مجاراة للشاعرة لقصيدة الشاعرة ميم ( يا طير قلّي وش تبي )
 

السلام عليكم ورحمة الله وبركاته

أجبرتني قصيدة الشاعرة المتميزة .. ميم

وهي بعنوان ( يا طير قلّي وش تبي ) على مجاراتها .. لأنها بالفعل قصيدة تحرّك مشاعر من يقرؤها ..

وقد قرأت القصيدة بكل تمعّن واندماج ,,, لذا كانت هذه القصيدة بعنوان :

( مطلوق الصراح )




[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

يا طير ,, يا الضيف الثقيل اللي على قلبي استراح=ما هزّني وقوفك هنا ,, والضيف قمت بواجبه

يا كيف تجرح خافقٍ ( أعزل ) ولا عنده سلاح=إلا قصيدٍ ينزفه ما غير يفتل شاربه

يظما ويطمح ينتهل من ( ماء ) محبينه ( قراح )=وأثره مخاوي للحزن ,, والهم كلّه شاربه

محدٍ فزع له يوم دمّه ضج في قلبه وساح =كن العرب ( مستعربة ) والقلب يحسَب ( عاربه )

( عقارب الساعة ) معه متقاربه والوقت راح =يشكي من جروح الزمن صارت كذا متقاربه

ويدّلل جروحه ولا تدليل ( سيدة الملاح )=والمشكلة جرحه ( شقي ) ما فيه شئٍ عاجبه

ويقدّم ( العذر الموقّر ) يا عسى يلقى السماح=والجرح يرفض عذره و ( عرض الحوايط ) ضاربه

يا طير كل اللي تشوف ,, ( الناس والدنيا ) شحاح =ما باقي إلا أنت تنوي للخفوق تحاربه

يكذب على نفسه شقا ويقول ( مطلوق الصراح )=وهو من أسباب الشقا كنّ التوجد قاضبه

يعرف متى بيكون ( جدّ ) ويقبل أنواع المزاح=بس المصيبه لا لقى في الناس ضحكة كاذبه

مدام موج البحر عايش بين سلطة واجتياح=لاشك ما عنده جدا والموج حطّم قاربه

يا طير وإن كانك فرحت بشوف نور الصبح لاح=لا تفرح إلا عزنّي في ( موت شعرٍ كاتبه )
[/poet]

[SIZE=4][COLOR=chocolate][B][ALIGN=CENTER]ويقدّم ( العذر الموقّر ) يـا عسـى يلقـى السمـاح
والجرح يرفض عذره و ( عرض الحوايط ) ضاربه


الله الله

صح لسانك والله

لا هنت ولا هان من جاريت

قصيده جزله من شاعر جزل

احرص دائماً على متابعة مايكتب في أي منتدى او مجلس [/ALIGN][/B][/COLOR][/SIZE]

[COLOR=darkblue][ALIGN=CENTER]
صح بدنك اخوي بدر


ومتابعتك لي شرف كبير ووسام على صدري


تحياتي لك[/ALIGN][/COLOR]

[COLOR=purple][SIZE=4][ALIGN=CENTER]صح لسانك


ولا هنت [/ALIGN][/SIZE][/COLOR]

صح لسانك


وبيض الله وجهك



قصيدة رد رائعة

شاعر تستحق المتابعة
 

الأخ الغالي والشاعر الراائع / عضياني بيض الله وجهك على جزالتك وشعرك العذب وتستحق نوط التميز ياعضياني واصل العطاء


أخوك/سمران القثامي

[ALIGN=CENTER]العبيريد

صح قلبك يالغالي[/ALIGN]

[ALIGN=CENTER]العود الازرق


صح بدنك واشكر لك مرورك[/ALIGN]

[ALIGN=CENTER]
شاعرنا المبدع

سمران القثامي


صح بدنك يالغالي ,, وكلماتك وسام على صدري

اسعدني مرورك هنا

تحياتي لك[/ALIGN]

صح لسانك ياعشق الليل
وياليت نشوف لك قصائد غزل