منتديات عتيبه - قصيدة ضاوي بن عايض العصيمي في نايف بن فيحان بن ربيعان وكيل الفوج التاسع

[align=center][color=#FF0000]اخواني الكرام
السلام عليكم
هذه قصيدة قالها الشاعر ضاوي العصيمي
الملقب [color=#0000FF](ليزر الهيلا)[/color] في الشيخ
نايف بن فيحان بن ربيعان
في حفل اقيم بالشرقيية بمناسبة تحرج الملازم سعد بن سلطان[/color]

[frame="1 50"][frame="1 80"][color=#0000FF]ياامرحباترحيب ازكى من الطيـب
لا داربين اهـل القـدر والفضيلـه
حييت يانايف حصـان الاطاليـب
شيخ على الطالـه يمينـك طويلـه
ياكاسب النوماس زبـن المواجيـب
ياوافـي المـده وراع الجميـلـه
ياللي ليا صكت علينـا المغاليـب
تحلهـا باهـون سبيـل ووسيلـه
بالعرف والحكمه تحل الاصاعيـب
وان ضاع راي الغير ريك دليلـه
ياسور ربعك عن سموم اللواهيـب
مثلك ليـا ضاقـت علينـا نجيلـه
ونلقاك ياستـر البنـي الرعابيـب
مواقفـك تبـري الكبـود العليلـه
شيخ يطول ويفتل الراي ويصيـب
مابينـت سـود الليالـي حفيـلـه
شيخة فعل ماهيب شيخة مناصيـب
ورثـة زحـول يقـدرون الثقيلـه
جتهم بفعل المرهفـات المحاديـب
اللـي تفـرق بيـن خـل وخليلـه
يشهدبها العدوان قبـل الاصاحيـب
يـوم القبيـل يعـد طـات قبيلـه
واليوم هم مقدم رجـال المعازيـب
ال السعـود معدلـة كـل ميـلـه
ابوك ابو نايف عطيب المضاريب
وجدك بعيد الشـوح عـز القبيلـه
يقـول بنـدر يـوم رد الهناديـب
حملـه عتيبـه كلهـا ماتشيـلـه
وانته حفيد اهل النقـا والتراحيـب
ياذخرنا وقـت القسـى والصميلـه
وهبك رب العرش زين الاساليـب
وطيب النوايا والصفات الاصيلـه
وضحكة حجاجن صادقه مابها ريب
وتواضع شيـوخ الفعـول الجليلـه
ماتستمـع لمروجيـن الاكـاذيـب
وتلطم خشوم اهل الردى والرذيلـه
وتعدل المايل وتطفـى المشاهيـب
وراع الحيـل فوقـه تهـد النثيلـه
حرن مربـك نايفـات المراقيـب
كل المدايـح فـي جنابـك قليلـه
وختامها ماتبدي الشمـس وتغيـب
حييـت يانايـف زعيـم الفضيلـه [/color][color=#FF0000]شـــــــعــــــــر
ضاوي بـن عايـض العصيمـي[/color][/frame] [/frame][/align]