الشاعر المغفور له بأذن لله : عايض العجراف المغيري
 

[frame="7 80"][align=center]

[font=Simplified Arabic][size=4][color=#0000FF]السلام عليكم ورحمة الله وبركاته ..

عندي بعض القصائد للشاعر الكبير عايض العجراف وحبيت انقلها لكم .

اتمنى اكون قد وفيت وجبت القصائد كامله وارجو المعذره اذا كان فيه قصور[/color][/size][/font]





[font=Comic Sans MS][color=#000000][size=6]ياهل الركيب قاطعات الرهادي...ماتوصلون اللي على نجد مهيوم
جاهي عليكم يالوجيه البوادي ... والا اوصلو مني مراسيل وعلوم
قولو يقوله عسكري البلادي ...كلام جندي ٍ من الغيض مهموم
حنا عساكر مقرعات التوادي ... لباسة المجلد على غير تعلوم
ليا حل في تالي الركيب ثنادي ... عاداتنا ولنا على الجيش مرسوم
ربعي عتيبه سقم عين المعادي ... ريف الضعيف اللي من الحال مضيوم
رحامتن ولهم نبين ينادي...ميالتن وألهم عوايد على القوم
ربعي قبول الضيف من غير زادي... غير الصخا وألهم قوانين وسلوم
يرعون بالخيفه كبار الهوادي ... حم الشعاف مثورة راقد النوم
كم عيطموسن لبسوها الحدادي...عقب الغلا لبسة زرابيل وهدوم
وكم من عقيد ٍ عقبوه الشدادي...خلي عشا للذيب ومجوع الحوم




........................................




لولاي اوسع خاطري واتمشا...والقاف كنه ينعش العمر تنعيش
لهذي سواة محذر ٍ طالع الشا...شاف الرواعي وطاردوه النواهيش
ليله فريد ومفلسن ماتعشا ... من هود ليل ليا طلوع المغابيش
واصبح يدينه من حفاها تبشا... من كثر ماياطا بها فالنشانيش
يازيد قرب مبعدات المعشا ... شيب ٍ على صوت المغني مداهيش
لا وكدن خفق المطارق تهشا... يغدن غزلان الاشده هشاهيش
يركب على كيرانهن كل ابشا ...ضفران في قطع الخرايم مداغيش

........................................


لولا الحيا لقنب قنيب ٍ بالانصاح...لقنب قنيب الجايع اللي قنبيا
ذيب ٍ بدا في ضلعتن دون مزاح...واروح على جال الدفينه عربيا
جايع وهبتله ذعاذيع الارياح ... وعاف النصيب من العشا وانقلبيا
على عشير ٍ شوفته تبري الاجراح ... اودع صناديق الضماير حطبيا
وجدي عليها وجد من فوقهن طاح ... ظلنه العيرات من دون صبيا
من فوق عيرات طويلات الاشواح ... باق ٍ عليهن من شحمهن عصبيا
يامن سميه بارق ٍ باليمن لاح ... برقه ينوض وطول ليله صلبيا[/size][/color][/font]



اتمنى ان اكون قد وفيت وكفيت .. تحياتي لكم .. اخوكم عبدالرحمن خالد بن رحيم



[/align][/frame]

لاهنت يااخ عبد الرحمن على اتحافنا بهذه القصائد الرائعه للشاعر المرحوم عايض العجراف

الشاعرالكبير عايض بن زيد العجراف المغيري يعتبرمن فطاحلة شعراء عتيبة , التقيت به قبل وفاته بسنة وافادني احد ابنائه انهم بصدد اصدار ديوان له ولكن إلى الأن لاعلم عن مصير هذا الديوان

يعطيكم الف الف عافيه على مروركم الكريم

لكن يؤسفني جدا ً قلة الردود ..


الاخ سعودون الهرس لاهنت يالغالي فيه موضوع ودي اناقشك فيه
واتمنى تدلني على طريقة التواصل معك

رحم الله الشاعر الكبير:عايض بن زيد العجراف رحمة واسعه وشاعر من الفطاحله ما يحتاج وبيض الله وجهك على تنزيل بعض من قصائده هنا وننتظر الباقي إن وجد يا عبدالرحمن ولا هنت