيباني

أخواني أضع بين أيديكم بعض من قصائد الشاعر غازي مهنا الشيباني آمل أن تحوز على رضاكم ودمتم سالمين وياليت الاخوان ينسقونها .....
-----------------------------

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جندت نفسـي لنفسـي عـن معاثرهـا=اخـاف مـن عثـرة تصعـب تواليهـا
لعـل ربـي علـى الاصـلاح يامرهـا=النفس تجهل وأخـاف ابليـس يغويهـا
اخـاف تسـرح مـع الدنيـا تغيـرهـا=اهـدي النفـس لـو كثـرة طواريهـا
اتعب علـى السمعـة العليـا وادورهـا=وليـا بغـت مسلـك الـزلات عاصيهـا
ابـي لهـا المرجلـه مانـي بعـاذرهـا=لـو المـراجـل تعيـبـات مراقيـهـا
اقص الأمجـاد وأمشـي مـع جرايرهـا=اتبع طريقـة رجـال الجـود وامشيهـا
اغلي هل الطيـب ماضيهـا وحاضرهـا=احــب عاداتـهـم مـانـي مخليـهـا
واصبر ليا ضقـت ليـن الله اييسرهـا=لو خصنـي حاجـة للنـاس مـا بديهـا
والهرجـة اللـي تعدانـي مـا فسرهـا=ولا شفق على كشفها من دون راعيهـا
واتـرك سبيـل الـعـرب لله يدبـرهـا=تجينـي السالفـة ماكـنـي أوحيـهـا
أقول مـدري بهـا لـو كنـت خابرهـا=واللـي سألنـي يبيهـا قلـت ناسيهـا
وش لي وراء الناس يوم اجرح مشاعرها=الفتنـة الميـتـة مـانـي بمحييـهـا [/poem]

**********

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كريـم يابـرق بعيـد سحـابـه=جعله على هاك المشاريف صباب
جعله على المشقوق يسقي ترابه=ويسقي سحيله والينوفي وعباب
والهضب من سيله تدفق شعابـه=دار يحن القلب يمه ولـو غـاب
دار بها تسمع تعـاوى الذيابـه=فيها النبشتي ما يوقف على الباب
منزال ربع كـل ابوهـم قرابـه=ما بين عم وخال ما فيهم اجنـاب
قلبي كمـا دلـو تجـدد خرابـه=يقفي ويقبل بين غارف وجـذاب
دلي علـى عـد قليـل شرابـه=لاروى الهليك ولا لقا عنه مجناب
شفي بمشقـوق جديـد خصابـه=فيه البيوت اللي تبنـا بالاطنـاب
اخير من قصـر الا صـك بابـه=اليا لفاه مسير مـن هلـه هـاب
سلم الحضارة خاطري مارضابـه=لكن اطيع الوقت والوقت غصاب
كل على ما قيـل وقتـه مشابـه=وانا بوقتي سرت والكيف ما طاب
قلب ذكر ما ضيه جـدد عذابـه=والراس من كثر التفاكير قد شاب [/poem]

**********

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ملبوس غيرك لو لبستـه يعيبـك=وهرج بلا معنـا يعـود سماجـه
ان كان حملك ما تشيلـه مناكبـك=اطلب جزيل المد وادعـه وناجـه
لا ترتجي من واحـد مـا يوجبـك=لو كان من دنياك مستـك حاجـه
ترا كثير الناس لو كـان يعجبـك=سحاب صيـف مقتفيتـه عجاجـه
ان شاف عندك شي حبك وقربـك=وان قل ما بيدك كثيـر احتجاجـه
ان جدت له وده من الخير ينهبـك=واليا نصيته صد واخـلا مداجـه
اليـا بدالـك لازم فيـه جنـبـك=وقدم عذاره ليـن يلقـا خراجـه
خل الردي من رفقته ويش مكسبك=خلـه بحالـه لا تعكـر مـزاجـه
وقت السعه لا غبت مـره يعاتبـك=والا بوقت اللازمـه مـا يواجـه
انصى الرفيق اللي ليا ضاق حاجبك=لا جيت يمه قام يضحـك حجاجـه
يفرح من افراحك ويجزع لصايبك=وعلاج ضيمك لا تصعب اعلاجـه[/poem]

**********

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي على الماضي توجد من اليـاس=تبكي على الماضي وبالصدر ضيقـه
انس الزمان اللي عليه الدهـر داس=من يرجـع ايـا الشبـاب العتيقـه
وان هب لك من صاف الوقت نسناس=خلك بـدرب الجـود رجلـك طليقـه
وان شفت ناقل شيخة مالهـا سـاس=سـراب صبخـا لا يغـرك بريـقـه
عزك من الله ماش عز ورا النـاس=مكن ايدينـك مـن عـراه الوثيقـه
وارفع مقام النفس عن درب الادناس=والا تـرا ضلـع الندامـه تويـقـه
ترا دروب الهـون ماترفـع الـراس=اسـأل مجـرب يخبـرك بالحقيقـه
واختر لنفسك مع هل الجود مجـلاس=وراع الردا والخبث جنـب طريقـه
ترا دروب الهـون مافيـه نومـاس=والطيب حملـه كايـد مـن يطيقـه
ومن طاوع الشيطان يبشر بالافلاس=من طاوع الشيطان يصبـح رفيقـه
ابليس لايغويك فـي كـل وسـواس=ويرميك في موج البحـور العميقـه[/poem]

***************

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه في منامي هـاض هوجاسـي=من ضيقة في الضمير أخفي مرامسها
تحز في خاطري واخفيـت الارماسـي=من عام الاول وانا في بالي ادرسهـا
اتعب على بنيهـا واجـود الساسـي=واخـاف وادرا الليالـي لا تنكسـهـا
واكن في ضامري لاتـدري الناسـي=واهدي النفـس والاسـرار حابسهـا
ابصر بحالي واكيل العلم مـن راسـي=وهدوم غيري من العـازات مالبسهـا
والرجل أجنب بها عن بهض الاجناسي=واسكـر الاذن لاتسمـع وساوسـهـا
ما كني اوحي خبر لو كـان حساسـي=بعض السوالف ترا السمعـه تدنسهـا
وان شفت ماعفت ما طول بمجلاسـي=و****ت الهرج ما جلس في مجالسها
تمضي الليالـي جديـدات ومراسـي=محمد كشف غيب الايـام ودسايسهـا
دنيـا تبـذ الخفـا وتليـن القاسـي=لو ربحة نـاس ابـه نـاس تفلسهـا
صار الحصيني بها والذيب متواسـي=نفسـه تهقويـه ويحـاول ينومسهـا
وابوحقب في زمانه صـار قرناسـي=يشره على ذبحة الصيـده ويفرسهـا
[/poem]

****************

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
طال الزمان وشيب الراس ما رتحت=توميبـي الأيــام مـنـا ومـنـا
وأن مسني حاجه بالأسرار ما بحت=ويـم الوجيـه الهابيـه مـا تعنـا
أثر العرب ما تلتفت فيك لو صحت=ألا كريم (ن) مـد جـوده شملنـا
أمسيت في ديره وفي ديره أصبحت=وعيا الزمن ما طاع غـازي مهنـا [/poem]

******************

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أمشي بحكم الوقت والله عويني=نوب غني ونوب مخباي خالي
ما تصفي الدنيا على كل حيني=ولا حدن من الدنيا سليم وسالي
بالحظ والمقسوم عندي يقينـي=الوقت حكمه ما يطيع الرجالـي
ولو بالتمني ما طلبته يجينـيب=نيت قصرا على الدرب عالـي
وما دام ما تعطي شمالي يميني=ما فادني عمي وفزعة خوالـي
رزقي من الله كاتبه في جبيني=لو اشتكي للناس ما حدن بكالي
أصبر ولا بد المخفـى يبينـي=ما ني ببين للعرب ما جرالـي [/poem]

******************

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
فكرت في دنياي بالعرض والطـول=وأصبح خطاها ما يساوي نصفهـا
لو طاب لي في عيشها كل ماكـول=كيف أهتني في تمرها من حشفهـا
تضحك لنا الايام والغيـب مجهـول=واتعبت نفسي مـا تحقـق هدفهـا
نفسي لها هومات وتصول وتجـول=ولا بـد دورات الزمـان تعسفهـا
لو أشرب الصافي قـراح ومزلـول=كـم شربـة للكبـد تنكـر عدفهـا
أسمع وانا قلبي عن الهرج مقفـول=وفي صدري الأسرار ما احد كشفها
لو تعجبك يمنـاك والزنـد مفتـول=لا بد مـا الايـام تثبـت ضعفهـا
تصفي لك الايام ساعـات وتـزول=لو مهلت لك منـك تخلـي طرفهـا
كم واحد كنه عن المـوت مكفـول=واقفا وباقي عملتـه مـا صرفهـا
وش عاد لو عمرك يكمل مية حول=من شاف تاليـة النهايـة عرفهـا
أعرض عن الزلات وابعد عن القول=وخالف هوا نفسك ونـزه شرفهـا
وترا الطريق اللي عن العدل معزول=امـا يهيـن النفـس ولا حرفهـا [/poem]

*******************

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
القلب له غفلات في بعض الاوقات=واليا انتبه نطيت روس الشواهيـق
يجيه هاجوس الضحى عشر مرات=من كثر ما يبدي على الرجم ويويق
عليـك ياساكـن ديـار بعـيـدات=اللي عطاني عهد منـه ومواثيـق
ودي بقربـه والليالـي معـيـات=يا ما عصن قبلي رجـال مطاليـق
اخذت لي في ماضي العمر سجـات=سجات عني تبعد الهـم والضيـق
واليوم طاروق الهواء بيننـا مـات=باقـي هوانـا نتركـه للعشاشيـق
عايش على ذكرى الزمان الذي فات=وضاق الضمير اللي سدوده مغاليق [/poem]

*****************

للأمانه الموضوع منقول من أحد المنتديات وارجو من الأخوان القائمين على هذا المنتدى إضافته بدوواين شعراء عتيبه ولكم مني التحيه .