**البارحه ممسيت نومي على الكوع**
 

البارحه ممسيت نومي على الكوع

من علة فيها الروابع تضيعي

القلب كنه بالمعاليق منزوع

وانا احسب ان صدري لقلبي وسيعي

لو صحت باعلى الصوت مانيب مسموع

مثل المدوه للذويد القطيعي

دنياً تقلب ماعرفنا لها اطبوع

ميلاتها منها يشيب الرضيعي

اليا صفت ساعه تكدر لك اسبوع

لوتبي تعدل ميلها ماتطيعي

يذل من نكباتها وافي البوع

ترفع مواضيع وتاضع رفيعي

صكاتها تجعل صعيب الملا طوع

أوغاراتها تاتيه مع كل ريعي

فيها التواصل بين الاقراب مقطوع

الكل دلى في قريبه يعيبي

ياكثر من لافيه للخلق منفوع

لو توقفه بالشمس ساعه يميعي

رجالهم مايقري الضيف جربوع

الله لايرحم ســراب البقيعي

لعل من تمسي اضيوفه على الجوع

تمحل ابلاده في ليال الربيعي****وسلامتكم

صح لسانك اخوي وبالفعل كلمات رائعه تستحق الاشاده

تقبل صادق الود

غريق

هذا من طيبك يالغالي

يشرفني مرورك


ودمت بخير


اخوكم//ربعي عتيبه

صح السانك ياربعي ماقصرت
تحياتي

صح لسانك ياربعي عتيبه
والله يعطيك العافيه على القصيده الرائعه

ابيات جزله تستحق الاشاده مشكور وما قصرت
تحياتي اخوك

عــــــــاااشــــــق نـــــــجــــــد

ربعي عتيبيه


صح لسانك و لكن لمن تكون القصيدة يجب ان تذكر اسم الشاعر

صح لسانك اخوي ربعي عتيبة


تحياتي لك


اخوك النايف

تسلم اخوي بن ثعلي
اشكرك على المرور


اخوكم/ربعي عتيبيه

شكرا على مرورك اخوي سلمان
والله يعطيك العافيه

اخوكم/ربعي عتيبيه