(((انا من روق ياخبله وربعي هم الهيله عتابه))))
[align=center]هاذي القصيده لقيتها في منتديات اخري وقلت لازم ااضيفها عندنا في المنتدي عندنا قصيده جدا رائعه وعساها تعجبكم ورجوا من اي شخص يعرف القصيده يفيدنا بأسم الشاعر[/align]
[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"] خسيتي لعنبو جدك،،خسيتي والغلط ينعاب=خسيتي واقلبي وجهك ولا كلمه ولا جابه خسيتي والزمي حدك تراها ضاعت الاداب=انا لاطاشت جنوني يعرف الجاهل ادابه وش المغزا من الكلمه بلا داعي بلا اسباب=وهرج الكذب والتجريح قوليلي وش اسبابه انا الشرهه علي اني فتحت لخافقي كم باب=لكن مثل ماجيتي ترى كبر الجمل بابه خذي نفسك معك برى ثم انقلعي بدون اياب=فمان الله ،،والا اقول فمان ابليس واصحابه تحسبيني على فرقاك باندم واغرق الاهداب=انا مبسوط يوم اني طردت الشوم وغرابه انا ماعاشر الخاين والا اسمع هرجه الكذاب=ومثلك قيمته عندي تحت الزيرو حسابه.. هذاك الي تحبينه حقير وخكري ولعاب=عاجبك ان قلتله شقرا ويميل بالشعر كابه صحيح انه حقير وشكله للنساء جذاب=تشبه باخته فلانه ومنها الدم متشابه وانا مانيب حرف جر تجرينه على الاعراب=انا حرف(ن) جزم نفسه ومثلي يصعب اعرابه تشوم النفس عن زينك عقب ماطاح فيها ذباب=وانا حر(ن) ولد حرتركت الزين وذبابه.. انا يابنت من ربع (ن) لهم فوق الفخر محراب=انا من روق ياخبله وربعي الهيله( عتابه) نسينا ماكلي (عمهوج) وكم روس بدون رقاب=رزقك الله بحكم اللي حفظ عمهوج في جرابه انا شيخ(ن) ولد شيخ بذكره تنعم الانساب=الا قام العرب كلا،، يراجع دفتر انسابه ولد شيخ (ن) وسط ربعه له بين الرجال حساب=اليا ضاقت به الارياء،، يهز الارض مشعابه محنكني على الطيبه من يومي صغير وشاب =اجل وش رايك بطفل دلال القهوه العابه ترى بدري على مثلك تعيب وساسها معياب=ياليت الي يعيبني يحاول يستر ثيابه انا لاجتني الزله من الجاهل وهو كذاب=تركت القافله تمشي،،، وراها تنبح كلابه وانا ليا من كشف ان الخوي اصبح لسانه داب=نزعت السم من عرقه وكسرت بمخلبي نابه خلاص اليوم يافلانه كرهتك والقلوب غراب=وترى كل طير(ن) بكبد السماء يشبع مخلابه خساره مثلك بقلبي تضمه غرفة الاحباب=وخساره غلطة العاشق يحطك اول احبابه بعد هذا تبين ارجع لاجل عينك نكون اصحاب=خسيتي واقلبي وجهك ولا كلمه ولاجابه[/poem] |
العريدي انا اشهد انها قصيده وصح السان من قالها وسلمت يمينك على نقل هالقصيده
تحياتي لك.. |
قصيدة رائعة رائعة رائعة بكل المقاييس حقيقة نقل رائع جدا
وأحسن بيت وأفضل بيت فيها هو قوله: انا يابنت من ربع (ن) لهم فوق الفخر محراب انا من روق ياخبله وربعي الهيله( عتابه).. حقيقة بيت في القمة |
صح لسانك اخوي العريدي
وصح لسان شاعرها وبيض الله وجهك على هذا الاختيار تحياتي لك ،،،، |
الله يسلمج يابنت الهواجر واشكرج علي المرور
|
صح بدنك يالنايف اشكرك علي المرور
واتمني انا نقدر نفديكم |
وترى كل طير(ن) بكبد السماء يشبع مخلابـه
الشطر هذا غير موزون |
يعطيك العافيه وتسلم يمناك
تحياااااااااااااااااااااااااااااااتي |
الله يعافيك ويمينك طال عمرك
|
القصيدة لرجل أسمه خالد الروقي وأظنه عضياني ليت أحد يفيدنا عنه وشكرا
|
جميع الأوقات بتوقيت GMT. الساعة الآن 10:13 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها