_+/.. (( ســــوق الـحــــراج )) ..\+_
 

[align=center]السلام عليكم وصبحكم الله بالخير جميعا ً

بدون مقدمات وبدون فلسفه كل عام وانتم بخير

جديدي اضعه بين يديكم لعل وعسى ان اصل به لذائقتكم الشعريه



صلـّوا على النبـي[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

علتي في داخلي وابغى الخراج=ومن بغى الراحه يدوّر مخرجه
جبت لي واحد يسويلي مساج=(؟؟؟؟؟؟؟؟؟؟؟؟؟؟؟؟؟؟؟)
قال عندك مفصل ٍ فيه انعواج=مفصل ٍ مدري وش اللي معوجه
قلت والله علتي وسط الحراج=يوم جيت ومقصدي بالتفرجه
شفتلي وحده بمحلات الزجاج=جالسه مستانسه فوق ادرجه
عقبها صار العقل فيه ارتجاج=وحالتي بالحيل صارت محرجه
خفت أكلمها يثير إبها العجاج=( والمره ) في كيدها متوهجه
جيتها وسلمت وردت بإنحراج=قلت مستحيه وقالت محرجه
بفلسفه فاتحتها بأمر الزواج=قالت إني لي سنه متزوجه
قلت حظي خابره مثل الهماج=بالقراح العذب صعب ٍ أمزجه
مال حظي في حياتي من علاج=حظي اللي صاير ٍ فيه اعرجه
من عقب ماجيت في سوق الحراج=وشفت منهي جالسه فوق ادرجه
صابني ضيقه بصدري يا (سراج)=وصاحبك يبغى يدوّر مخرجه
كل ضيقه بعدها ياتي انفراج=وضيق صدري ياعسى الله يفرجه

مع خالص ودي

نايف المحينيش [/poem]


[align=center]
# / ( سراج ) = الفلبيني اللي سوّالي مساج ...[/align]

ح


ج


ز



ياراعي الحراج


ههههههههههههههه


يهب انت وافكارك

طالع

اسعدني هذا التواجد

لاشك لي الفخر بوجودك الاول

ولازلت انتظر نورك مره اخرى

دمت بود سيدي الفاضل

ياهلا يانايف


صح لسانك يابو جهز لاهنت يالغالي


وتحياتي لك

صح لسانك اخوي نايف


وبيض الله وجهك يا الغالي



تحياتي لك ،،،،،،،

طالع

لاهنت يالغالي

وصح بدنك

والظاهر مالي ولاشغله غير انت
أرد عليك وترد علي
هههههههههه

مرورك يكفي طال عمرك

تحيتي لقلبك النقي


دمت بود سيدي الكريم

النايف

هلا والله يالسمي

ولاهنت على مرورك اسعدني مرورك وشرفني كثير

تحيتي لقلبك النقي

وصح بدنك يالغلا 0 0 0

صح السانك يانايف وكل عام وانت بخير
تحياتي

المحينيش

قصيده صراحه روعه
وقافيتها اروع
من شاعر رائع
تقبل تحياتي
ولو تقول لي اسم راع المساج يمكن امر عليه هههههههه

بن ثعلي

هلا والله وغلا

ارحب تراحيب المطر

صح بدنك

وكل عام وانت بألف خير

دمت بود سيدي الكريم

عبدالله المرشدي

الروعه حظورك ومرورك الكريم

شرفني تواجدك طال عمرك

ههههههههه

اسم راع المساج ذكرته بالقصيده

لاهنت ياقلب نايف

تحيتي

مشاركه
 

تسلم يمينك اخوي المحينيش قصيده رائعه من شاعر مبدع أعجز أني اكتب خوفا من ان أوفيها حقها .



أرق تحيه لك
نووف

انا ماقلت ولا شي يانايف اللهم فاشهد

نوف

لاهنت ِ يابنت الرجال

مرورك يسعدني

تشرفت بمرورك

ومصافحتك لقصيدتي

شكرا ً لك ِ من القلب

تحيتي لقلبك النقي

دمت ِ بود


صح بدنك مره اخرى

نايف المحينيش

طالع


هههههههههه

اي هيـّن

الوعد لاشفتـك

ان شاءالله

يسعدني حظورك

دمت بود

[align=center][color=#0000FF]قصيده رائعه جدا جدا

تسلم يمينك وصح لسانك









وافر تحياتي[/color][/align]

سليل سيوف

لاهنت وصح بدنك

مرورك شرف طال عمرك

دمت بود ولاهنت

تحيتي