وأحضن شفا روحي وأحبب أخـديــده (من الصين)
 

هذه الأبيات سويتها في الصين بعد ماأشتقت لولدي الصغير (نايف)

*****

[poem=font="Simplified Arabic,5,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=0 line=0 align=center use=sp num="0,black"]
بســـم الذي يعـلـم ســــراير عبيـــــــــــده= عـــلام مكنـــــون الصــــــدور وخفـاهـــا
يعــلم خفـــا ماصـــار والـــرزق بيــــــــــده= الواحــــد المـعـبـــود رافـــع ســـماهـــا
بأسـمه بديت أكتب بيـوت القـصيـــــده= وأســــطر قوافيـــــها وأزيــن أبــنــاهـــــا
وأبــدع أحروف القيـل وأسطر جديـده= وأكتـب من الأشـــعار بآخـــر دجــاهــا
وأرســــل مع النسـمات وأيضـــا بريــــده= مالاج بالخـاطـــر ونفســــــي بــــــراهـــا
باح الضــمير وذاب حامــي حــديـــــده= وذابــت معـاليــقي وقلـبــي قـفــــاهـــــا
من واهـــــجٍ زادت بكــبــدي وقــيــــده= زادت لهب نـــاره تزايــــد ســـــنــاهـــا
بأســـباب من قلـــبي تفــطّـر يـــــريـــــده= وعيــنـي قـطـر ماهــا ونفسي شـواهـــــا
اليــا تذكـــرتــه ينـــــادي عضـــيــــــــــده= هلت دموع العين وأمطــــر ســـــماهــا
وأرتجت الأضــلاع لوهـي جــويـــــــده= خطـرن عليـهـا تنحـطب من خــلاهــــا
طفلن يشـــوق القــلب ،داره أبعيــــــده= طفلن ملك روحي وشــوفــه أمنــاهــــا
أردد أســــمه كل ليــلـــــه وأعيـــــــــــده= وأدلـــه الخاطـــر بتــــــالــي مســــاهـــــا
نايف عســى عمــره أســـنيـن عـديـــــده= يالله بشــوفـه قبـل يطلــع ضــــــيــاهــــا
وأحضن شفا روحي وأحبب أخـديــده= وأطفي لهب روحي وأبـــرّد ضـماهــــا
ونواف جعــل أيــــام عمـــــره مـديــــده= وأفــرح بشـوفـه في معـالــي ربـــــاهــــا
وأرجي عسى ربـي ابفضــله يــزيـــــــده= ونفسي عسى ربــي ايحــقـق رجـــاهـــا
وأذكر أثنيـــنٍ بالطبــــوع الحـميــــــــده= أهــل المعالــي ســـدد الله اخـطـاهـــا
والحر الأشـقـر جعل دربــــه ســـــديــده= يــم الخضــيراء نظــرتـه من وراهــــــــا
وصـــلاة ربي عد مــاأخضــر جـــريـــــده= واعداد من داس الوعور واوطـــاهــــا
علــى نبــي كــــــرّم الله حـفـــيــــــــــــده= محمــــد المختــــار وأطــهــر زكــاهـــــا

أبو طلال
الصين الشعبيه[/poem]

صح لسانك مليوووووووووون علي القصيده الرووووعه والله يخليه لك ويحفظه




الف شكر

مشاركه
 

الاخ ولد غابي تسلم على القصيده المعبره والله يحفظلك نايف ويباركلك فيه ويردك عليه بالسلامه .

صح لسانك يابو طلال


الله يخليه لك ويصلحه

الله يحفظه لك من كل شر وسوء وإن شاالله تفرح بشوفته وشوفة عياله

مشكور على القصيده الحلوه ياولد غابي

شكرا للجميع
 

أخواني الأعزاء والأخوات العزيزات

أشكر لكم لطف مشاعركم ،، والله يصلح لكم ماعطاكم

ولكم تقديري الحار

مع تحياتي لكم من أرض الصين

يالله حيه000من طول الغيبات جاب الغنايم

طفلن يشوق القلب داره ابعيده000طفلن ملك روحي وشوفه مناها

ابو طلال وشلون جو الصين 00

بعدين سمعنا ان كل خمسه متحاشرين لهم على جهاز زين اللي حصلتلك واحد هههههههههه

ترجع بالسلامه ان شاء الله لنايف واخوانه

مع تحياتي الجنوب غرب اسيويه

شكرا
 

حياك الله يالردعي

علومكم زينه بالسعوديه،، مبروك الزيادات

بالنسبة للصين جوها أمطار ،، رشاريش ليل ونهار،، جو ما عندك أحسن منه

وأجهزتهم مااحتجنالها ،، لاني جايب معي جهازي المحمول وأشتغل عليه من مكتبي هنا،،

كان ودك تسير ،، الله محييك ،، والله ماغير ناكل من هالتويسات اللي مثل الضبا ،، شي شوي وشي قصدير،، أسكت ساكت بس،، جينا وروعنا الصينيين ،، قمنا نلدح بالخمس وهم بالعويدات ينقرون مثل الطيور
هههههههههههههههههه

مع تحياتي لكم وان شاء الله راجعين عن قريب

رائعه ياولد غابي واروع منها ضربكم بالخمس والصنيين ينقرون بالعويدات
تحياتي

شكرا
 

شكرا يابن ثعلي،، وصح بدنك

أجل أعجبتك النكت على الصينيين

سبحان الله العظيم ،، ربي معطيهم من كل الخيرات،، والأسلام والله منتشر عندهم بكثره،، بس لو رابطة العالم الأسلامي تجيهم وتنورهم شوي كان لاتقول بس..

عموما تقبل تحياتي

[align=center]ياسلام
ياسلام ياسلام
ياسلام ياسلام ياسلام
ياسلام ياسلام يسلام ياسلام
ياسلام ياسلام ياسلام
ياسلام ياسلام
ياسلام


ولد غابي


صح لسانك


ابدعت فتميزت[/align]

صح لسانك ياولد غابي


والله يحفظ لك نايف ويصلحه ويردك له بالسلامه



تحياتي

ولد غابي احيك على القصيدة المشرفة لابنك نايف يعطيك الله الصحة وراحة البال لك ولاهلك الموقرين


بنت الهيلا

ولاتنسى تسلملي على ولدك نايف

شكرا للجميع
 

الأخ جراح ،، والأخ الغريب شكرا لكم على المرور والثناء

الأخت بنت الهيلا ،، شكرا على كلماتك العطره ولكِ خالص تحياتي

وسلامك إن شاء الله أوصله لنيوفي وأسم الدلع الثاني(ببي) بس أوصله السلام بالهاتف الآن وبعد ماأرجع بأذن الله اوصل سلامك له حاضر بحاضر ،،،،،،،

لكم جميعا أزكي تحيه وأحترام