السحر الحلال............................................
 

[poem=font="simplified arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=1 line=0 align=center use=sp num="0,black""]
عندي حنان(ن) لو يوزع على الناس = أغرق جميع الخلق وغطى الجزيره
ماهي الجزيره بس كل (ن) بها حاس = كني بوسط الكون مثل الأميره
وعندي لكل انسان قدر(ن) ومقياس = وامشي بحكم الله ولأمره اسيره
امشي على السنه وكاسيني اللبآس = واتبع طريق اللي امرنا بسيره
سحر(ن) حلال بطلتي وأوجع الراس = من شافني مره تحدد مصيره
يمشي يهوجس شارد الفكر منحاس = واخذ يفكر وينها ف اي ديره
انشد وتلقى العلم في مجلس الناس = حتى الملك فيني يشاور وزيره
ماجبت من عندي شهادة لجلاس =والزود واجد مير هاذي قطيره[/poem]

(اهداء خاص لاقاربي ..ومحارمي..واخوي الله يحفظه ولايوريني غلاه فديته)
ياشعراء ومتذوقين آرائكم تهمني.......

[size="6"]محجوز..
حجزناه للشيخ الله يحفظه للنقد..

ولكبار الشخصيات......

تكفى يافهيد خف علينا بالنقد ...شكلك ناوي على شي هههه[/size]

[center]حجز

ملكي

لأ السبك الفريد

ولي عوده بأذن الله

تحيتي[/center]

انشد تلقى العلم في مجلس الناس = حتى الملك فيني يشاور وزيره

أتوقع نسيتي ياحوريه حرف الواو
انشد وتلقى العلم


صح لسانك ياحورية على القصيده وبصراحه رائعه

دمتي كما انتي

[size="6"]فعلاً اخوي نسيت الواو احترامي لاعدمناك[/size]

[quote=حورية نجد;863227][size="6"]محجوز..
حجزناه للشيخ الله يحفظه للنقد..
تكفى يافهيد خف علينا بالنقد ...شكلك ناوي على شي هههه[/size][/quote]


الله يحفظه

لاماعليك مازلتي تحت الخطوط الحمراء ههههه

وابا اترك الفتوى فالنص لاهل الفتوى

وصح لسانك مدد

وننتظر المزيد من الابداع

[CENTER][COLOR=black][FONT=simplified arabic][B][COLOR=black][FONT=simplified arabic][B]امشي على السنه وكاسيني اللبآس .... [/B][/FONT][/COLOR][/B][B][COLOR=black][FONT=simplified arabic][B]واتبع طريق اللي امرنا بسيره[/B][/FONT][/COLOR][/B][/FONT][/COLOR][COLOR=black][FONT=simplified arabic]
[/FONT][/COLOR]
الله الله

تسجيل اعجاب وتقدير .. وصح لسانك حورية نجد

ابدعتي .. وننتظر جديدكـ :rose:[/CENTER]

[size="6"]شكر خاااااااااااااااااااااص لكل من حجز
وكل من مر من هنا................وانعشني بمروره[/size]
تحيااااااااااتي

[size="7"]الله لايحرمنا تواجدك...............اختي دمي عتيبي

لكي كل التقدير عيوني.......[/size]

صح لسانك أختي [color="red"]حورية نجد[/color]

وأبيات إستعجلتي فيها ..


ولكن صح لسانك وبإنتظار جديدك ..

وعندي كم سؤال لـ الفائدة فقط ..


[color="blue"]والزود واجد مير هاذي قطيره[/color]

[color="blue"]قطيرة [/color][color="red"]وش تقصد به الشاعرة ..؟[/color]


[color="blue"]ماهي الجزيره بس كل (ن) بها حاس[/color]

[color="red"]والصدر هذا ممكن تفسرينه لي ..؟[/color]



وبالتوفيق لك ..

[size="5"][color="purple"]صح لسانك حورية نجد يالبا قلبك

والله يحفظ لك ابوك واخوانك ومن تحبين

قصيدة والله كايفه وننتظر جديدك وتفسيرك لابن سعدي يهمني ايضا[/color][/size]

كل عام وانتي بخير ياحورية نجد انتي وجميع الاعضاء

ومشكورة على الحجز اول شي واعتذر عن التأخير

وقصيده لاتعليق عليها سوا انها رائعه
للامانه قصيده مكتملة الشروط والوزن والقافية ووضح لك استاذنا ناصر بأنك استعجلتي فيها وهذا واضح فعلاً
واعتقد بعد مرور اساتذتنا فهيد الرويس وناصر بن سعدي لاتعليق عندي
غير على كلمة ابو مقعد ( اترك الفتوى لاهل الفتوى )
واحب اقول لابومقعد ( اذا حضر الماء بطل العفور ) انت قامه شعريه يابومقعد

واخر تعليق ياحورية نجد : اذا حرصتي على تنقيح القصائد اكثر من مره تأكدي انها ستظهر بالمظهر اللي يرضيك انتي قبل غيرك

[color=black][font=simplified arabic][b][right]امشي على السنه وكاسيني اللبآس[/b][/font][/color][/right]
[color=black][font=simplified arabic][b][right]واتبع طريق اللي امرنا بسيره[/b][/font][/color][/right]
هذا هو بيت القصيد ياحورية نجد
صح لسانك
وبالتوفيق لك في قصائدك القادمة

واعتذر اذا كان في كلامي شيء غلط

[size="6"][size="5"]ههههه الله يحلل الحجاج عند ولد......ليتنا مخلين فهيد يرد....
بسم الله الذي لايضر مع اسمه شيء بالارض و بالسماء وهو السميع العليم...
(حضرة المدير العام ...منذ متى والشاعر يسأل عن معنى قصيدته!!!كيف يقولون المعنى في بطن الشاعر انا اقول المعنى في جوف الشاعر....
احس اني في محكمه..ههه تعليق وارجع للرد على المحاكمه
(تعليق لكل عتيبي للهيلا كافه يارجال نخيناكم حنا حريمكم ومعها تكفون مليون)وهيضني المدير العام العيون الساهر الشخصيه الشماليه وبجميع انحرافاتها...
والله نقد المدير علي مثل العسل فيه حده شوي ولكن لهدف راقي جداً وهذا مانطلبه..
احس والله اني في عتيبه للمره الثانيه من دخولي لهذا الصرح فديته وانا حاسه اني بين عتبان فعلا احب فيكم الغيره ...ياهلي
الغيره اللي ماتت في هذا الزمن وفي هذا الجيل وبأت تتلاشى شيئا فشيئا..واسبابها مايدعون انه تقدم وتطور والله عكس ذلك فهو تخلف ورجعيه!!!!
فتقليد الاعمى للغرب اللي هم كا الانعام بل هم اضل ...ماتت عندهم الغيره اكلت الخنازير
موجودين بالسعوديه خاصه..من العلمانيين اللي زوجته جنبه كاشفه او تكلم شخص آخر وهو (لفظ غير لائق ولكن منسب لمن هم هكذا كالخروف بجانبها لايحرك ساكن)معجبه الوضع اليس تطور!!!!
اذا الرجل مافيه غيره وخالي منها ليش عايش اذاً
( والله احس اني جوهره واشعر بأعتزاز اذا احد من رجالي اجبرني وقال تغطي )
الهمه ياعتيبه علينا والله انا نحتاج في هذا الزمن .. لهذه الغيره العالم من حولنا مخيف فحافظو علينا يارجالنا رساله لكل عتيبي..ولاتهون القبايل ولكن لمن احتوتهم مشاعري من يهمونني انا فقط لاني بنتهم وهم عزوتي فديتهم صغير وكبير والمدير العام يعطيني انذار عن كلمة (فديتهم) محرمه في هذا المنتدى!!!
هذه مقدمه اما الاجابه على اسألت الخ الكريم في الرد التالي...[/size][/size]

[size="6"]يمكن بعد الرد والقصيده هاذي نعتزل الشعر ونودعه ........
1/ الاستعجال...ما استعجلت عرضتها على شاعرين كبيرين اذا بغيت اسمائهم تآمر..
وقامو بتنقيحها..
2/ الزود واجد ....كل شاعر يمدح نفسه لو انه كاذب ههه ما علقتو على ..كل شاعر جذاب !!!!
التعليق علي انا ...واثنيتو عليه ..بس بطلب فزعات من العنصر النسائي ..
فأنا امدح نفسي ايضأً فيني صفات امدحها كثيره ...
3/ اقاربي في الكون ماهم في الجزيرره بس في السعوديه بالكويت وبعضهم بالخارج !!!!

وكل واحد ( متلقي )ونيته اذا ان تفسيره شرقبه اوغربه ...والله من وراء القصد




شكر خاص في الرد اللي بعده...[/size]

[size="7"]شكر خااااااااااااااااااااااااااااااااااااااااص ل
كل من مر.....
المدير العام اشرفني مروركم الكريم وحرصكم المتواصل .......
الشيخ الحمد لله على سلامة الاسفار ولاتعبت...


نسمة غلا لك الغلا كله على مرورك اللي حسسني بالراحه والامل..
( وماهمني هرج القفا منه ماقيل....وهموم دنيا كلها بايعتها)

(وتحياتي لنور عيني قبيلتي)
ماني بريه من قبيلة عتيبه انا لها شمس وظلال ونجوم............[/size]

حورية نجد
صراحه استغرب انك تقولين ([size=5][color=#000000]منذ متى والشاعر يسأل عن معنى قصيدته!!!كيف يقولون المعنى في بطن الشاعر انا اقول المعنى في جوف الشاعر....[/color][/size]



الشاعر ياحورية يسئل عن معنى أبياته وهذي تصير دائما في المجالس
كثير شعراء نقابلهم ونسئلهم عن معنى البيت الفلاني ويوضح لنا معناه
لان بعض الابيات تكون غير واضحه
المقصد من (المعنى في بطن الشاعر) في حال الخلاف بيني وبين شخص مثلاً على معنى البيت في هالحاله نقول المعنى في بطن الشاعر يعني المعنى الصحيح لهذا البيت ماهو عندي ولا عندك نلقاه عند الشاعر (هذا في حال الخلاف)


واذا كان كل بيت ياحورية معناه في بطن الشاعر وش استفدنا من الشعر اذا مافهمنا منه الحكمه والنصح والغزل والرثاء وغيره

والشاعر اللي بيزعل لايطرح قصائده للنقد
وبدري الاعتزال ياحورية انتي في خط البدايه

اتمنى لك التوفيق وانا اخوك

اما كلامك عن الغيره مافهمنا وش قصدك

اذا عندك اشكاليه معينه راسلي ادارة عتيبة وان شالله نحلها لك
والله يحييك عندك قبيلتك انتي وجميع اخوانك وخواتك

اول شي كل عام وانتي بخير وعيدك مبارك
ثاني شي والله شهادتي فيك مجروحه
انتي شاعره ذكيه جدا ً ومتمكنه اقول هالكلام من ابياتك الموجوده في المنتدى
واسمحي لي بالتعليق كما طلبتي

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عندي حنان(ن) لو يوزع على الناس = أغرق جميع الخلق وغطى الجزيره[/poem]

المطلع يثبت لنا قوة الشاعريه والتمكن ومعناه سهل وواضح وابداعي

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ماهي الجزيره بس كل (ن) بها حاس = كني بوسط الكون مثل الأميره[/poem]

صدر البيت هذا حسب مافهمت من ردك تقصدين اقاربك لكن العجز خطير للغاية وانتي أميره

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وعندي لكل انسان قدر(ن) ومقياس = وامشي بحكم الله ولأمره اسيره
امشي على السنه وكاسيني اللبآس = واتبع طريق اللي امرنا بسيره[/poem]

البيتين هذي قمه قمه قمه في الروعه لو ان الثاني اقوى من ناحية التركيبه الشعريه والسبكه الصحيحه
ملاحظتي على اسيره و بسيره لأن لها نفس القاف من وجهة نظري انا الشخصيه ما ادري عن بقية الشعراء وانتي أدرى مني

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سحر(ن) حلال بطلتي وأوجع الراس = من شافني مره تحدد مصيره[/poem]

وجع الراس مذموم وليس محمود لكن انتي بهالبيت حمّدتيه وهذا اعتبره ذكاء منك وابداع
وحنا ما شفناك لكن بصراحه قصيدتك هذي تزرع الابداع امامنا وتجعلنا نحدد القصيد اللذي يستحق القرائه وانتي قصائدك تستحق المتابعه .

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يمشي يهوجس شارد الفكر منحاس = واخذ يفكر وينها ف اي ديره[/poem]

هذا لحاله معناه وتركيبه وحبكه :)

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
انشد وتلقى العلم في مجلس الناس = حتى الملك فيني يشاور وزيره[/poem]

منتي سهله

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ماجبت من عندي شهادة لجلاس =والزود واجد مير هاذي قطيره[/poem]

اتوقع انك تقصدين قطره والمعنى العام بأن ما ذكرتيه داخل الابيات يعد قطره من بحر
لكن كلمة قطيره تختلف تماما في المعنى لكن تصير ويحق للشاعر ما لايحق لغيره وماعليك من ناصر مشغله الله في المنتدى :)

صح لسانك على كل حرف كتبتيه في هذه الدره
انتي شاعره وياجبل ما يهزك ريح
وباب الانتقاد ما يخلف للود قضيه وانتي طلبتي هالشي وتحملي وجهاة النظر المختلفه
وتذكري شي واحد ومهم وهو ( ارضاء الناس غاية لا تدرك )
وللاماااااااااااااااااام

[size="6"]جابها......المعتصم.....

بالنسبه للفرق بين..
1/ امشي بحكم الله ولامره اسيره....اقصد الاسر .. وهو القيد..والانصياع لحكم الله وكفى


2/ اتبع طريق اللي امرنا بسيره ...اي نتبع طريق وتطبيق سيرة السنه النبويه..


وتسلم ياعتيبي ......انقذتني منهم ...وفي قصيده ثانيه ممنوع النقد وهذاك الوعد[/size]

^
ما انقذتك من احد فنك الشعري هو اللي انقذك
انا ماعندي اي ملاحظات واشوف ان القصيده واضحه ومكتملة الشروط الشعريه وزن وقاف و( معنى ) وعليها الفن الموسيقي الشعري واضح داخل سلاسة الابيات ...
يا حورية أكثر الشعراء يجهل الشعر النسائي او ينظر له بعين النقصان واهذا أكبر خطأ ولا يحق لأحد مثل كذا التعليق وانصحك ما يكون تهجمهم حاجز امامك ...
مع احترامي للجميع ..
انا في المره الأولى كانت مشكلتي في القرائه ما ركزت النظر في اسيره وشفتها انها صفه وهي الاسر
لكن الآن بعد ما فهمت شفت ان البيت فعلا ً اقوى بكثير مما كنت اتصور
وارجع اقول لك ايضا الاسر مذموم لكن انتي وضعتي نفسك اسيرة لشي جدا ً محمود وقلبتي الصوه والمعنى واصبحتي أكثر ابداعا مما كنت اتصور ..
لله درك وبالتوفيق

صح لسانك يا [color="red"]حورية نجد[/color] ..

وكلامك عريض طويل ودخلنا في متاهات . ولكن دام الشاعر طلب النقد من حق اي شاعر يسأل عن الشي اللي ماهو مفهوم ..

ودام تبحثين عن المدح يكفي [color="red"]مواطن عتيبي[/color] ..بس لعلمك ولعلم أي شاعر المدح هو دمار كل شاعر .. والمعلومة الثانية أكبر شاعر مايستغني عن النقد ..

ولو مافتحتي باب النقد كان جتك الأسئلة عن طرق الخاص ..

وزبدة الكلام قصيدتك مستواها متوسط وأتمنى القادم يكون أجمل ..ولايغرك المدح والإستعجال واضح فالتركيب ..

وبالتوفيق لك ..

^
^
معك حق يا ابو تراحيب وانا ما مدحت من الباب للطاقه انا قريت نص يستحق الاشاده واعتبر كلامي كله اللي قلته عنه ذمه وان شاء الله ما كنت مخطي واولا واخيرا هذي وجهة نظري قد تكون مختلفه مع كثير من الشعراء وانت اولهم .

واتفق معك ان تطير الشاعر هو اللي يضيعه لكن ما اشوف فيها شي ان قلت الحق وشاعرة نجد فعلا ً شاعره متميزه وشاعره حقيقه ارجع بقية نصوصها وتشوف كلامي على حق ..

تقديري ومحبتي للجميع
واتمنى ما اكون زودتها

[size="6"]اطلب الردود .....ياعتيبه ماهو النقد ..الحريم دايم يخيبوني
ردين فقط من العنصر النسائي .....!!!!!
يمكن مافيه الا اهل الكويت بيردون....[/size]

نكتفي بهذا القدر

والقصيده تحمل جماليات لاشك فيها وهذا كلامنا من البدايه

والله يوفقك الشاعره وننتظر الابداع القادم


صح لسانك ياحورية نجد ونقدنا بناء وانا اخوك فهو يصب في المصلحه
شكراً

واحب اقول لمواطن عتيبي

قطيره لاتختلف عن قطره

قطيره تصغير قطره


لغوياً صحيحه يامواطن عتيبي

[quote=شيخـ الشيوخ;864380]كل عام وانتي بخير ياحورية نجد انتي وجميع الاعضاء

ومشكورة على الحجز اول شي واعتذر عن التأخير

وقصيده لاتعليق عليها سوا انها رائعه
للامانه قصيده مكتملة الشروط والوزن والقافية ووضح لك استاذنا ناصر بأنك استعجلتي فيها وهذا واضح فعلاً
واعتقد بعد مرور اساتذتنا فهيد الرويس وناصر بن سعدي لاتعليق عندي
غير على كلمة ابو مقعد ( اترك الفتوى لاهل الفتوى )
واحب اقول لابومقعد ( اذا حضر الماء بطل العفور ) انت قامه شعريه يابومقعد

واخر تعليق ياحورية نجد : اذا حرصتي على تنقيح القصائد اكثر من مره تأكدي انها ستظهر بالمظهر اللي يرضيك انتي قبل غيرك

[color=black][font=simplified arabic][b][right]امشي على السنه وكاسيني اللبآس[/b][/font][/color][/right]
[color=black][font=simplified arabic][b][right]واتبع طريق اللي امرنا بسيره[/b][/font][/color][/right]
هذا هو بيت القصيد ياحورية نجد
صح لسانك
وبالتوفيق لك في قصائدك القادمة

واعتذر اذا كان في كلامي شيء غلط[/quote]

[center]حياك الله ياشيخ الشيوخ

انت وتعليقك

وانا قلت ماقلته بعد تاكدي من ان النص يستحق ان يبقى هنا

واما وضعه تحت المجهر وتقييم مستواه لن تتفق فيه وجهات النظر ووجود بعض المأ

خذ لايفقد المبتدي في الشعر شاعريته لانه مع الوقت يكتشفها بنفسه

لعل الرؤيا اتضحت ياشيخ الشيوخ

ملاحظه

مابين القوسين يحتمل على الدلاله لااكثر من معنى

تحيتي وتقديري[/center]

كل عام وانت بخير يابو مقعد وعسا عيدك مبارك انت وجميع اخواني الاعضاء

وانا إلى الحين اقول ( اذا حضر الماء بطل التيمم )

واقصد اذا حضرت انت يصير مالنا دور ولا نقدنا له دور فأنت قامه شعريه
هذا قصدي يابومقعد
وتعرف نظرتي فيك

^
^
يقصدني انا
و ابو مقعد شاعر والمعنى بجوف الشاعر
محبتي لك يا ابو مقعد قبل تحيتي وكل عام وانت بخير
ووجودك وكلامك وتعقيبك على القصيده يثبت انها قصيده قديره وتستحق الاشاده
والقطيره والقطرات كلها واحده ياشيخ الشيوخ وما يكون خاطرك الا طيب
اهم شي لا تحولون الانتقاد علي انا مجرد مبدي وجهة نظر واعجاب با أبيات حقيقه :)
ياجماعه لحد يزعل والله اني احبكم كل ابوكم محبتي للكل

[size="6"]الحمدلله فعلاً....مبسوطه جداًجداً...ماهي اول مره ولكن سبق وتكرر الموقف في منتدى آخر...
ولكن قصيده اخرى ..فهذا دليل واضح جدا انني في الطريق الصحيح ياعتيبه..فنقدكم وتوجيهاتكم
ووجهات النظربينكم والاختلافات اللي حصلت ..من كبار الشخصيات والشعار دليل واضح اني وصلت.....ولا جمع الله الرجال اللي تفرقهم مره!!


وسبحان الله طبيعة النفس البشريه تحب المدح سواء كان طفل كبير صغير....
وانا من امس ما اناظر الا نقد مواطن فقط هههه

واذا سمحولي عيال عمي اللي فيهم غيره المشاركه بشاعر المليون هالسنه..
وقدها بعد اختلافاتكم بأخذها وانا بنت عتيبه....(مهيب اطيب مني عيده)


تحياتي الخاصه لقبيلتي...[/size]

الشاعره حورية نجد

صح لسااانك


وعلى شانك


تحيتي

حورية نجد


صح لسانك على القصيدة الجميلة


لا هنتي


.

[quote=شيخـ الشيوخ;865368]كل عام وانت بخير يابو مقعد وعسا عيدك مبارك انت وجميع اخواني الاعضاء

وانا إلى الحين اقول ( اذا حضر الماء بطل التيمم )

واقصد اذا حضرت انت يصير مالنا دور ولا نقدنا له دور فأنت قامه شعريه
هذا قصدي يابومقعد
وتعرف نظرتي فيك[/quote]

[center]شهادتك

وسام لاعدمتك

ياشيخ الشيوخ

وانا ماقصد مقولتك الي بين قوسين انا اقصد مقولتي (الفتوى والمفتين) في احتوائها على اكثر من معنى اما كلامك واضح ولاغبار عليه

واشكرك مره ثانيه على طيب الشعور واعجابك محل التقدير لاهنت[/center]

[size="6"]حضرة المدير لا بارك الله في القصيده ....هاذي...
الحق مانبي لا نقد ولا رد ...
داحس والغبراء هنا ...نزلهم للميدان..[/size]
اول قصيده تطلع بهذا الشكل ...فيه زوار واعضاء جدد بالله حد..من هذا الخلاف
الحق ياشيخ ناصر

صح لسانج حوريه
يمكن دخول متأخر لكن لابد مانمر عليه
نص رائع أعجبني بصراحه
دمتي على الخير دائما ..