قصيدة رائعة تأثرت بها كثيراً وسالت لها مدامعي عند قرائتي لها
 

[align=center][size=5][color=#CC0000]هذه قصيدة للشاعر جابر هايف و هي عبارة عن شاب على سرير الموت يرثي نفسه لوالده

قصيدة رائعة تأثرت بها كثيراً وسالت لها مدامعي عند قرائتي لها


يابوي ليه تبكي كل مـا شفتـك وعينـك لـي
أخاف أموت يابوي ... وقبل المـوت تبكينـي

كفا يا بوي لا تبكي وأنا موجود معـك وحـي
أجل بعد الرحيل أشلون في قبـري توطينـي

يا ابوي لو تموت الناس ماتسوى دموعـك ذي
وأنا يا بوي ميت قبل أموت وأنـت محيينـي

قسم بالله يابوي لجـل عينـك شربـت الغـي
جرعت الهم والحرمان وبحر الويـل يسقينـي

تحملت السنين اللي طوتني في عذابـي طـي
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي
ولكـن بطلبـك يابـوي تكـفـا لا تخليـنـي

يابوي مابـي غيـرك يغسـل جثتـي بالمـي
وتكفا قبل لا أتكفن .. يابوي فـك لـي عينـي

بأمر الله يمكن ألمحك وأرحل و في عيني ضي
وأودع وجهك الطاهر مـع دنيـاي وسنيني

وخل الناس تحملني وترفع راسـي ورجلـي
وتأخذني على قبري وتكسـب أجرهـا فينـي

وأذا جيت القبر يا بوي نزلني شـوي شـوي
ووجهنـي لبيـت الله .. وقبلـة المصليـنـي

و إذا تقدر أبي صورتك أمانة حطهـا بيـدي
لعـل الله يشفـع لـي إذا صورتـك بيدينـي

وحط الطين وأدفني وعز اللـي يعـزي فـي
ثـلاث أيـام يابـوي .. يجونـك المعزينـي

ورابع يوم يا بـوي تذكـر ضحكتـي وعنـي
تذكر وش كنـت أقـول يـوم أنـك تنادينـي

تذكر يوم كنت أنام في ظـل النخـل والفـي
تجي يمي تصب الما..على وجهي وتصحينـي

تذكر جرة الموال وصوت فـي حبالـه كـي
تذكر يوم أغني لك قصيـدي وانـت توحينـي

تذكر ضحكتك لا قلتلك يابـوي عشقـي هـي
تذكر كم قصيـدة خافيـه مـا بينـك وبينـي

تذكر كل شي كان وأذكر يـوم جابـر حـي
ولكـن أسـالـك بالله يـابـوي لا تبكيـنـي



أخوكم/مـــجـــول العصيمي


تقبلوا ودي وورودي[/color][/size][/align]

[align=center][size=5]الغالي

مجول

صح لسانك ولسان الشاعر

اختيار موفق

دمت بود[/size][/align]

يعطيك العافيه اخوي مجول سلمة ايديك التي نقلة
القصيده بلفعل اثرت فيه

[align=center][size=4]المـاشي

حياك وتشرف بمررروررك[/size][/align]

[align=center][size=5]صدق

مشكوووووررر على المررررور الجميل[/size][/align]

اثرك حساس يامجول وانا مادريت

تحياتي واحترامي

[size=5]اخ مجول الله يعطيك العافيه قصيده صح لسان قايلها وناقلها

رووووووعه في الوصف حياك[/size]

[color=#330000][size=3]قصيدة معبره ورااااااائعه ... ^^

والله يعيك الف عااافيه يامجول ع النقل الطيب .. ^^


(()) تقديري الجم (()) [/size][/color]

[size=6][color=#000000][align=center][B]مجووول

يعطيك العافيه[/B][/align][/color][/size]

[align=center][size=5]شكرأأأ لمروركم


تحياتي لكم

[/size][/align]