قصيدتي:في مسابقة شاعر الملك في قناة المرقاب الفضائيه
 

[center][frame="9 70"]
[poem=font="simplified arabic,6,white,normal,normal" bkcolor="green" bkimage="" border="double,10,green" type=2 line=0 align=center use=ex num="0,black""]
غيم الفرج ينقل ثقيل التكاليف= والشعب يشكر قايده ويتحراه
نشت من العارض تتالى المقانيف= عمْت عموم المملكه وانهمر ماه
حول هللها مثل وصف المراديف= من فوق دهمٍ والعمايم ملواه
اسقت هماليله من السيف للسيف= اليا حد نجران الجنوب وتعداه
بلت كبود اهل القريات وطريف= من كف ابو متعب نشى الجود وارواه
سحايب العادل تهل المصاريف= على حسابات المواطن عطاياه
برد وجيه اللي تبث التخاريف= ضعاف النفوس اللي عدوه تبناه
وعودهم تنسج من الكذب والزيف= تومي كما يومي سرابٍ بمظماه
يبوننا نشبه صفاة الخواريف= صفر العيون اللي لها عج وثغاه
ياللي بلندن وصل العلم لجنيف= نسكت وفا لالجلجة شدق الافواه
ماننقض البيعه سوات المعاليف= اهل الجفار اللي تناقز محناه
حنا هل الدله وحنا هل السيف=واهل مهارٍ يصرك المرو بحذاه
يوم الفعول فعول ماهي سواليف= عمارنا لكدت مزاغيف وحداه
نجدد البيعه ونبقى مواليف= ويبقى الوفا للفيصلي والموالاه
فاروق نجد اللي على المملكه ريف=مهي كذا لولا الولي ثم لولاه
اكرم شعوبه مثل مايكرم الضيف=واصدر قرارات التساهيل واعفاه
نكزله عبر البريد المظاريف= ويامر بتخليص المواطن ولا جاه
حما حقوق الشعب عن كل تسويف= عبر اللجان اللي تابع قضاياه
وانشا وزاراتٍ جديده وتوظيف= عز المواطن والبطاله تحداه
يالله ياواسر قنا الغيد بالليف= تحفظ لنا عبدالله الخير يالله
[/poem]
[/frame][/center]

[right][color=white][font=simplified arabic]وانشـا وزاراتٍ جديـده وتوظيـف[/font][/color][/right]
[left][color=white][font=simplified arabic]عـز المواطـن والبطالـه تحـداه[/font][/color][/left]
[right][color=white][font=simplified arabic]يالله ياواسـر قنـا الغيـد بالليـف[/font][/color][/right]
[left][color=white][font=simplified arabic]تحفـظ لنـا عبـدالله الخـيـر يالله[/font][/color][/left]


ابدعت بهالقصيده يامتعب الطواله الشمري..
وصح لسانك..

الله يوفقك يارب..
ويستاهل ابو متعب..

صــــح لسااانك


والله يعطيك العافيه ولاهنت


تقبل مروري:ننتضر جديدك


أخوووك

[size=5]الله الله[/size]
[size=5]شهادتي فيك مجروحه [/size]
[size=5]صح لسانك مليون ولا يكفون[/size]

قصيدة وافيه وجزله

صح لسانك يامتعب بن طواله وبيض الله وجهك

[size=5][color=darkgreen]بسم الله الرحمن الرحيم [/color][/size]
[size=5][color=darkgreen]كل الشكر والامتنان لجميع الاخوان[/color][/size]
[size=5][color=darkgreen]وجميع الخوات[/color][/size]
[size=5][color=darkgreen]على تواجدهم الرائع وردودهم المشجعه اسعدني مروركم المشرف[/color][/size]
[size=5][color=darkgreen]تحيتي وتقديري للجميع[/color][/size]
[size=5][color=darkgreen]دمتم بكل خير[/color][/size]

[font=diwani letter][size=5]امين ...[/size][/font]
[font=diwani letter][size=5][/size][/font]
[font=diwani letter][size=5]صح لسانك[/size][/font]
[font=diwani letter][size=5][/size][/font]
[font=diwani letter][size=5]لاهنت [/size][/font]

مشكوووووور والله يعطيك الف عافيه

صح لسانك يابن طواله

وعلى شانك

والله يطول عمر ابو متعب

قصيده تستحق المنافسه بجداره

تحيتي لك

[size=4][color=darkgreen][b]بسم الله الرحمن الرحيم [/b][/color][/size]
[size=4][color=darkgreen][b]اشكر الجميع على التواجد والتعليق المشرف الحقيقه سرني واسعدني تواجدك الدائم[/b][/color][/size]
[size=4][color=darkgreen][b]لكم مني كل الشكر والامتنان عاى ماتقومون به تجاهي من تشجيع ومتابعه[/b][/color][/size]
[size=4][color=darkgreen][b]اشكركم اخواني خواتي على كل حرف كتبتوه من اجلي[/b][/color][/size]
[color=darkgreen][b][size=4]دمتم بكل خير[/size][/b][/color]