( الليله الرايه طناخة شيابين)
 

[center][size="6"]قصيدة الشاعر فهد القثامي ابو خالد

( الليله الرايه طناخة شيابين)


في عهد ابو متعب تحت راية الدين
...........با العاصمه في مملكتنا الحبيبه

الليلة الرايه طناخة شيابين
........... والبيرق المركوز بيرق عتيبه

لطامة العايل صعوط المجانين
......... ذباحة الحايل صدورٍ رحيبه

والغزوه اللي تنتظرها الميادين
........ جهز لها قايد سلاح وكتيبه

من لآد شيبان الفهود المغذين
.....أهل الفعول الشامخات الصعيبه

صدره لجزلات المعاني دواوين
...... وسيوف عزمه مرهفاتٍ حديبه

ولا يعرف إلا وحده بين ثنتين
...... اما تجي با الطيب ولا غصيبه

وحنا حزامه في اللقاء ونعرفه زين
.... ......سهمٍ يفجر كل قلبٍ يصيبه

وأن قاله الله وصار للحق تبيين
......... مارح إله سلطان لازم يجيبه

العام أخذنا مع هل اللعب شوطيين
........ ولا أحدٍ غلبنا في المعاني غليبه

حتى غدا عنا اللقب قاب قوسين
........ وفزنا بها مافيه شكٍ وريبه

يكفي مصافحنا كفوف السلاطين
...... ويكفي تجمعنا غدا فيه هيبه

وأن عودت للمختصر با العناوين
...... ....الفوز والله وقفتك يا عتيبه

في الموقف الغصاب كنتو وفيين
........وكلٍ خسر من حر ماله وجيبه

وأنتم هل الوقفات في العسر واللين
........ وهذي تراء ماهي عليكم غريبه

ولو كان كف العدل سيد الموازين
........... محدٍ مطالبكم عليها طليبه

يامن يبلغ دولة الهند والصين
......... اللي على الشعار تأخذ ضريبه

لا يزعجون الناس من حين لا حين
............ بيرقٍ في الحرب ما ينغزيبه[/size][/center]

[center][center][size=6]يامن يبلغ دولة الهند والصين
......... اللي على الشعار تأخذ ضريبه

لا يزعجون الناس من حين لا حين
............ بيرقٍ في الحرب ما ينغزيبه[/size][/center]
[/center]



لاهنت اخوي على هالنقل الوافي


تقبل ودي واحترامي


/


،

[size="6"][color="darkred"]
الليلة الرايه طناخة شيابين
........... والبيرق المركوز بيرق عتيبه

صح لسان القثامي ويستاهلون المدح الشيابين ونعم
وفوزالشيابين لنا كلنا ياعتيبه

تسلم يمينك على نقل هذه القصيدة يابو فهد[/color][/size]