منتديات عتيبه - (( الطيب ينسب له وهو ينتمي له )) اهداء لـ محمد بن مطحس المسعري الدوسري

[center][size=4]السلام عليكم ورحمة الله وبركاته [/size]
[size=4]اسعد الله جميع اوقافتكم بكل خير ومسره ،[/size][/center]

[center][size=4]وهذه المتواضعه اهداء للنقيب / محمد بن مطحس المسعري الدوسري[/size][/center]

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
انـداش بالـي للمثايـل وغنيـت =واترك هزيل القاف وآخذ جزيله
الشعر في مدح الرجـال النعاتيـت =ينساق قافـه مايبـي لـه وسيلـه
وابو فهد من روس قومٍ لهم صـيت =الطيب ينسب له وهو ينتمـي لـه
دواسرٍ يوم اشهب الـلال يابخيـت =يروون سلات السيـوف الصقيلـه
بيومٍ مثـل يـوم الدفينـه وحليـت =كـم راس شيـخٍ نزلـوه بشليلـه
وسم العصا ينبيك عنهم ليا اخطيت =دخيلهـم محـدٍ يفـكـر يجيـلـه
واهل الشحم والعود الازرق ليا جيت =اهل الصفـات النـادرات الجميلـه
راع الوفاء والطيب قول وتثابيـت= يمناه من فـوق اليمانـي طويلـه
عسـاه فالدنيـا سعيـدٍ تمنـيـت= سيّـور بقعـاء جعلهـا ماتزيـلـه
حييـت ياقـرم الرياجيـل حييـت =تستاهل اللي فـوق متنـك تشيلـه
تمت وصلـوا عـد ماولّـع الليـت =واعـداد ماغنـى الحمـام بهديلـه
على شفيع الخلق صفوة هل البيـت =نبينـا الهـادي لنشـر الفضيـلـه
[/poem]
[center][size=4]وسلامتكم[/size] [/center]

[center][size=5]ووصلني المردود بقصيده اخرى يقول فيها [/size][/center]

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يامرحبا مايصدح الورق باصوات = على مهاديب الغصون الظليله
برسالةٍ من صوب راع الوفا جات = يامرحبا باقبالها واللي هي له
تحوي عبارات الضمير الفريدات = من خاطرٍ فالشعر يخلا سبيله
له في مجاله فعل ماضي وبصمات = لبّ المعاني شاربٍ سلسبيله
وان جاء مجال الطيب مابه مراوات = يطلع سنام المرجله من حصيله
وين الغرابه والامور العجيبات = دامه حفيد امعربين النسيله
ذباحة الحايل عصورٍ قديمات = ولطامة العايل بحيلٍ وحيله
ستر العذارى والوجيه العفيفات = ربات خدرات العيون الكحيله
صبيهم ينطح من القوم غارات = دام الشبا في مقضب ايده يشيله
عتيبه الهيلا كبار الطموحات = ماهي عليهم حاجةٍ مستحيله
يشهد لها التاريخ مجد وبطولات = والله ونعمٍ بالنبا والقبيله
اقولها واثق خطاوي ونظرات = غني بها ياورق فوق الطويله
[/poem]
[center][size=4]وسلامتكم[/size] [/center]

[center][size=4]وجاريت قصديته بهذه الابيات [/size][/center]

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
جتني بيوتٍ بالمعاني جزيلات = من شاعرٍ بالشعر يوفي بكيله
فيها من الريحان والمسك نفحات= والزعفران مخالطه ريح هيله
يالدوسري للطيب فيكم علامات = ولكم على روس الشواهق دليله
خطلان الايدي ياكبار المقامات = ياللي بكم كل المعان النبيله
للطيب مابين الرياجيل وقفات = مليون نعم ولاتسدك قليله
ماقلتها اجامل ولااريد حاجات = الحق حق ومخطي الحق ويله
[/poem]
[center][size=4]وسلامتكم [/size][/center]

[center][size=4]رشيد بن شعيفان الكسر [/size][/center]