مراسله بين الشاعرين الشاعر رضا طارف الشمري والشاعر عبدالرحمن العطاوي
 

[COLOR=chocolate][SIZE=5][B][ALIGN=CENTER]مهداة إلى شاعر هوازان عبدالرحمن العطاوي ... [/ALIGN][/B][/SIZE][/COLOR]

[poet font="Simplified Arabic,4,black,normal,normal" bkcolor="transparent" bkimage="backgrounds/16.gif" border="none,4,gray" type=0 line=200% align=center use=ex length=0 char="" num="0,black" filter=""]


شعًارنا كلٍ قصد بالعطاوي = وأنا باغني يوم هايف لي القاف
باللي مع الشعار باعه رهاوي = واليا وزن ما يازن الشعر بعذاف
نبع القريحه من قراح المراوي = من كوكبٍ ما حولوا فيه غراف
عد الروى تسمع لوِرده حداوي = وزودٍ على من يدهله عشرة أضعاف
وانا على شروى جنابه شفاوي = أشفى من الطير المبرقع للاعلاف
رجلي تسوقن مثل رجل الهواوي = وقلبي على قرب الاجاويد ميلاف
والناس كلٍ له رفيق وحضاوي = وانا رفيقي من هل المجد الاشراف
شهمً على درب المراجل قصاوي = يبي يتقدم ما يسولف بالانكاف
يا صل مرام النفس لو هو خلاوي = نعمين يا مشرف على كل مشراف
هرجه لهاجوس الضماير يداوي = ويجلى الهموم اللي تنوع لها أصناف
رجلٍ بمطلوبه رخيصٍ غلاوي = كريم يا ضفته بخيلٍ اليا ضاف
ما هو تكبر للاجاويد ياوي = ويدعي لهم من عند ربه بالارياف
من روس قومٍ مزبنٍ للجلاوي = والجار يلقى عندهم فرش ولحاف
وبيوتهم ما تتقي بالملاوي = تبين لك ياللي تطلع للأشواف
وان خيلوا برقٍ سمر له بناوي = سيله عرموم للمحادير جراف
دورين والما حايرٍ بالمحاوي = بأرضٍ وليه عاد له عقب الاكساف
ورادوه بدوٍ ياصلون الحراوي = على ركابٍ تطوي البيد بارداف
وشافوا نباته بالحماد متساوي = عشبٍ زمى ما به قواميع وعياف
يجبر عظام اللي من الوقت ثاوي = مع وسطه الروثه تقل نبت صفصفاف
في ديرةٍ ما دوجوا به شواوي = بس أم سالم تبترم تقل مخطاف
والشيخ نبه ياهل المال ناوي = يبي الربيع اللي به العز لضعاف
وقامن يكربن النبات العرواي = والصبح شدوا له مظاهير واسلاف
وتوسطوا من عشبةٍ بالمطاوي = قفر به الهزلا بنت سنم وشعاف
وجتهم جموعٍ تفتخر بالعزاوي = مثل الجمال الصايجة جيش الأحلاف
وقالوا عتيبة لعن ابو من يراوي = تقدموا يا قوم ما فيه محراف
وساقوا على الصابور ظلة مضاوي = وصكوا به الفرسان طافٍ ورا طاف
على مهارٍ نجبت من علاوي = صم الحوافر كاملاتٍ بالاوصاف
وتعاقبوا فريسهم بالأهاوي = وقام الطنا يزمي والارياق نشاف
واشتبت الهيجا بحام المكاوي = وكلً زهم ربعه ينادي بالاسعاف
والشلف من بين النشاما هداوي = مضاربه ما هي سوى نطح وخلاف
خيلٍ تطارد عند وضحٍ مهاوي = سفن الصحاري مطربة كل عناف
بعلط الرماح مطوعة كل غاوي = يوم الزمان اللي به الفعل ينشاف
وحامت طيور الموت بامرٍ سماوي = كلٍ بمخلابه للارواح قصاف
وتباشرت بقع النسور المقاوي = منهم تهيا له ربيعٍ ومصياف
وملت الجنايز كل وادٍ سناوي = معاركٍ يهتز منها جبل قاف
ونرجع على موضوعنا بالعطاوي = يم الحديث نكمله قبل الانكاف
في مجلسه تلقاه مثل النداوي = طير السعد يعجب نظر كل عراف
واف الخصايل صدق ما هي هزاوي = رجلٍ ا به شيمه ومعروف وانصاف
دوم الصبي لدلال عمه يساوي = ليل ونهارٍ يشتغل تقل وقاف
ونجره ينادي شاربين القهاوي = يزود إليا منك زهمته بالاطراف
وتفخر عتيبه والرفيق المخاوي = باخباركم واذكاركم يابو نواف
والمرجله ما تندرك بالمناوي = ولا يكسب الطوله بخيلٍ وخواف
ياكود مثلك يا ربيع الفـداوي = ما تنهزع لو ضكك الوقت بضلاف
والله ما قلته مدور رشاوي = مار المجازي بيننا مثل الاسلاف
يا الله يا قاوي على كل قاوي = يا محصي العالم من الكاف للكاف
تكفيه بالدنيا شرور البلاوي = وعساه يلحق به مرامه والاهداف
وتم الكلام اللي بدا فيه راوي = يذكر ويشكر من على الطيب مزهاف
والخاتمة نهدي سلامي شفاوي = وصلوا على سيد البشر عد من طاف


[/poet]

[COLOR=chocolate][SIZE=5][B][ALIGN=CENTER]وقال الشاعر عبد الرحمن العطاوي رداً على قصيدة الشاعر رضا طارف الشمري : [/ALIGN][/B][/SIZE][/COLOR]
[poet font="Simplified Arabic,4,black,normal,normal" bkcolor="transparent" bkimage="backgrounds/16.gif" border="none,4,gray" type=0 line=200% align=center use=ex length=0 char="" num="0,black" filter=""]
جبر الشمال ولا رهيـف الحسـاوي = قالـوه قدمـي فاهميـن بالاصنـاف
ونسج الأديب أفضل جميع الكساوي = رضا صحيح لحلية الحمـد رضـاف
بيت ابن طارف مثل بيـت الفـراوي = عن الدون شعر الشمري فالعرب ناف
كـم مـن عتيبـيٍ لشمـر يهاوي = وكم شمريٍ في عتيبـه رفـع قـاف
وشبـاب شمـر طيبيـن النشاوي = أخير من حافظ على سلـم الاسـلاف
قومٍ تساموا عـن جميـع المساوي = شمر هل الطولات في كل الاعـراف
سماي من نو القصائد صحاوي = وهبت ريـاح المستثيـرة بالاشفـاف
ونشا على شاشـة خيالـي رفـاوي = مستقلن من صايـب الشعـر هتـاف
ابحث عن اللـي مثـل ذا بالحلاوي = يمنى بيمنى مـا نحايـي بالاشـداف
حي الأديب وحي شعـر البداوي = بدعٍ لبو طـارف يجـدد لمـاطـاف
شريف شعرٍ يوم جاني لفاوي = رحبت به ترحيبةٍ مـا بهـااجنـاف
شعـرٍ لجـزلات التعابيـر حــاوي = در الجواهر مـا تحـلا بالاصـداف
الشعـر بالتصنيـف تبـري ومـاوي = هـذا رفيـع وذا تحـدر للاسـفـاف
وجواهره ما هيـب تملـك شراوي = تملـك بفكـرٍ مالهـا دونـه أوقـاف
رضـا يجـدد داثـرات الدهاوي = أديبنـا عــنّ القـوافـي للعـنـاف
طرت لبو طـارف جميـع اللغاوي = يوم أن الارخم للمصاعيـب عسـاف
من حيث أبو فيصل خبيـر الخفاوي = شرب من الحب النقي سـمٍ أزعـاف
يا ديب انا مفتون فـي حـب ماوي = ومواجعي منهـا كثيـرات بالـزاف
يطعم يا بو طارف وأنا منـه طاوي = وسلم المسالف منه انا كيف أبااستاف
يا صاحبي لونـك بياضـة رغاوي = غاشيـه ليـلٍ مـن ظفايـرك كثـاف
هنيـت مرتـاح المحبـة فضاوي = ما ضيقن خلقـه مواعيـدالأخـلاف
سرت سمادير الهوى فـي السماوي = ما يبدي الهرجه علـى كـل هـراف
يا معاجي المفطـوم ويـن العجاوي = جفاف حـبٍ يتبعـه ظلـم وجحـاف
هنيـت معفـي المحبـة ظراوي = ماهوب في شوق العشاشيـق شفـاف
في جملـة المثبـت حديثـه نفاوي = والى ابعدوا عنـه المحبيـن خـراف
يا صاح أنا صـبٍ ومثلـي صباوي = وعشب الغوي نبتٍ يسمونـه الغـاف
والبشت بشـتٍ والعبـاوي عباوي = ولفات موجات الهوى دون الالفـاف
نزوات نفسي فـوق هـاك النزاوي = إلى طما سيلي غطـى كـل طفـاف
راحت يا بو طارف جميع الطراوي = ما باقي الا سلـف سلفـه وشـلاف
الشعـر شعـرٍ والحـداوي حداوي = وذكر الحرار بروس الأجبال مهجـاف
وإلا أنت يا رمز القصيـد متطاوي = في قمـةٍ مـا ياصلـه كـل كـلاف
بلسـان طـي مزامـل للخلاوي = مزنك على بحر الشعر يرعف أرعاف
واسلم ودم يا من مدحـت العطاوي = ما هل وابلٍ وأسبـل الوبـل وكـاف
ويوم استوت كل العرب في مساوي = راحت علوم البدو من ضمن الاوقاف
وزمانهـم معطـن سعدهـم قفاوي = عطايف الدنيـا طوتهـم بالاعطـاف
عنهـم لبيـب الوقـت دايـم لهـاوي = ما عاد تنفع يا رضا كثـر الاحسـاف
راحت غرايـب كـل جيـل لفـاوي = جنب مواجعنا ترى الجـرح نـزاف
واقصد يا بو طارف بطرفٍ سهاوي = ما دام في قلبك مـن الوجـد لهـاف
ان كان مـن راع العـراق متشاوي = وجرحك بعد ممساك في السيل متعاف
أميـن يرميـك الغـوى بمتغاوي = غروٍ غرير في غيا الغـي غريـاف
حتـى تسمـى غــاوي لمتغاوي = ويغيب عقلك في غلا ولف واشغـاف
دايم وهمـك يـا رضـا بالرضاوي = إلى غضب صابك من الولف خفخاف
وتنسى لبن صـلال هـو والجـلاوي = وأبلشبك امشي بين قـاري وعـراف
بالليـل لعـوى كـل ذيـبٍ تعاوي = وتهيف صبح وعصر مع كل مهيـاف
لو المـداوي جـاك مانـت متـداوي = من حيث مقلوعٍ على الكبد مرضـاف
مـن واحـدٍ لمبيـن الحـكـي لاوي = وإلى قلت عله يرفع المظلمـه حـاف
تقول يا ويلـي وهـو لـك منـاوي = وده يشـرع فـي محانيـك سيـاف
انـا هـذا مبنـا هـواي متـهـاوي = دايم علـى هـاك المهاييـف هيـاف
ورى أهيفٍ لمسلهب الخصـر زاوي = ملهوف هاف الخصر والورك مرداف
مـارد ظمـا وأنـا لمثلـه ظمـاوي = وابن السميـري شاهـدي ذاك نيـاف

تحياتي للجميع

أخوكم ذعار
[/poet]

يسلمووووووووووووووووووووووووووو


صح لسانك ولسان الشعار اللي ذكرت قصايدهم


تحياااااااااااااااتي

ياذعا111111111111ر







ياراعي الفكسا111111111111111ر







صح السانك والسان الشمري والعطاوي







ولاهنت







تحياتىىىىىىىىىىىىىىىىى

مشكورين يا أخوي بدر المرشدي والصعاق


وصح ابدانكم يا الربع


تحياتي للجميع


أخوكم ذعار

واللة ونعم بكل ماذكربالقصيدة
ويعطيكم العافية على جمع مثل هذا القصيد والمجاراة
تقبل مرورى الدائم,,,,,,,,,,,,