امـك تغـازل مـن ورى ابـوك بالـدس
 

هذه القصيده للشاعر غازي بن دخيل الله بن عون



قالها في احدى الفتيات التي كانت تتحدث على جهاز الكنود ( ايام الكنود وموضته ) . المهم الرجال الظاهر انه نصحها كم مره لكن ماعطته وجه .. وسمع مرة صوت ولدها عندها .. وعرف انها متزوجه





امـك تغـازل مـن ورى ابـوك بالـدس



يابنت قلبـك يفعـل العيـب مـا حـس. وان ما هداه الله عسـى الله يخسـه



يكفـي غـزل للنـاس ياخايـنـه بــس. خـلـي حـلالـك قـفـر لأحــد يعـسـه



أبليس لك يابنت في الشر وسـوس .تــعـــوذي بالله لــعــلــه يــخــســه



الستـر لـه ثــوب مــن الـعـز يلـبـس .وجسم الشرف ما كل رجل يجسـه



عــار ونــار مـذهـب البـنـت يلـمـس .وعـرض المـره ادنـاة شـيء يهـسـه



يابنـت عـرضـك بالمجـالـس يـدنـس .حـدر النصايـب جعـل ربعـك تـدسـه



ولا جايـك الا مثـل مـا قيـل واخــس , واللـي شرفهـا غـالـي مــا نمـسـه



يـاورع ياللـي عندهـا بـان لـك حـس .قلبـك علـى امـك يـوم خانتـك نسـه



امـك تغـازل مـن ورى ابـوك بالـدس,, والله مـــن رجـــل تــلــذذ بـحـســه



قله تراخـي الحبـل يحتـاج لـه مـس ,, وعـلـم لأبــوك الحـبـل لازم يمـسـه



ولا يـشـيــل الـعـارلاعــاد يـجـلــس ,, في وسط بيت عاش ما فيـه هسـه



قلـه يجـوز عـن النجـس لا يتنـجـس ,, ثــم يقلـعـه يالـيـن يـقـلـع مـرســه



ولا تلحقونه مـن حسايـف ليـا طـس .عـسى العمى في نون عينه يطسه


للشاعر غازي بن دخيل الله بن عون

اي والله صدق ابن عون في بعض الاوادم اللي تعدت حدودها :D


صحححححححح لسان الشاعر وسلمات يالواصل على اختيار هذه الرائعه


تحياتي لك

اخوي العزيز ا بوسعود الروقي

اي والله صدق ابن عون

اشكرك شكراً جزيل على مرورك

وتعبيرك الطيب وهذامن طيبك


وتقبل تحيا ت اخوك

[SIZE=4][COLOR=deeppink]تسلم يدك ومن جد على قولهم أقدى فيها .... قصيده حلوه واول مره اقراها....[/COLOR][/SIZE]

الواصل بيض الله وجهك على ماجبت

غازي بن عون استاذ


وشاعر علم من تتبع شعره استفاد بدون شك

حكيم يابن دخيل الله الله يحفظك

ويديمك وامثاله للشعر

ضاوي العصيمي و رعبوبه

اشكرك شكراً جزيل على مرورك

وتعبيرك الطيب وهذامن طيبك


وتقبل تحيا ت اخوك

اخوي الواصل صح لسانك ولسان الشاعر بن عون

القصيدة للشاعرمريربن عبد المحسن الحبيل الحمادي و ليست لغازي بن عون والرجا من الاحوة الاعضا التئكد من صاحب اي قصيدة قبل وضعهافي المنتدى

سمعتها بصوت صاحبها فى شريط
 

القصيده جميله جدا وقد سمعتها بصوت صاحبها فى شريط اسمه نصائح من الاشعار النبطيه توجد فى التسجيلات الاسلاميه ولا اعتقد بانها للشاعر غازى فقد سمعتها بصوت صاحبها واسمه على مااعتقد انه محمد المغيرىاو حول هالاسم لكن اسمه محمد فى امسيه بالرياض فعلا انا كنت اضن انها لغازى قبل ان اسمعها ولكن الصوت والاسم يختلف تماما عن صوت غازى وشكرا

سمعتها بصوت صاحبها فى شريط
 

القصيده جميله جدا وقد سمعتها بصوت صاحبها فى شريط اسمه نصائح من الاشعار النبطيه توجد فى التسجيلات الاسلاميه ولا اعتقد بانها للشاعر غازى فقد سمعتها بصوت صاحبها واسمه على مااعتقد انه محمد المغيرىاو حول هالاسم لكن اسمه محمد فى امسيه بالرياض فعلا انا كنت اضن انها لغازى قبل ان اسمعها ولكن الصوت والاسم يختلف تماما عن صوت غازى وشكرا

ما دام القصيدة معروف صاحبها ولاه ما تعدلونها ,,,,,,من اجل ان لايأخذها احد ويقول ان شبكة عتيبة تقول انها لأبن عون ....اقترح التعديل.....للي متأكد من صاحبها وشكرا