منتديات عتيبه - قصيدة العتيبى مهداه لقبيلة شمر

هذه القصيده مهداه من الشاعر /نايف بن بندر محيا العتيبي >> الى قبيله شمر<<

من لا يخاوي شمر الجود غلطان
من غير نقص في جميع القبايل

خويهم والله مايبلش بالاحزان
اليا نخاهم يصبح الهم زايـــل

خويهم يحضى بتقدير واحسان
مع حشمة وتقدير للفخر نايــل

شمر هل الطولات لا قيل فرسان
وقت السيوف المرهفه والاصايل

شمر طنايا يوم زوغات الاذهان
عدوهم شاف النجوم الهوايـــــل

شمر اليا قلنا هل السيف شجعان
قالوا نعم صادق اشيوخ الحمايل

شمر لهم تاريخ في ماضي الازمان
فيه اطيب العربان تضرب مثــــايل

بوقتنا الحاضر بهم بوش بلشان
وروا علوجه فالعراق الهوايــــل

شمر هل النوماس في وقت الاكوان
اللي يردون الملايل غلايــــــــــــــل

الابه اللي ذكربه للعرب بـــــــــــان
ياكم ثنو لا صحين الحلا يــــــــــل

شمر مقر الجود وللجود عنـــــــوان
لا يابعد حي العرب يـاهل حــــايل

شمر سناعيس على الضد بركان
يشهد لهم فعل السنين الاوايــــــل

بنو اشعار الجود في طي بنيان
لو زالت الضلعان ماهو بزايـــــل

شمر لمن يشكي من الضيم مزبان
لاصارت الحيلات عنده قلايــــــل

والله ليرجع بعد الاحزان فرحان
ينزاح حمله بعد ما كان مايــــل

قول على حق ودلايل وبرهـــــان
يشهد لها التاريخ والهم زايــــــل

مهما كتبت بشمر الجود قيفان
ماني ملحقذكر كل الخصايـــل

ما قلت غير الحق والحق سلطــان
قلت ومعي حجه وكل الدلايــــل

وانا من هلاهيل الطيب عتبــــان
زبن الدخيل وعوق مخطي وعايل

في ساعة يتساون الاثنـــــــــان
الموت والانكتسي بالجمايـــــل

"منقول"