بيت الشعر
 

[size="7"][color="blue"]بيت الشعر دارت عليه المقاديـر
نوعين كـل قـام يشكـي خويـه
يقـول الأول منزلـي بالعثاميـر
منازلـي ماهـي عليكـم خفيـه
تشوف زولي من بعيد المساييـر
ويفرح بشوفي قلب راع المطيـه
ملفاليامـرو عسـوس ومداويـر
واللي حداه الجوع يلفـي عليـه
وأنته جديد ولحمولـك مواصيـر
لحيـث ماجالـك عـزومٍ قويـه
وسط الفلـل ماشيدتـك الغناديـر
يبنيـك هنـديٍ عضـوده رديـه
محبوس حتى لوحصل فيك تطوير
وأنـا أتنقـل بالفيـاض العذيه
تجهل بحالات السلف والمظاهير
واليوم أنا سجلت ضـدك قضيـه
قال الجديد الله يمسيـك بالخيـر
تراى أنا أفضل منك ميـه بميـه
أنته مضى لك دور مافيك تقصير
مشاكلـك تـزود عنـي شويـه
تخاف لاهبت عليـك المعاصيـر
القايلـه تـذوق فيـهـا المنـيـه
إن ذعذعت تكفخ كما يكفخ الطير
ويلك ليـا هلـت عليـك برديـه
وأنا مكاني بيـن فلـه وتسويـر
ماشيدونـي بالـديـار الخلـيـه
مرتاح لي عند أكثر الناس تقديـر
وحطوا لي مكيـف يبـرد عليّـه
ومفروش في زلٍ سواة النواويـر
والحمدللمولـى حياتـي هنـيـه
يوم إن كلٍ جاب وضعه بتعبيـر
تسامحوا والكـل صافـح خويـه

للشاعر الكبير : فهد هجاج البشري [/color][/size]

صح لسان الشاعر فهد ولآهنت على النقل ياراعي الوفاء

[font=comic sans ms][size=7][color=navy]قصيدة وافيه يارعي الوفاء ولاهنت[/color][/size][/font]

[size="5"]راعي الوفاء

صح لسان الشاعر والقصيدة ممتعه

أخيك / الركن[/size]