![]() |
ويل الزمن يابنت
[size=7][align=center][B]السلام عليكم ومساكم الله بالخير جميع وارجو ان تنال قصيدتي اعجابكم[/B][/align][/size]
[poem=font="Simplified Arabic,7,black,bold,normal" bkcolor="transparent" bkimage="backgrounds/5.gif" border="none,4,gray" type=2 line=0 align=center use=ex num="0,black"] ويل الزمن يابنت الانذال ويله = ان كان علا شان نفاخة الكير يابنت ماني من جموعٍ ذليله = صغيرنا للقمه اسرع من الطير وكبيرنا فوق النوايف مقيله= وشبابنا بالحرب ضرب الاعاصير عتبان لا جا الضد يغلي غليله= نزوم زوماتٍ على الضد تدمير نبع الشهامه تاج راس الفضيله= واهل الظفر في يوم صفق الشواطير واهل القنا واهل السيوف الصقيله= واهل الرمك ستر العذارى الغنادير واهل الوفا واهل الجذور النبيله= واهل الهمم نسل القروم المناعير قوم بنينا امجاد فوق الطويله= قوم نرد الضيم منضام وصغير جمال لحتجنا نشيل الثقيله= وفهود لحتاج الامر فر ومغير وجبال لحتجنا ثبات وصميله= حكمه ليا احتاج الامر حسن تدبير وبروق لاحتجنا مقابيس عيله= ورعود لاحتجنا مراسيل تحذير مانجفل ان جتنا السيوف السليله= حتى ايش لو صكت علينا الطوابير نبطش بهم بطش السنين المهيله= بطش الشغاميم الحرار المغاوير هجاد فوق المسرجات الاصيله= وليا كسرنا لا تدور مجابير كم شيخ قومٍ عايلٍ فوق خيله= وقايد له قرومٍ ولاعينوا خير وليا نجا يرجع وفاضي شليله= لاقروم لا خيلٍ ولا سيف وبعير عدونا يابنت منهد حيله= هدنه الحدب الحداد البواتير ولا سادت ايام وليالي بخيله= نفيض جود ومانسوق المعاذير نعطي السمان ومانمد الهزيله= نجزل عطانا مانحسب المخاسير مثل كرم واحسان وبل المخيله= يقلب صحاري جرد عشب و نواوير ودوا نفوسٍ من دهرها عليله= وحمّاية اللي مالقاله من مجير يسعدبنا والهم عنه نزيله= ونبرد على قلبٍ شكى نار تعزير ومهما كتبت ابيات تبقى قليله= ومهما ذكرت بيلحق القول تقصير لكن عزاي بذكر علمٍ حصيله= حنا الزحازيح الحرار المناعير[/poem] [size=7][align=center][B] بدر ناصر بداح المورقي [/B][/align][/size] |
الموورقي
صح لسانك وعلى شانك ويعطيك الف عافيه على هالقصيده |
الجازي
صح بدنج والله يعافيج بدر المورقي |
[size=4][align=center]بدر المورقي
صح لساااااااانك وحياااااااااااااااك الله قصيده رائعه ابدعت ولقصرت وننتظر جديدك لاهنت تحيتي لك[/align][/size] |
عبدالله المرشدي
الله يحييك وصح بدنك وكل الشكر على المرور والاطراء بدر المورقي |
صح لســانك أخوي بدر ..
|
بدر
صح لسانك لين ترضى قصيده جزله من شاعر جزل ياهلابك منور المنتدى بوجودك معانا لاهنت سجلني متابع تحياتي اخوك |
ام وليد
صح بدنج بدر المورقي |
فراس المطيري
صح بدنك والله يجزاك خير على الاطراء الطيب والترحيب الاطيب اللي مايجي الا من طيب وشرفني مرورك واطرائك بدر المورقي |
[align=center][size=5]الشاعر المتميز
المورقي جزله من جزل صح لسانك مليون ولا يكفون لاعدمناك دمت بود[/size][/align] |
جميع الأوقات بتوقيت GMT. الساعة الآن 11:52 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها