ياللي نشدتوا عن طرايف علومي ...........
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي نشدتو عن طرايف علومي =انا وقلبي بين حاوي ومردود قلبي ليا هبت هبوب الوسومي =بين الضلوع يشوش لملاعب النود ليا حجبت دون النجوم الغيومي =وقامت تجاوب غر الامزان برعود وسرى لميع البرق مثل السهومي =منه الدجا تضحك خراميسه السود نشا بتوجيه الكريم الرحومي =وذعذع له الشرقي يهديه بركود عزل ربابه مثل روس الرجومي =واقبل تباشربه صحاصيح وصمود وادلت هماليله وسيله يزومي =تضيق بفعومه مجاريه ويزود ينسف خفيف القاع فوق الحزومي =ويعم بامر المعتلي راعي الجود يملا الملازم والخمايل تعومي =ومن اين ماجا اخبار ماعنه منشود يحي الهشيم اللي شوته السمومي =ونبته تقول مع اجرد القاع منضود تخالف الوانه سوة الهدومي =اليا اختلط نوار وازهار وورود شوفه يزيل عن النفوس الهمومي =مافيه مخلوقٍ ماهوب اله مشدود يبدل الشده لكل مهمومي =تزيل ويحل الرخا منزل الكود يقضي لزومه كل راعي لزومي =والماشيه تسرح وتضوي بلا رود يازين ممشاً مع نبات القدومي =ليا زرق عنقود من قلب عنقود ليا اشرقت شمسه وريحه زهومي =كن الفياض تعط من ريحة العود ممشاً بريضانه تزيل الوهومي =قدم الفضا عنه نتعوض بملحود تقزير دنياً مثل وصف الحلومي =والا نهاية كل مخلوق للدود مهما تزين ايامنا ماتدومي =الموت طارد وانت يالعبد مطرود دنياً نشوف بها العبر كل يومي =فوق العواتق جردت كل مجرود غاراتها فينا تبيع وتسومي =علف سربها مرذية شمخ القود راحو لها بيضان الايدي لهومي =اللي يلوذبهم عن الضيم مضهود كل ابلجٍ يزحم بجنبٍ زحومي =يرسي ليا شان الدهر كنه الطود واليوم لولا بينات العلومي =نشوف من بعض المخاليق مجحود قلته وانا جفني جفا حلو نومي =والقلب والهاجوس ملحٍ وبارود قلبٍ بغبات الروابع يعومي =عز الله انه ياهل العرف مقرود عجزت في قلبٍ عليه جهومي =لو طاعني والله لاسميه مسعود واهني من قلبه صبورٍ كتومي =غبر الليالي ماسطت فيه بلهود مثلي ليا قامت تراكم همومي =خصٍ من الماضي ليا صرت مريود ليا ذكرت وشفت بعض الرسومي =كن الحشا بمصقل الحد مقدود لولاي اخفي حستي بالعزومي =فرحوا بخلاتي هل النقص والزود اللي بالالسن ياصلون النجومي =وعند اللزايم ماقوو حمل مفرود ناسٍ تناسا مرمسات السلومي =عنهم طريق الخير مغلق ومسدود مقصودي الرديان والا القرومي =مخطي لو الحقهم يابو عيد منقود مايلحق المنقود غير الرخومي =اللي تحلا ضعف منطوق وزنود عوجان طرقٍ عن طرقها نشومي =واللا نعرف نقول حماد وحمود لولا الحيا واحسب لكل محشومي =لااقلب الصفحات عن كل ماكود مير احمد الله والبلاد محكومي =والكل ينعم في ذرا حكم آل سعود في دارهم مابه علينا ثلومي =دارٍ حموه بحد مرهف وعبرود قسمٍ لهم يوم اختيار القسومي =ورث العيال اخوان نوره من العود اللي عقد فوق المهار الكمومي =لين اصبحت خيرات وسهود ومهود واليوم فلي ياكبار العلومي =ارعي بظل الامن والخير موجود [/poem] الشاعر/ محماس بن شميسان العتيبي |
[align=center]صح السانك وصح السان الشاعر
يعطيك الف عافيه قصيده رائعه تسلم ايدك لاهنت تحياتي[/align] |
الغالي
ابووافي.. لاهنت على النقل الكامل الدسم .. وقصيده جزله لـ شاعر كبير بحجم / محماس بن شميسان .. ولاترحمنا من النقل الجزل ... ودمت بخير .. |
[align=center]لولا الحيا واحسب لكل محشومـي لااقلب الصفحات عن كـل ماكـود
صح لسان الشاعر وتسلم خيو علي النقل الجزل[/align] |
جميع الأوقات بتوقيت GMT. الساعة الآن 12:16 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها