استبعاد فيصل الطواله وارسال خلف المشعان هاذي القصيده له ورد عليه الشاعر فيصل الطواله
بعد ان استبعد الشاعر الكبير والمتألق / فيصل الطواله من شاعر المليون
ارسل اليه الشاعر الكبير/ خلف المشعان هذه القصيده وكذلك رد عليه الشاعر فيصل الطواله.. وإليكم القصيدتين وعسى ان تنال على اعجاب الجميع قصيدة خلف المشعان لأنك قريـب مـن التألـق , والإبـداع _________________صرت ( البعيد من القريب ) معكوسـه مستبعد ( بحكـم الأئمـة ) باالأجمـاع _________________لأن الأئمـة , باالذنـوب مغمـوسـه كف الشعر تشحذ بها ( خمسة أصباع ) _________________وراع الفلـوس , يقدمـنّـه فلـوسـه صارت ( قبايلنـا ) ضحيـة للأطمـاع _________________هـذا الزمـن ( .......... ) بسوسـه مايزعلك ( يافيصـل ) الحـق لاضـاع _________________يزعلك ليـه النـاس منـك محموسـه ماكـن ربـي خالـقٍ فيهـم أسـمـاع _________________يوم القصيد العـذب , دنّـت هجوسـه يعني لأنّـا .. نرفـض نكـون أتبـاع _________________وجه الزمـن يعلـن علينـا عبوسـه وألا .. لأن صدورنا دايـم وسـاع..!؟ _________________صـارت يديهـم باالحلـوق مغروسـه لاوالله ألا نضيـق , ونضيّـق القـاع _________________والضرس يخلع , لاعثت فيـه سوسـه مايقـدرون إقناعنـا , نلبـس قـنـاع _________________لأن اللّحا ( حـدر القنـاع ) مهلوسـه إن كانها باالبـاع , حنـا هـل البـاع _________________نشعل فتيل الحرب ( دحة و هوسـه ) أطلق سراح اللـي تقرقـع باالأضـلاع _________________أبطت ( شياهين القصيـد ) محبوسـه خبري بك إنـك ماتزعـزع , وترتـاع _________________( وبنات فكـرك ) ماضـرت للعنوسـه قم بدّل أوضاع الجماهيـر , بأوضـاع _________________الشعـر مثلـك , مايـدور طقـوسـه لأنك قريـب مـن التألـق , والإبـداع _________________تبقى لجماهيرك ( ق ر ي ب ) معكوسه ورد عليه الشاعر فيصل الطواله بهذه القصيده مثل البحر باالظبـط , فضـاءك شـراع _________________قـوس فكـرك , ماعجزنـا نقـوسـه ياسبع ( يامجندل من خصومك ) سبـاع _________________من سيرتك ( بعض القلوب ) مهروسـه دكتور من في راسـه المغلـق صـداع _________________عندك ( دهاة الشعر ) تبتاع كوسـه..! أسد , ولامـن حولـك تزمجـر ضبـاع _________________وأطلق ( ضباع الشرق الأوسط ) تحوسه فينـا شبـه , وإن إختلفنـا باالأطبـاع _________________نرفض حما العـز , المذلـة تدوسـه..! للمبدعين , أمثالـك أجيـب , وأنصـاع _________________وشطارة الجـرّاح , مـن وقـع موسـه وألا القبايل ( ياخلف ) شركـة إقطـاع _________________(ومقامـر الأزلام ) حـنـا مكـوسـه تاريخنا الحافل ( خيانـات , وصـراع ) _________________رواته ( أشبـاه الرجـال , البلوسـه ) تسيـدوا ( حضـارة العصـر) صنّـاع _________________( وتصحّر الأعـراب ) سبـت طعوسـه أسمائنا / تُشـرى علـى شـان ننبـاع _________________وطرشـان زفتنـا (عيـال العروسـه) لاتعلّـم الملتـاع , وشـلـون يلـتـاع _________________( زفرات فكري ) يااللبيب , محسوسـه تطلبني الفزعة , وأنـا أحتـاج فـزّاع _________________في مجتمـع ( أذنابـه اليـوم روسـه ) شبعان مثلـك , وأكثـر العالـم جيـاع _________________والفقر ( تطحـن مجتمعنـا ) ضروسـه نبقى رغم ( دونيـة الساحـة ) ارفـاع _________________لو ان وقـوف الحـظ سبـت جلوسـه (ونعـل العراقـي) تعتبـر طولـة ذراع _________________ويستاهل (الخشم الأبـي) مـن يبوسـه |
[font="comic sans ms"][size="6"][color="purple"]صح لسان الشعراء وصح اختيارك اخوي
/ تحياتي لك...[/color][/size][/font] |
جميع الأوقات بتوقيت GMT. الساعة الآن 11:33 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها