منتديات عتيبه - هذه قصيدة الشاعر فحان ثمر الرقاص الحافي العتيبي

[frame="3 80"][align=center]هذه قصيدة الشاعر فيحان بن ثمر الرقاص الحافي العتيبي

قالها عندما خرج من سجن الاحساء في ربعه وجماعته اهل نجد فيها تخليد للماضي الاصيل وحكاية واقع مرير عاشه الشاعر وتجسيد لشخصيات مهمه في حياته عموما اترككم مع القصيدة الرائعه::[/align]

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
يقـول حافـيّـاً مـولّـع ومــولاع
جايّه مـن الدنيـا همـوم وغرابيـل
منه الضميـر وواهـج القلـب يـلاّع
كما يلـوع الشعـف لـدن السنابيـل
ياراكب اربع ربع من عقـب مربـاع
شعـل شمعليّـات رمـل ٍ مرامـيـل
فج ّ ٍ مناكبهن علـن لمـس الأقـواع
يعرج بهـن إليـا عطـن ّ المداهيـل
خضع الرقـاب ومشيهـن بالتخـوّاع
قطـم الفخـوذ لحومهنّـه معـازيـل
عصو عصاو وبالعصا عصو وأطـواع
ومربعات ٍ فـي سجـا كلّهـن حيـل
مافوقهـن الا الجواعـد والانـطـاع
وعيـال فـي دوج الغـداري دواليـل
مسراحهن من ديـرة المـد والصـاع
دار بخيلـه ميـر أهلهـا مشاكـيـل
إلهن صـلاة الصبـح بغثـاه منشـاع
منشـاع مرميّـات خطـو المغازيـل
والدرب من بين العرايـس ليـا تـاع
والعصـر يـم الخنفسيّـه مخالـيـل
انصو فريدة شعر من حيـث الاسنـاع
وماجذبكـم شـوف مــد الدرابـيـل
لازم يطالعكـم مـع اللـيـل لـمّـاع
نـارا ً يقـرّب جمرهـا للمعامـيـل
اول شببكـم خمـس طبخـات ٍ اتبـاع
بـريّـة ٍ مابـهّـرت بالزبنـجـيـل
وبيت ٍ يشيّـد يـوم حلّـو بالاسـراع
بيـت ٍ لشـرّاب الحشايـش مداهيـل
ونجـر ٍ يلجلـج والمخاليـق هجّـاع
تلقى رويمـي يقرعـه تالـي الليـل
ومجـالـس ٍ ماقطّـعـت بالتلـمّـاع
من جاء محيّا ً به ومـن راح ماسيـل
في ضف ابو نايف حمى قاصر البـاع
يـوم الخفـاف يجانبـون الزماميـل
يلوذبـه مـن كـان ميّـس ومرتـاع
لـن رفّعـوا لقطيّـهـن المساحـيـل
ولا الغفيلـي بسلّـة الهنـد قـطّـاع
سيف ٍ مصقّل مـن خيـار المصاقيـل
حـوّاف للاعـداء وفـارس وقطّـاع
وحـزام بالكربـه وبالصبـر حلحيـل
وبن خنيصر في ضحى الكـون بيّـاع
يهـوي عليهـم مثـل طيـر النبابيـل
وغيره ليا شـاف المساييـر شـوّاع
ويفّرق اللـي يلزمـه مـن محاصيـل
ماهـو معيثيـر ٍ خبـيـل ٍ وقـبّـاع
وإن جاك في وسط المجالس ليا فيـل
وفيهم ترى ابن التوم للهجـن مـزواع
ربعي ذوي ربعـي كـرام ومشاكيـل
إرجـال عـرف ٍ وللـديـن تـبّـاع
وعيّـات لغصـون البلنـزي نواتيـل
إمخضبّـه بايمانهـم كـل مـسـواع
للريـم فـوق أرقابهـنّـه عرابـيـل
غازي وضيف الله على كـل الانـواع
ربع ٍ علـى كثـر الخسـاره مراحيـل
ومعجب عشير إمخوتمت عشر الأصباع
وابو سنـد خصّـوه ذيـب الرياجيـل
ثم انصوا اللي رفقتـه تبـر الاوجـاع
برجس سعد قلبي ليـا ضـدّه الشيـل
ومن عقب برجس درّجوا لاخو هـزّاع
فازع حديد الهنـد عطـب المواشيـل
وباق العرب صدقان لكـن إلـي نـاع
ماكـل ّ ٍ اتعبلـه أركـان ومراسيـل
مايبهج الضميـان ضحضاحـة القـاع
ولايبـرد الحـسّـات زود التعالـيـل
ولاواحـد ٍ جـايـز بلـيّـا تمـتّـاع
ولاوداي ٍ يخضـر جنابـه بـلا سيـل[/poem][/frame]