لغزٍمِشدّه للعوارف ( حله من ابوفيصل )
 

[size="6"]

لغزٍ مِشدّه للعوارف على اليا
وِلحضرة الحضّار لاجت وعدها

رجلٍ كتبني والمكاتيب عِليا
كل ماقصدني تمّم اللي بعدها

وليا اعتمدني بالجواب وسأليا
قال اعتبرني من بعدها سددها

ماهوب لابوزيد وْلا شوق عليا
شرواه يهنآ بالحياه ورغدها

✋🏻[/size]

يالله حي العطاوي وين هالغيبات من طول الغيبات جاب الغنايم

اما اللغز والله انه عويص لكن ويش رايك في الحظ ؟

تحيا وتدوم والله يبقيك يابوعبدالرحمن ، أبشربها

الرمعه لا والله ماهو بالحظ

اجل ويش رأيك في حرف الياء للمنادى مثل قول يا ابو فيصل

مااالك لواا

طيب ويش رايك في الرقم السري للمنتديات ؟

مالك لواا

حله منه فيه 😁

كاتب الضبط؟

مالك لوا يابوعبدالرحمن

شاعر المحاوره ؟

ماااالك لواا

سعدنا برؤيتك ياصاحب الألغاز الجميله
وصح لسانك ....
اللغز شي يدور حول الكتابه مشده على الياء تقصد
الشده اللي تكتب على الياء...

وانا أسعد بتواجد الأخوات اللواتي مثلك ياعهود

وهلابكم في منتدى الألغاز وحياك مولاك

قد يدور في كلمات اللغز لكن هنا أتوقف واترك لكم التفكير

اتوقع أنها علامة الاستفهام

للاسف الشديد

مالك لوا

اذا اخطأ سنان الرمح ما اصاب عكوزه
لكن ان شاء الله نصيده

لغزٍ مِشدّه للعوارف على اليا
وِلحضرة الحضّار لاجت وعدها

رجلٍ كتب (ني) والمكاتيب عِليا
اليا قصد(ني) تمّم اللي بعد(ها)

وليا اعتمد(ني) بالجواب وسأليا
قال اعتبر(ني) من بعد(ها) سددها

ماهوب لابوزيد ولا شوق عليا
شرواه من (يهنا) الحياه ورغدها


الحل ياطوال الاعمار ( هاني ) اسم شخص
العذر والسموحه على الاطاله

ههههههههههه أجل الحل هاني
لغزجميل وخطير بنفس الوقت
يعطيك العافيه ي العطاوي

ههههه والله أني شكيت في الكلمات التي بين الأقواس لكن لم يخطر ببالي الاسم هاني
مشكور يابو فيصل ما قصرت ولغز تمام

الله يعافيكم ولايهينكم ، القصد من حله ماهو والله مرحميه ههههه
لكن قلت النوع هذا من الالغاز ماانتم لاقين عليه مدخل ،
وين ووين اللي يبي يفطن لهذا التمويه اللغوي والحرفي

لذلك حليته

لا يابو فيصل اذا عجزنالازم تحله لنا لتنمية مداركنا