سلمى وشظايا الجحيم
 

جديد نبطي(سلمى وشظايا الجحيم)

يقولون لي ناحف وشاحب وحالك شين
تقول الكبر داهمك لو كان ما أنت بعود
سؤالٍ يجسد نزعة الشك والتخمين
وأعرف القلوب البيض وأدرك غليل السود
يقولونه أحبابي مروفة وهم شفقين
وأخايل رسيس الهمس وأصمت عن المردود
سؤالٍ يعيد إسنين وتموت معه إسنين
مرارٍ كما الوردة ومرة كما العبرود
توهج به أرواح الغلا ميزة الحيين
وتصبح به أجسامٍ رعاها الهيام لحود
هلا،حشمة اللافين والبعد للمقفين
وشتان بين الجود والصارم المجرود
تمتدري ياسلمى وأستبدي دلال وزين
على مسرح الفتنة ردايف وزم نهود
تهينين معشوقك ولو ماخنع تبكين
وهو للغدر مرقب وهو بالشقا موعود
ياكثر الضحايا بين بسمة ولفتة عين
وناجيهم المولود والهالك المفقود
مضت ياالغرور أم الغوى سنة الماضين
ودمع الندم جاري وزرع الرجا محصود

عبدالله بن متعب السميِّح
الرياض 16/5/2021

إختيار موفق يابن حشيان وصح السان شاعرها

[quote=إبن ثعلي;1269463]إختيار موفق يابن حشيان وصح السان شاعرها[/quote]

صح بدنك يابو عبدالرحمن لاعدمتك