من قصائد المرحوم الشاعر الديري بن هزاع الثبيتي
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هزجٍ ذكرته يالزيمع فهمناه = يطلع على معناه مابه تكاذيب تقولون حنا الرجم منكم كسبناه = كسب الفلس من جا الحصا له مكاسيب الرجم لو به خير قبلك لقيناه = وانا فرحنا يوم جتنا المكاتيب انتم نزلتوبه وحنا تركناه = والله يساعدكم بحب وترغيب لا شك يوم إنا بجواره وعلى ماه = عليه موفين جميع المواجيب ليا لفا منكم احدٍ حشمناه = يلقا قبال زين بضحك وتراحيب نقلط له المركا ونذبح له الشاة = مع الجميل مكثرين التراحيب عز الله ان ودنا المجازاه = بالشين شين وراعي الطيب بالطيب اللي يجازي الفعل بالفعل ماتاه = ومن لا يجازي حمير المشاعيب حنا هل النوماس مابه مداراه = ولاتزعلون ليا تكلمت بمصيب إليا مشينا في لزومٍ قضيناه = وإن جا الملاقا نشبع الطير والذيب ماهي هروجٍ بالمجالس مسواه = هرجٍ صدق مضاله تجاريب[/poem] تحياتي ومودتي |
لاهنت يا اشقر السيف وياليتك كتبت راعيهاا
وصح السانك والسانه وننتظر جديدك طال عمرك دمت كما تحب |
[align=center]لاهنت اخوي الغالي
اشقر السيف والله يرحم الشاعر ويسكنه الجنه ويرحم جميع موتى المسلمين مشكور على القصيده الرائعه تحياتي[/align] |
تسلم يا اشقر
قصيده جزله والله يرحم قايلها |
راس حربه ياهلا وغلا منور المتصفح يالغالي
بالنسبه لشاعر القصيده انا نسبتها له بالعنوان هو الديري بن هزاع الثبيتي العتيبي عمر مشرفنا المميز ياهلا وغلا مرورك لحاله يبيله قصيده يابعدي لاعدمنا تواصلك هلا بالنفيعيه ارحبي منوره اشكرك على مرورك وردك العطر لاعدمنآ تواصلكم تحياتي |
[frame="9 80"]
سلايل المجد ياهلا وغلا اسعدني مرورك وابشر باللي طلبته بس قل الله ييسر لي جمعه لانه متشتت وعندي ابيات من قصايد جاري البحث عنها واعرضها في منتدانا شاكر لك تواصلك مودتي واحترامي [/frame] |
صــــــــــــــح لشانك ومن قال والله يعطيك العافيه
|
الله لايهينك ياولد العم ..
والله يسكنه الجنه .. |
يعطيك العافيه اخوي اشقر السيف على القصيده
|
ابو قبلان
صح بدنك و ياهلا ومرحبا الله لايهينك اشكرك على تواصلك |
جميع الأوقات بتوقيت GMT. الساعة الآن 04:58 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها