ذي القصايد لبعض شعراء عتيبه في الماضي والحاضر
ذي القصايد لبعض شعراء عتيبه في الماضي والحاضر
عندما علمت بنباء وفاة زوجها هداويه العطاوي [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] قلبي كما شيهانة بيضها فقش = المح راح ولا بقي الاقفوشه وصاحبي صيده دقاق المها العكش = وله عادة فى كل ليل يحوشه والله يا لولا الدرب من دونهم عفش = ودرب الخلا ما ينوطي فى عفوشه لا فز فزه واحد موحي وقش = يخاف من مخلاب شي ينوشه [/poet] --------- ذعار بن ربيعان : . [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] يا معذربين التتن لولاه لولاه = لولا شرابه يا عرب وين أروحي والله لولا العظم يوم اني أملاه = وأكويه بالجمرة ويكوي جروحي مع دلة صفرا على النار مركاه = أقصر بصبتها على كيف روحي فنجالها كنه خضاب الخونداه = الجادل اللي عند أهلها طموحي عده لمن يثني خلاف المخلاه = فكاك بالضيقات راعي اللدوحي وعده على اللي تدفق السمن يمناه = عيد لربعه بالزمان اللحوحي وعده لغمر ما توني مطاياه = يضوي ولو صكت عليه انبوحي وباقي الرجال افحول نسوان ورعاه = ضباط مال وحافظين السروحي [/poet] -------- سجوان الرويس : [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] ياحسين بلدان الجماعه مريفه = واللي مع الاجناب كنه على نار الطير بالجنحان ما حسن رفيقه = والى انكسر حدا الجناحين ماطار يمنا بلا يسرا تراها ضعيفه = ورجل بلا ربع على الغبن صبار [/poet] ------ قيلت هذه القصيده فى احدى المعارك بين مطير وعتيبه وقد وجهها الى الرباعين يخبرهم بما جرى فراج التويجر من الروقه من عتيبه [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] ياراكب حمرا تهوش المضاريس = ماساقها الجمال واوجر ضهرها حمرا قفاها كنها من قفا الفبس = وعيونها جمر الغضا من صطرها مسراحها من غال حل الغطاليس = والعصر وادي الدعيكه قهرها حرم طعام معشيه بالحماريس = لاهبت النكبا وصالف مطرها جزافه الدنا على غير تقييس = ما حسبوا صرفاتها من خسرها جانا ولد سالم بيد المناطيس = بنمرا يشادي الديدحاني شهرها قدمه ولد هادي مروي المناسيس = باولاد روق مغدرة من نحرها هضاب غال مشمرخات الاراويس = من الجنايز ضايقات حفرها الماطلي والمارتي والمقاييس = والريفل اللي سوها فى قطرها ما فرجت له يوم جنه كراديس = من طب للمرمى يضيع نظرها ريع السليل مثل باب المحابيس = بريه عقب الزوم ربي حشرها والرجل مالت من مجاني القرانيس = والخيل عند حليس حول نبرها [/poet] -------- طاب لتركي بن حميد أن يضفي كثيرا من خيالاته فى وصف جمله لأنه تخيل أمه نعامه وأباه بازلا فلذا جاء يجمع بين الصفتين الخف والجناح فقال [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] ياراكب اللي مايداني الصفيري = هميلع من نقوة الهجن سرساح امه نعامه واضربوها بعيري = جاء مشبهاني على خف وجناح عليه خرج من سلوك الحريري = عصاه عود البروقه عقب ما فاح يسرح من الطائف ويمسي البصيري = سفايفه مثل الغرابين طفاح مزهبك يا راعيه تمر ومضيري = واحذر تشب النار يجفل منه الضاح والى ورد يشرب ثمانين بيري = غرافهن تسعين ودليهن ماح رجليه بالحره وصدره يسيري = ويشرب برأسه من على جمة رماح ياويش هو شئ طويل قصيري = يسبق زعاجيل الهوى يوم تنماح [/poet] أستغل ابن هادي هذا الوصف من ابن حميد وهو الشغوف بمعارضته فقال راد على ابن حميد محمد بن هادي : [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] ياتركي بن حميد وش ذا البعيري = ماتجلبونه كان تبغون الارباح لعاد له خف وجناح يطيري = انا أذكر الله كيف راعيه ما طاح ياربعنا ياكبر كذب الاميري = وياحلو كذب مروية علط الارماح كيف النعامه نوخت للبعيري = أقول ذا كذب على الناس فضاح [/poet] الفارس والامير والشاعر الشيخ تركي بن حميد تركي بن حميد [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] نومك طرب وانا بنومي هواجيس = ماساهرك بالليل كثر الهمومي اسهرالى نامت عيون الهداريس = وبالليل أراعي ساهرات النجومي قالو جهلت وقلت جهل بلا قيس = الجاهل اللي ما يعرف اليمومي أشوف عدلات الليالي مقاييس = ولحد من الدنيا عظامه سلومي تضحك وتخفي لك خفي الهناديس = تفطر لها يوم ويوم تصومي اعمل وتلقا وافهم العلم بالقيس = دنياك لو زانت تراها نقومي والعز فوق معسكرات السواديس = الى قصدت اللي بالاشياء رحومي قب تنازا بالنشاما كراديس = والطير قى روجا تهنه يحومي الى توافق مشور السوء وابليس = تبر منه وعز ربي يدومي بالليل اصالي حاميات المحاميس = والصبح اصالي كل قبا قحومي اربع سنين ودمع عيني اماريس = والعين تسهر كن فيها هزومي والى ركبت معالجات المضاريس = يبرد على قلبي لهيب السمومي صوابنا بالليل عمق الى قيس = وطريحنا في مثبره ما يقومي ان جن بنا مثل النعام الاماريس = لاخف عجل مع رقاق الحزومي أستلحق اللي يطلبون النوماميس = اللي من الاقصين وادنا اللحومي لاخير في كثر الحكا والتماليس = هرج بلا فعل يجي به وهومي لومي على اللي ينقلون العبابيس = واهل الفرنج وكل رامي لحومي ان جن بالميدان مثل الدواويس = وطار الغطاء عن قانيات الرقومي عرج باهلهن كنهن القرانيس = على الطريح مصوبرات كضومي الى سمك عج الرمك بالملابيس = المسعد اللي حظ ربعه يقومي حتى يزين لنا المثل والتوانيس = والكيف طاب لمن يفك الفحومي من لا يديس الرأي من قبل ماديس = عليه داسوه العيال القرومي ومن لايقلط شذرة السيف والكيس = يبدي عليه من الليالي ثلومي والقصر ما يصلح على غير تأسيس = ومن لا تعلم ما تسر العلومي ومن لاخذ الدنيا بميز وتقييس = مثل الذي يصبح بليل يعومي كل القلم من كتبنا للقراطيس = وركابنا من كثر الاقران تومي للشيخ من يعطي الفقار المفاليس = يبدل الساعه بعز يقومي والحر لادبت عليه النواميس = يشهر وعن دار المذله يشومي والى اكترب من بعض الاشياء نسانيس = اعزم ولا بد الفرج بالعزومي باب الفرج لبسك نظيف الملابيس = ينجيك بأيام الكرب والزحومي أوجس بقلبي مثل دق النحاحيس = الله يلوم اللي لحالي يلومي يجلي صدا قلبي ضبيح المهاريس = لاقام شراب القهاوي يعومي دلال فوق النار دايم مجاليس = اكرامهن حق علينا لزومي من صنعة الصبه وخمس التخاميس = برية يعمل بها كل يومي وبهارهن هيل بليا حواسيس = كيف يعدى للنشاما القرومي عده لحماي العياد المراويس = والا الحصان اللي بقينه وهمومي حتى يزين لنا المثل والتوانيس = والكيف طاب لمن يفك القحومي وصلاة ربي عد رمل الطعاميس = على شفيع الخلق يوم اللمومي [/poet] وله ايضا يحث ربعه على العدو تركي بن حميد [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] ياركب حر الى ما تفحط تفحط = ادمي من القفر مذعور يشبه لكدري القطا حين فرط = والتم ريشه عقب ما هوب منشور عليه قرم لااظلم الليل منغط = أدل من فرق القطا صوب خابور يلفي نجوع له دواوير وحطط = أهل ابيوت كنهن شمخ القور عطوا كما عطة حصان الى عط = خطوى الاصيل اللي من الزاد مبرور قل هيه ياللي بالعويدي تمشط = دقاق رمش العين كنه من الحور ليته حضرنا يوم سو البلاشط = نار الذليل وردها كل مسطور اشما لنا من مس الارسان تنفط = وايماننا تطلق من السوء مقدور رديت انا غوجي على غير يسقط = على شنق كنه من القين مكسور ارخصت عمري عند جيش المخلط = ولا استمع باللي يقولون حاذور كم واحد من راس رمحي تقرشط = مدح راسه حط بالحزم جافور [/poet] وله ايضا تركي بن حميد [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] الى صاح صياح براس الغاره = وغارت على حصن الوبر عدوانها حنا لحقنا فوق قب قرح = كله لعين الإبل وحلو ألبانها وش عذرنا من دون حلوات اللبن = لاضيعت بالمعركه حيرانها وأنا على قبا قحوم قارح = خطر على الحنكان من ذرعانها كن المعارف يوم تنهض راسها = ثليل عذرا كاس أمتانها مع سربه يذهل لميع سيوفها = وقصارها تلوذ في فرسانها الموت معهم وارد ومصدر = واروح كنه واقف ديانها كم واحد بالقاع يسبح طايح = عليه البيض حرقن أوجانها وياما طرجنا دونها من فارس = عقب الشجاعه ياكله سرحانها في نجد يشهد لنا وادي الرشا بأفعالنا = وتشهد لنا نجد وحصا ظلعانها قول بلا فعل عيب واضح = والصدق ما يمحاه طول ازمانها [/poet] هذه القصيده لتركي بن حميد بعثهاللشيخ بن هادي شيخ قحطان تركي بن حميد [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] يازين كرب فوق ما يطرد النوم = حراير يازين مثل الاهله مرباعهم ما بين ظلم والاكموم = ومن السفيف يرمحن الاظله ملفاك شيخ بالقسا يذبح الكوم = شيخ وشيخان القبايل تدله تلقا محمد زبن من جاه مضيوم = ربن الذليل اللي مخيف محله والى لفيت الشيخ يازين ملزوم = تعطيه مرسوم بوسطه سجله وان كان جيت النضو يازين ما سوم = رد الخبر والنضو يازين خله جانا من الشايب مكاتيب وعلوم = حي الكتاب اللي لفا حشمة له الشايب اللي ينقل الكبر والزوم = باغي لحكمي مير انا عاصي له الله يغشك يوم غشيتنا اليوم = تقرى الكتاب ولا تهاب المظله جزاه من عندي من الخيل حثلوم = مثل البرد من مزنة مستهله ان كان تذكر سابق لك من اليوم = فرس عتيبي ورد شاهد له انا برمحي بأول الخيل ملحوم = والا انت رمحك عند ساره تشله اديت انا اربع قحص والخامس التوم = بقعود زبن اللي بغاما حصل له لاوالله الا روحوا ربعنا قوم = تنافضة من بينهم بالاجله والحرب شب وشبشبه كل شغموم = من شبته مخ الفرنجي عصا له أعرف ترى من طاح ما هوب مرحوم = أكود من رب الملا شافع له شافي وجرمان غدو بأول القوم = خلوا امطوعهم وانا شاهد له خلوا امطوعهم على غوجه التوم = عزيل من حط الردى مسند له وانتم كما حوت على الشط لاهوم = وحنا اخلقنا للواهيم عله وانتم كما ضلع طويل ومزموم = وحنا خلقنا الله انجوم تهله وانتم كما طير البحر ذاك ابالحوم = وطير البحر ما يذبحه غير ظله [/poet] وقد رد الشيخ محمد بن هادي شيخ قحطان الشيخ ابن هادي [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] حي الكتاب اللي من بعض مرشوم = حيه وحي اللي مشا حشمة له ساعة قريته شفت ما عفت مرسوم = رد النقا تركي وهو منحي له يا سابقي غاشن اعتيبه منك لوم = مثل الربيع اليا غشا نجد كله كدى على العتبان خمسة عشر يوم = قعدان والجمال بيتي هل له اطلب عسى نجد من الوسم ما سوم = حتى تقرب حلة صوب حله وان كان رمحك بأول الخيل ملحوم = فانا برمحي حامي نجد كله من شافنا بالحلم يقعد من النوم = ومن شافنا بالعلم يطنه يهله عدونا لو جض فلا هوب مليوم = واللي وراه يجض من جضه له حربك الي جانا نقلناه با سهوم = وتر حربنا لاجاك ما احتلت شله وان كان تطرى النجم والنجم مفقوم = والنجم يدوي والجبل راسي له ما نشتحن للحرب والحرب مفهوم = ويا سعد منا للقاء فزعه له ما خلقت الدنيا ولا الناس قي يوم = واللي تمنى حربنا مضحي له وان كان في نفسه فلا هوب مليوم = نعم الشوارب وفي الشبر كله متوسط ما بين عتبان وبقوم = والله علم في دق سلك وجله [/poet] --------- مخلد القثامي : [poet font="Tahoma,4,black,normal,normal" bkcolor="transparent" bkimage="backgrounds/8.gif" border="ridge,4,indigo" type=2 line=200% align=center use=ex length=0 char="" num="0,black" filter=""] يقول مخلد عند باب الحرم ون = بالمدعى ياعارفين المكاني أقدامنا واقدام خلي تناصن = فى مطرح عنه الطريق ايحاني أول عذاب القلب من عنبرخن = والمسك والريحان والزعفراني واتلا عذاب القلب شقر يهلن = على عنيق كنه الخيزراني جاني يجر أهدوم مدري وشنهن = لابس على الدفه حرير يماني أربع سنين اقرع كما يقرع الشن = ياواصلينه علموه ابمكاني واربع اسنين حب سيدي على ظن = واربع سنين زادنا ما هناني ودي أسايل عنه واقول من من = به لو كان سيدي خابره ما غواني ستين منظيه من الجيش ينقن = أيضا ويقفاهن عشر وثماني عشرين منه مع شفا نجدهفن = وعشرين منه يم وادي اقحطاني وعشرين منه فى المدينه يرسن = وثمان منه يم وادي اشهراني والعشر الاخرى فى سويقه يحلن = ويدورونه فالغبا والبياني أوسط وعد ليلة فطور يهلن = وأول وعد ليلة هلال ارمضاني وآخر وعد يوم المحامل يدقن = فى لمة الحجاج ليلة ثماني إن كان جابن الحبيب عليهن = أبا انشر البيضا ولج الغناني ون كان ماجزيته على الله جزاهن = والموت خير امن الهوى والهواني عهدي بهم يوم المحامل تصاكن = في لمة الحجاج يوم الثماني [/poet] والمعذره والسموحه بالقصور |
لاهنت ياتركي ولكن لوتستخدم منسق الشعر لكان افضل
|
مشكور اخوي الحصان على المرور....
والله مااعرف وانا اخوك توني مبتدى على الكمبيوتر.... تحياتي |
اخوي تركي
لاهنت مشاركه جدا ممتازه وان كنت لاتعرف استخدام المنسق علمني ونا اعطيك الطريقه تحياتي لك وللجميع |
[COLOR=purple][SIZE=5][ALIGN=CENTER]مشكور أخوي تركي
وبيض الله وجهك يا الغالي يثبت الموضوع [/ALIGN][/SIZE][/COLOR] |
الاخ تركي مشكور على ما بذلته من جهود طيبه بهاذي المشاركات
الجميله جداً وبيض الله وجهك وياليت تكثر مثل هاذي المشاركات تحياتي لك جهزالهرس |
ذعار جهز الهرس الف الف الف شكر على مروركم....
|
جميع الأوقات بتوقيت GMT. الساعة الآن 06:05 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها