منتديات عتيبه - قصيده للشاعر سالم بن حرقان العريدي الثبيتي مديح في شيوخ عتيبـه

[color="black"]السلام عليكم ورحمة الله وبركاته

اطرح لكم قصيدة الشاعر سالم بن حرقان العريدي الثبيتي
التي القاها في حفلة حمود بن محمد العريدي تكريم للشيخ فيحان بن تركي بن ربيعان والشيخ طالب بن شريم ومشائخ القبائل عموم[/color]

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بذكر الله ابدا بأول الجواب=ياذا الجلال الواحد الوهاب

انت الرجاء وانت الملاذ الامن=لاصككت من دوني الابواب

ياواسع الرحمه برحمتك جازني=وأغفرلي الزلات ياتواب

وألا بعدلك لو تجازي نهلك=فضايلك ماتنحصى بحساب

ويارب وفقني بهذا الماقف=وعسى وقوفي يستحق اعجاب

قدام شيخانٍ ينومس فعلهم=الكل منهم زاكي الانساب

كسابة الطالات والمدح والثناء=وجيه الحمايل تدرك الارقاب

وميقافهم معنا يبيض وجيههم=كفّو ووفّو وكل فالٍ طاب

ننشرلهم بيضاء على كل طايل=ونرجي من الله يجزل الثواب

ويا الله عسى فيحان يبطي راسه=إللي بجهده حلت الانشاب

وقف لنا بالمال والجاه والجهد=يومن بقعا كشرت بالناب

أربع سنين ماتوانى عزمه=ويدحم بجنب ويفتل الاشناب

ولاهي غريبه كابر عن كابر=من راس تركي مورد الهياب

تركي ولد فيحان راع النخوه=عز الرفيق مهدي الاصعاب

بندر قصد قافٍ عقب مافكه=غنوبه الاصحاب والاجناب

شوخٍ لهم مجدٍ قديم يذكر=وفعولهم ماتنحصى بكتاب

ذخاير محصن اجاويد العرب=والأصل مايغوابه النساب

ياجاهل التاريخ طالع كتبه=مهيب من روس الرواه تجاب

أهل الكرم والجود والعرف والوفا=وجاه كبير لابدأ ماخاب

صفوا مع الحاكم ولاخانو العهد=والله نصر جنده على الاحزاب

في ظف أبو ماجد بعيد الهقوه=حرٍ ليا أهوى يعطب المضراب

شيخٍ ظهر صيته وشعشع ذكره=كنه سهيل الكوكب الجذاب

كم من سجينٍ من حديده فكه=رمتبه الأقدار والأسباب

وزبن الجريم إللي كبير جرمه=وعوق الخصيم ومعيي الطلاب

من طاوله بالرأس طمن راسه=عليه يسفي سافي المهاب

وإللي بغا عزه شفاه وعزه=ومن الوطا عدابه المرقاب

وتركي ومسلط عزوته وعضوده=وضيف الله التركي وبدر وعقاب

لاغاب نـجم بان نـجم مثله=والنار حيه شب ياشباب

وابن نويصر شيخته معروفه=تعرف ليا من عدة الالقاب

عضيدهم لاشانت المشارب = او جا نهاراً جدع اشلاب

ولاخير في قولٍ بلا دلايل=ومن لايبرهن حجته كذاب

وأنا أعتزي بالعزوه المشهوره=ألاد ثابت مرجع الاحساب

أهل الصخاء وأهل المحل البين=سوّاقة المغتر على الحراب

من الاد روق أهل السطر والفزعه=إللي لفنجال الظفر شراب

وطرح المجوخ في اللقاء عادتهم=وكم شيخ قومٍ من يداهم غاب

ومن العزوه إللي تشتهر بالهيبه=هيلا تهايل جالها ينهاب

ذباحة الحايل كعام العايل=يحسب لها في ساير الاقطاب

برقا وروق العزوه المعروفه=عتيبه اللي جمعها غلاب

في ظف أهل سبلاء مروين الغلب=وإخوان نوضا سترها وحجاب

ذوي حمد بدرٍ يقدي نوره=بيتٍ يذري ثابت الاطناب

ذوي حمد ما أحدٍ يجاري فعلهم=لاعنتره لا ابن حسن لاذياب

مدحت ربعي وأفتخر وأماري=وسطرت فيهم طايع الهنداب

وكل القبايل بالمواجب تافي=قمر سعدهم بين ماغاب

والله يبيض وجه من جمعنا=ابو محمد للثناء كساب

من شبته قولة نعم كاسبها=تدريبه الاجناب والاصحاب

يده على فعل الصخاء ماموره=وبكف اللغاء قد جالها مضراب

والله ما أنسى فزعته وإخوانه=تبينوا في الماقف الغصاب

كلٍ جمع ذخره وجاء يشيله=ماحسبوا للمقبلات حساب

هم عز راسي طنخته وحزامي=عد الروى ماهنب بالسراب

ياحمود ميقافك يبيض وجهك=تعيش ياطير الهدد حطاب

وبأختصرها لو مرادي توه=صدري يفوح وقافها ماشاب

صلوا على الهادي شفيع الامه=ختام مسك بتالي الجواب
[/poem]

[blink][caps][caps][caps][caps][caps][caps]دمتم بـود[/caps][/caps][/caps][/caps][/caps][/caps][/blink]