بين الشريف سلطان ومحمد بن هادي بن قرمله
 

[color=#FF0000][size=5]بسم الله الرحمن الرحيم


طلب الشريف سلطان من الشيخ محمد بن هادي بن قرمله ان يعطيه او يبيعه جوادا من اشهر جياده فاجابه بهذه القصيده [/size][/color]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياراكب من عندنا فوق هجهوج=سواج مواج بعيد معشاه

مافوقه الا الكور والنطع وخروج=وسفيفتين فوق وركيه تزهاه

اسبق من الدانوق في غبة الموج=ملفاك سلطان زبون المخلاه

ياالعبدلي لاتكثر السوم باالغوج=لو كان طارينا الثمن كان بعناه

شفي عليه بردة والغلب غوج=ان حل بنحور السبايا مثاراه

وان لجلج المجمول فوق الحنى العوج=ذهل الغطا واهل الرمك قام تنخاه

تناطحوا واوقف على الزمل عمهوج=من شح في عمره عسى الخيل تاطاه

نحدكم حد الجوازي عن الموج=ونردكم رد البدن صوب مسناه

هل سربة وان دبرت ركضها عوج=وان اقبلت شروى الحرار المغذاه

وكم عندل تبكي على العم والزوج=تجر صوت غافي النوم قزاه

وكم سابق تشرى من المال بخروج=غدت بروس ارماحنا بالمثاراه

انا جنودي كثر جوج وماجوج=حريبنا لوهوبعيد نصيناه

حريبنا مايمرح الليل مفلوج=الناس قد ناموا وعينه مقزاه

وعدونا لو قطب الخيل بسروج=لازم يخلي منزله لانصيناه

ذا قول من يلوي على الهرج بهروج=يلوي ولا يلوى على بعض ملواه[/poem]



[color=#FF0000][size=5]فلما وصلت القصيده للشريف سلطان اجابه بهذه القصيدة حيث قال :[/size][/color]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حي الكتاب اللي من الفخر ممزوج=حيه وحي اللي لفابه وعناه



اهلاوسهلابه ولاهوب مسهوج=حشمه لمن كزه ونرفا خطاياه



تكريم مثل الدر مخلوط ببلوج=وانوج من العنر الى غلي مشراه



القول له حشمه ومعنى ومهروج=عند اللذي يفهم جوابه ومعناه



جانا جواب معرب الجد معروج=ومعسر لكن انا فهمناه



وش عاد لوعيا محمد على الغوج=بخيل الطواله واحد كنه اياه



منها ثلاثميه وتسعين بسروج=مع مثلها تزهى القلايد وتزهاه



نعطي المهار اللي عراقيبها عوج=والى عطينا مدة ما تلبناه



كم سابق تشرى من المال بخروج=والى عطينا ما نبيله مجازاه



انتم سهيل له مطاليع وبروج=وانا القمر في ليلة النصف غطاه



فان كان قومك كثر جوج وماجوج=كفرت بالطاغوت وامنت بالله [/poem]



[color=#FF0000][size=5]وانتم سالمين وغانمين والسلام [/size][/color]

[color=#FF0000][size=5]تقبلوا تحياتي :ريم قحطــان[/size][/color]

لاهنتي ياخت ريم على هذه القصه الموثقه بقصيدتيها
تحياتي لك

ابن ثعلي


أشكر لك حضورك الكريم


ولاهنت

لاهنتي يابنت الشيوخ

رحم الله الشيوخ واسكنهم فسيح جناته


يعطيك الف عافيه على النقل

تحياتي لك

الله يسلمك يانجداوي نجد

ولاهنت على حضورك الرائع

تقبل تحياتي

الأخت / ريـــــــــم ،، مشكوره على هذه القصه الرائعه ولا هنتي

تقبلي مروري ،، تحياتي

لاهنتي اختي ريم

ودمتو

الاخت ريم هذا المنتدى يختص باموور ومواقف قبيلة عتيبيه وليس قبيلة قحطان فرجااء خاص عدم عرض مواضيع فبايل الاخرى للعلم مكتوووب الاقسااام الخاااصه بالقبيله ونعم بقحطااان وهذا ليس تقليل بقيمة القبيله

ودمتي