منتديات عتيبه - اة ...قصيده ابكت عائله كامله...

[poem=font="Simplified Arabic,4,white,bold,normal" bkcolor="darkred" bkimage="" border="double,9,sienna" type=0 line=0 align=center use=ex num="0,black"]
علم لفاني هزني ليل الاثنين = من سبّته عيّت عيوني تنامي

هلّت دموع العين والناس ممسين = كني صغير السن وقت الفطامي

أول نجي للدار بالحين والهين = الوالده تاخذ وتعطي كلامي

واليوم صار البيت كلّه معزين = على عزيز راح عالي مقامي

عقب الظهر بالقبر والناس لاهين = أون أنا ونهّ كسير العظامي

قلبي مع امي والعمر حول خمسين = ومن فارق امه ياعرب مايلامي

لاشك أهل البيت ياخوي غالين = هم بينهم نورٍ يزيل الظلامي

البارحه بالحلم عندي تصلين = صلاه وترٍ كامله بالتمامي

ماقدر المعبود نقبله راضين = والموت حقٍ ماحمى عنه حامي

جعل القبر يصبح رياض وبساتين = يفوح به ريح النفل والخزامى

وبجنه الفردوس علّك تفوزين = والحور من حولك ترد السلامي

ادعي ويدعولك ضعوف مساكين = صارو عقب فرقاك دون إهتمامي

وختمها صلوا على خير النبيين = صلاه رب البيت مسك الختامي [/poem]

تحياتي ..
__________________