::::.. لــــــــــغــــــز مــــلــــيــــان ..::::
 

السلام عليكم ورحمة الله وبركاته

مساكم الله بالخير جميعاً

هذا لغز وجدته في أحد المواقع وأعجبني وحبيت أشارككم به

وأتمنى ينال إعجابكم ...

اللغز يقول :

[poem=font="Simplified Arabic,4,white,normal,normal" bkcolor="transparent" bkimage="backgrounds/22.gif" border="double,4,silver" type=1 line=0 align=center use=ex num="0,black"]
منشدي بني لهن دورٍ وكد=في زمانٍ فات جزلات العطا
في حشاهن حل من مقدم عهد=الكريم اللي حريبٍ للخطا
إن قطعت الذيل ماباقي صعد=وإنقطعت الراس فالباقي وطا[/poem]

[align=center]تـــحـــيـــاتـــي[/align]

مساء الخير الغريب
 

شخبارك
عندي رمعه يمكن تكون صح ويمكن تكون بعيده
(((((طيور القطا)

تقبل خالص تحياتي

انا مع رمعة اخوي عبدالله

عبدالله الجايزه ففتي ففتي ;)

تحياتي

هــــــلا وألفين غــــــــلا

ابومرزوق

أخباري ساكنه بس فاقدك يالذيب طلاتك ذا اليومين قليله

وبالنسبه للرمعه لا والله وأنا أخوك بعيد

وبإنتظار الرمعه الثانيه

وياهلابك

هـــــــــلا بسلطان

للآسف رمعة ابومرزوق بعيد

وأبي رمعتك أنت

تحياتي

عندي رمعه ولاادري عنها


ماهي الرحى

هــــــلا يابن عاصي

للأسف يالغالي رمعتك خطأ

وبإنتظار الرمعه الأطيب

[grade="00008B FF6347 008000 4B0082"][size=4]عساي احل لغز كلمة رمعة يا الغريب اول؟ هههههههههههه[/size][/grade]

هههههههههههههه

أجل مافيه أمل تذبحين اللغز .. هههههههه

الرمعه تقريباً هي بمعنى التخمين أو المحاوله ...

حتى لو ماحليتيه ياعتيبيه مرورك شرف لي ...

بس هذا مايعفيك من المحاوله ...

والرمعه تأتي ايضا بمعنى الضربه التي تكون على الطاير وفي اغلب الاحيان في منطقة العبا

أجل في منطقة العلبا

هههههههههههههههه

هلا بك مديرنا العزيز

بس وين الرمعه .. ترى ماني معفيك من المحاوله

وإسمح لي بتحداك تحله أنت ياطالع

تحياتي لك

عندي رمعه

السيف جعله مايجي ارقابنا

شف يالغريب ادري اني ماني بحول الدعوى بس حبيت اشارك لاتقولي خطأ قل دور غيرها

هههههههههههههههه

هـــــــلا بمديرنا العزيز

رمعة طيبه ياطالع

بس حاول في الأطيب

وتراني متحديك أنت بالذات تحله .. وتراه أسهل من ما تتصور

بس هالأيام مالومك مقفل مع هالإمتحانات وزادها عبدالله بكرسي الإعتراف

هههههههههههههههه

عندي رمعه ولكن انشاالله طيبه
ما هو الحيوان الحصني : ههههههههههههههه
ههههههههههههههه

ههههههههههههههههه

قصدك أبا الحصين ههههههههههه

مالك لواء ياسالم .. وماهي حول اللغز

وبإنتظار رمعه أطيب

تحياتي لك

اظن يااخ فهد ان اللغز هو النخل
تحياتي

هــــلا وغـــــلا يابن ثعلي

شرفت المشاركه وراعيها بمرورك الكريم

وبالنسبه لرمعتك مالك لوا .. وبإنتظار رمعه أطيب

تحياتي لك

السلام عليكم
الجواب
الصآروخ
ونشاء الله انه يكون صحيح
تحياآإآإآإآإإآإآإآإآإآإآتي

حياك الله يابوفرج


وآسف على التأخر في الرد


وبالنسبه لرمعتك مالك لوا يالغالي

وحاول برمعه اطيب


سلاااامي لك ..

[color=#006600][size=4][align=center]اخوي / فهد العايضي

فيه رمعة بس شكلها سماوية . مع العلم هذه اول مشاركة لي في هذا

المنتدى وان شاءلله مانتفشل وياكم ,

اتوقع انها ( النحلة ) والله اعلم

ودمت بود الرحمن,, [/align][/size][/color]

مرحباً مليون بالحاتمي أتشرف أخوي

بأن تكون اول مشاركاتك رد على مشاركه لي

وأعذرني أخي على تأخري في الرد


وأتمنى لو كانت إجابتك صحيحه ولكن للأسف


حاول برمعه أطيب وياهـــــــلا بك

السلام عليكم

ممكن السماء

وعليكم السلام ورحمة الله


هـــــلا وغــــلا بالطواش


مالك لوا يالغالي


حاول برمعه أطيب

ماهو رصاصة البندق


يالذيب لاتقول لا


وتقبل تحياتي

مرحباً مليون يابن زعام

ماني قايل لا يالذيب .. أقول مالك لوا

حاول برمعه اطيب وياهــلا بك

وتراه شئ قديم جداً جداً

كان يستخدم في العصور الأولى لحاجه ضروريه

اما في وقتنا الحاظر لانستخدمه نهائياً ولكن كلنا نعرفه


ونعرف انه كان يستخدم لهذه الحاجه ... هذا للتوضيح

هل هو الصعوط

صح لسانك ومدري ماهن كفتين الميزان

ان قطعت الذيل فالباقي صعد
وان قطعت الراس فالباقي وطا

يعني اوله رقا



الرقاع القديمه التي يكتب عليها اذا حذفت الرا اولها صارت قاع واذا حذفت العين اخرهااصبح رقا

فهد العايضي


تسلم على النقل...


ورمعة...إختنا سود العيون....فيها إجتهاد وإستخدام العقل...



وأنا رمعتي....

إحتمال يكون....الحل النمل...أو الوزغ..أو الفويسقه.....



ودمتم...

الزعيم ابوالبواسل


بندر


ناصر بن سعدي



حياكم الله ومنورين


وبالنسبه لرمعاتكم مالكم لوا


وشاكر لكم المرور والمحاوله

[color=#FF0000][size=5]سود العيون[/size][/color]


[size=5][color=#003366]
صح لسانك مليون ومايكفون


نعم هذه هي الإجابه الصحيحه


هي الرقاع واللي كانت تستخدم في القديم للكتابه عليها


ويقول الكريم اللي حريبٍ للخطأ المقصود هنا القرآن الكريم


والمقصود بإن قطعت الذيل ماباقي صعد اي إذا حذفت حرف العين صات رقا


وإن قطعت الراس فالباقي وطا يعني إذا حذف حرف الرا صارت قاع يعني الأرض


مثل ماوضحت الأخت سود العيون ....



[poem=font="Simplified Arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
منشدي بني لهن دورٍ وكـد=في زمانٍ فات جزلات العطا
في حشاهن حل من مقدم عهد=الكريم اللي حريـبٍ للخطـا
إن قطعت الذيل ماباقي صعد=وإنقطعت الراس فالباقي وطا[/poem]



[align=center]وأخيراً

أشكركم إخواني على محاولاتكم وعلى مروركم [/align][/color][/size]