الحلقه الثانيه من صوره وتعليق شاعر,, الجزء 2
 

[COLOR="#ff0000"][SIZE="5"][B][FONT="Comic Sans MS"]السلام عليكم ورحمة الله وبركاته




مساء ...صباح الاوركيد لكم جميعا ...



:



يسعدني ويشرفني استمراري وياكم في موضوع صوره وتعليق شاعر ..:13:


من هنا اشكر من اعماق قلبي اخوي فهيد الرويس لما له من دور كبير في استمرار هذه

السلسله فهو من قام بقطع نصف المشوار عليَ بالاتفاق مع الشعراء المشاركين

واكتشاف شعراء (خلف الكواليس :16:


من المفترض ان اذكر هذا الكلام في اول حلقه لكن جل من لايسهو

فليعذرني اخوي ابو مقعد ولتعذروني جميعا ,,


اخوي فهيد هذي لك :rose:



:







:






شاعرنا هذا الاسبوع مفاجأه ثانيه ربما لي وحدي لااعلم ....


لكن من متابعتي البسيطه للشعر اجزم انها ليست محاوله وليست بداية شاعر


شاعر كلماته اذهلتني بجزالتها تبارك الرحمن


ماادري ليه بعض الشعراء يتخبون :hhh:


الحقيقه انا ارسلت له صوره صعبه شوي ( حسيت من رده الاخوي معي بالخاص ))

وربما لاحساسي انه من عشاق البر والمكاشيت اخترتها له رغم سطحيتي بمعرفته وقلة

احتكاكي بمخاطبته (( ياكثر علومها :4:





ابدع ابدع ابدع رغم صعوبة الصوره


لله دره وصح لسانه مدد ....






طولت عليكم :297:



شاعرنا ومديرنا واستاذنا ,,,




(( ابن ثعلي )) ,,,, ابو عبد الرحمن على مااعتقد *_*


هو ضيفنا لهذا الاسبوع ..



شكرا لك اخوي لحد السماء على تجاوبك



تفضلوا تعليقه ...

:


[url=http://www.viafy.com][img]http://www.viafy.com/uploads/f8c4a3cfa0.bmp[/img][/url]


عسى السحاب اللي نشأ من مناشيه = يمطر على دار من الوقت يابسه

على الجبل والعرق تسري مساريه= والصبح كل اربوعها السيل دابسه

صيف وربيع وكل يوم مباديه =على مراعيها جـديده ودارسه

وتخضر وتزهرواطيب الطيب تعطيه=من عقب ماهي شينة الشوف عابسه

وذكر الحيا يبين والكل يطريه=وتسابقوه اللي ماهم بالخمايسه

اللي يشب النار والنجر توحيه=واللي مكاويع على الزل جالسه

في ظل فيٍ ينشط اللي جلس فيه=على غديرماش مخلوق حايسه

وهذي طراة البر واجمل لياليه= واللي مايعجبهم ترى ناس خايسه


:




:



كما عودتمونا لانستغني عن حضوركم


تواجدكم شرف وينير جنبات حلقاتنا ..:297:





:




اخوي ابن ثعلي ,,


تفضل لك المايك ..



:




جنائن الياسمين لطهر قلوبكم


اصايل ..:de:[/FONT][/B][/SIZE][/COLOR]

حجز


1



ولي عوده بعد التمعن في كل بيت


:)

صح لسانك يابن ثعلي شاعر متخفي وبقوة
أصايل

صاحبة الابداع مشكوووورة



ودي واحترامي

وصف جميل وروعه يابن ثعلي


لاهنت وصح لسآنكـ


لاهنتي اصايل


/


،

ياسلام عليك [color="red"]يابو عبدالرحمن[/color] ..

وطرق جميل وكلمات أجمل ..

وتعبير ,, رائع ,,


شكراً لك على هذه الكلمات الجميلة ,,

والشكر موصولٌ لكلٍ من .. [color="red"]فهيد الرويس[/color] .. و[color="red"]أصايل[/color] ,,

وبالتوفيق لـ الجميع وبإنتظار شعراء جدد : )

اللي يشب النار والنجر توحيه
واللي مكاويع على الزل جالسه

في ظل فيٍ ينشط اللي جلس فيه
على غديرماش مخلوق حايسه


الله الله الله


صح لسانك ابو عبدالرحمن


ما يبي لها كلام شاعر أباً عن جد :)


لا هنتي اصايل


تحياتي


,

ياسلام عليك

يابوعبدالرحمن

ابدعت لاهنت

صح لسانك

ولاهنتي يااصايل

تعبناك معنا ومشكوره على المقدمه الظريفه

تحيتي وتقديري

صح لسانك يابو عبدالرحمن على الأبيات

تعليق جميل ورائع وابدعت في الوصف ياشاعرنا الكبير


اشكر اخوي فهيد الرويس واختي اصايل على جهودهم واقول الله يعطيكم العافيه



احترامي

اول شئ فهمت من تعليق الأخت اصايل ان اللي ورطني الأخ فهيد الرويس والا فلست بشاعر ولو ان لي بويتات ولكن ماعليش ولهما جزيل الشكر على جهودهما
وثاني شئ استغرب مبالغة الإخوان
نايف تراحيب
النجم الأصيل
ناصر بن سعدي
عادل العصيمي
فهيد الرويس
وحودك بكفي
بمدح هذه الأبيات وانا في قرارة نفسي غير مرتاح لها خصوصا شطر البيت(على غديرماش مخلوق حايسه) اشعر ان به خطأً لغوي لكني لويت الكلمه ماش لتستقيم القاقيه,لأني امضيت اكثر من نصف ساعه ولم استطع الحصول على كلمه بديله لكلمة (ماش)
وصدقوني انني كنت ارغب في النقد اكثر من المدح
وتحياتي للجميع

ابو عبدالرحمن


والله ما مدحتك ولا عديت الا الصحيح


قصيدة ما تجي الا من شاعر


والشطر ( على غديرٍ ماش مخلوق حايسه ) اشوفه من جماليات القصيدة لعذوبته وابتعاده عن التكلف


تقبل تحياتي


,

[color="red"][size="6"][size="5"]نايف تـراحيب


حياك من الحين الى حين عودتـك *_* [/size][/size][/color]

[size="5"]فوق النقد [color="deepskyblue"]يبن ثعلي[/color] صح لسانك والله يقويك في قسم قصائد الأ عضاء ومالك عذر تبتعد عن القسم

#(على غديرٍ ماش مخلوق حايسه) بالعكس الشطر هذا رووعه وكلمة( ماش) لها نغم موسيقي رائع في العجز

..............
([color="deepskyblue"]فهيد الرويس[/color]__[color="deepskyblue"]اصايل[/color])

مجهود رائع فلكم كل الشكر ووافر الأحترام..[/size]

[color="red"][size="5"]ياهلا يالنجم الاصيل


حياك اخوي ..[/size][/color]

[color="red"][size="5"]لاشنتـ نايف

حياك الله ..[/size][/color]

[color="red"][size="6"]ناصر ابن سعدي


حياك الله

منور ياخوي ..[/size][/color]

[color="red"][size="5"]حياك اخوي عادل


لاهان غاليك ..[/size][/color]

[color="red"][size="5"]ياهلا اخوي فهيد


مقدمه ظريفه *_*


حياك الله ..[/size][/color]

[color="red"][size="5"]وجودك يكفي


حياك اخوي


نورتـ ..[/size][/color]

[color="red"][size="5"]ابن ثعلي


حياك الله ياخوي في محلك

وبعدين هي تـوريطه زينه كسبنا من وراها شاعر


الحين مالك عذر نبي قصيده وخاصه في بيتـ القصيد


والا عشان نكسبك شرايك اعطيك صوره ثانيه بس مهيب عن البر والمكاشيتـ*_*


(( خافتـ من التـحسب *_* ))


منور ياخوي [/size][/color]

والشطر ( على غديرٍ ماش مخلوق حايسه ) اشوفه من جماليات القصيدة لعذوبته وابتعاده عن التكلف


[color="red"][size="5"]
وانا من راي اخوي عادل

العفويه والابتعاد عن التكلف تزيد من جمال الشي ..[/size][/color]

[color="red"][size="5"]ياهلا يارغد


حياك الله


منوره ياغلا ..[/size][/color]

اشكر الجميع على حسن اطراءه

وابد انا ماورط احد هههه

وبعدين لوا ترجعون لموضوع انتظروا قريبا لاحضتوا ان قايل مع بعض الشعراء الذين فضلوا ان يبقوا متذوقين لشعر وهذا يجد الكثير فيه المتعة اكثر من نظم الشعر وابوعبدالرحمن متذوق على مستوى كبير ولكن اعتقد انه مقل جدا في كتابة الشعر

ومادام ان المجال فتح للتقييم وانا ماني بااكثر من الاخوان عرف والشطر جميل كما قالوا

ولكن عندي ملاحظه وهي كثير ماتحدث عندالشعراء وحسب ماعتقد ان بحر الصدر على المسحوب ولكن العجز في اغلب الابيات على بحر الهلالي ولان البحر الهلالي يزيد على المسحوب حرف واحد يجعله يمشي في بعض الالحان ولكن بمجرد تغيير اللحن يبين ان العجز زايد عن الصدر بحرف واحد هذا من وجهة نظري

وماالابيات فهي رائعه المعنى وابدعت في محاكات الصوره

وتحيتي وتقديري للجميع

[b]ماشالله ياابن ثعلي هذا وانت متذوق وكل هالابداع صح لسانك وصف رائع لاهنت

الشكر لكي اصايل وللأخ فهيد الرويس ويعطيكم العافيه ولاهنتو

ودي وتقديري~[/b]

[quote=فهيد مقعد الرويس;955946]اشكر الجميع على حسن اطراءه

وابد انا ماورط احد هههه

وبعدين لوا ترجعون لموضوع انتظروا قريبا لاحضتوا ان قايل مع بعض الشعراء الذين فضلوا ان يبقوا متذوقين لشعر وهذا يجد الكثير فيه المتعة اكثر من نظم الشعر وابوعبدالرحمن متذوق على مستوى كبير ولكن اعتقد انه مقل جدا في كتابة الشعر

ومادام ان المجال فتح للتقييم وانا ماني بااكثر من الاخوان عرف والشطر جميل كما قالوا

ولكن عندي ملاحظه وهي كثير ماتحدث عندالشعراء وحسب ماعتقد ان بحر الصدر على المسحوب ولكن العجز في اغلب الابيات على بحر الهلالي ولان البحر الهلالي يزيد على المسحوب حرف واحد يجعله يمشي في بعض الالحان ولكن بمجرد تغيير اللحن يبين ان العجز زايد عن الصدر بحرف واحد هذا من وجهة نظري

وماالابيات فهي رائعه المعنى وابدعت في محاكات الصوره

وتحيتي وتقديري للجميع[/quote]

هذا صحيح يااخ فهيد
والدليل انك لوحاولت تغنيها على اكثر من لحن ستجد ان هناك تنافر بين الصدر والعجز
لكن المسألة هنا تعبيريه اكثر مما هي جماليه, لأن امامك صوره مطلوب تعبر عنها بمايناسبها وجاء البيت الأول بعفويه وسرعة بديهه,وتلته بقية الأبيات التي لابدر وان تكون على وزنه0
وحتى شطر البيت(على غدير ماش مخلوق حايسه) كنت كاتبه (على غدير صافيٍ في محابسه)لكني حاولت ان تكون الصوره ابلغ وهي انه لم يصل اليه احد قبلهم. والشيبان يقولون الشعر من هيض والا من غيض, يعني ان تكون متهيض او مغتاض وكلاهما كنت افتقدهما,بل كنت مرغماً
وتحياتي لك

الأخ ذباح لك جزيل الشكر على جميل الإطراء

....ابن ثعلي قصيده جمليه ووصف اروع....ولواني تمنيت لوانك ابتعدت عن التقليديه

من ناحية الالفاظ ...لاني اشعر ان لديك ماهو اكثر....وجهة نظر يابو عبدالرحمن وهذا لايلغي

جمال القصيده وحبكتها .....ولكنك طلبت النقد فطرحت وجهت نظري ...تحياتي لكــ

ابرك الحزات اللي نقرا قصيدك ونتذوقه يابوعبدالرحمن
هذي قصيدة الموسم عندنا يوم انها منك ياقاضينا
صح لسانك يابوعبدالرحمن على هالابداع والله يرزقنا بالحيا والامطار ويرزق البلاد والعباد
قصيده ولا اروع وبدون مجامله والله
اما الشطر الي ذكرته رايي من راي الاخوان كلهم

والاخت اصايل ذكرت في مقدمتها لقصيدتي انها من علم في الموقع وهالكلمه مكانها الصحيح في هذه الصفحه لأنك العلم الأبرز في شبكة عتيبة
واشكر ابومقعد والاخت اصايل على جهودهم المميزه في تنظيم هذه الحلقات وعساهم على القوة دائما

[color="red"][size="5"]حياك اخوي ذباح


منور [/size][/color]

[color="red"][size="5"]حياك البارع ...[/size][/color]

[color="red"][size="5"]حياك اخوي شيخ الشيوخ


كلامك صحيح ابن ثعلي من اعلام هذا المنتدى وماانتم بحاجة شهادتي *_*


منور [/size][/color]

بارك الله فيك ياشيخ الشيوخ ولاتقارن شعري بشعرك فشتان بينهما فشعرك ضارباً جذوره في العمق وموروث كابراعن كابروماقالته الأخت اصايل بحقك هو الصواب,واشكر لك مجاملتك لي
وتحياتي لك