هذه القصيده قيلت في ابل ندى بن عشوان
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقوم ياطرشن لقيناه بالسوق=العصر نزل عقب ماجا من ايران من اللنج بعضوده تجاريح واطقوق=خسران من جابه من ايران خسران متلوين ماله عراقيب واشدوق=ولا حطبه ربي تواصيف ذيدان اهل البداوه يافهد ذوقهم ذوق=ولايدفعون بطرش الاهواز الاثمان خله يجونه ربع لاحق وملحوق=امغمضين اقلوب فتيح الاعيان يافهد كانك مشتهي شوفة النوق=اللي على ماقيل من سر عبدان صفرن عراض اوجيه واجنوب واشنوق=وفازن على صفر الجزيره بميدان معربات النسل ماهو بمدقوق=مثل الجواهر لنظموهن بميزان سهفن اطوال ارقاب واللون مفروق=عن غيرهن يشدن حصى ضلع حوران مانزلن في شبك (قاطع) بصندوق=بالفاو والا في طرف جو ساقان ان سندن بين المشاليف واعروق=وانحدرن يرعن ليا حد برقان حامينها في حد شلفا ومذلوق=من قبل والا اليوم في خير وامان صفرن لبن عشوان ماني بمحقوق=لاقلت ماقالوا هل العرف غلطان شيخن ولد شيخن له المدح ويلوق=ساس الزعامه يوم روغات الاذهان (ندى) ولاهو عن هل المدح مصفوق=للخيل ميدانن وللطيب عنوان نسل الحرار اللي على الصيد مطفوق=لا خيش الحفان سوابه اكوان هذا الصحيح وجعل الاجواد بوفوق=والله يديم الامن في كل الاوطان تمت بذكر الواحد المعتلي فوق=اللي فرض على البشر خمس الاركان[/poem] |
لاهنت يالدويش على حسن الاختيار قصيدة رائعه
|
أخوي الدويش بارك الله فيك نرجوا كتابة صاحب القصيده حفاظا لحقوقه أو كتابة منقول للأمانه ونشكرك على النقل
|
شكرا لكم على المرور
وبنسبه لشاعر لا يحضرني الان |
جميع الأوقات بتوقيت GMT. الساعة الآن 11:19 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها