محاوره ناريه بين حبيب العازمي ومستور العصيمي...
 

[color=#990033]السلام عليكم ....

اليوم جايبه لكم محاوه رووووووووعه بين الشبح ..حبيب العازمي
والشاعر ..مستور العصيمي


اتمنى تعجبكم




حبيب العازمي:




ابن تركي يباله قاف مثل النار والبنزيـن
حريقه في حريقه والمطافـي ماتطفيهـا



على شان العلوم اللي نبى تفسيرها بعدين
يخربها ولد جـاره ولا يقـدر يسويهـا






مستور العصيمي:




ليا شبيتها نرميك فيها ياغـراب البيـن
علاك اتشبها وأنا علـي اكفتـك فيهـا



والا يالعازمي ماني بزايد فوق دينك دين
أخذ عبر التجارب فاول الدنيا وتاليهـا






حبيب العازمي:-




أنا ماني غراب البين أنا خلالً يخل العين
وأنا وشلون احول وسطها وأنت متوقيها



ثمان سنين زايدها ثمان سنين كم سنيـن
نعشي الأرنب السوداء وتفتلنـا باذانيهـا







مستور العصيمي:




بناناها على طول الليالي مثل صور الصين
تراكم صيدة ً فالوقت نطبخهـا ونشويهـا



ولا يارعي الحجه نبى برهانهـا ذالحيـن
ولا تغدي علينـا بيـن كاتبهـا وقاريهـا








حبيب العازمي:-




حديتونا على علـم الـردى ياربعنـا الغاليـن
رديه والرديـه راجعهـا فـي حـظ راعيهـا



يموت الحظرمي والحبحبه حمراء على السكين
ولا يقـدر يقطعـهـا ولا يـقـدر يخليـهـا







مستور العصيمي:-




عسى الله ينصر الأسلام ويقوم عمود الدين
ويكتب لك ثوابك فالصلاه اللـي تصليهـا



ابوي امحارب الكفار في غزوة بدر وحنين
وأبوك اللي مغار يسند الديـره وينحيهـا







حبيب العازمي:-




يقولون الرجال الضعف دائم حيلة المسكين
وحنا أهل المـروه والضعافـه ماندنيهـا



ابوك الله يغفر له قضاها مع رعاة الضين
ويزعل لو يشوفك فالغنم سـارح مفليهـا






مستور العصيمي:-




يقولون الرجال العز ضرب السيف ابوحدين
وابا اذكرك في بعض اللحون اللي تغنيهـا



أنا دوبي عرفتك ياحبيب بعـد عـام الفيـن
واعاين في وجيه الناس واجرحها واداويها






حبيب العازمي:-




ترى اللي يدفع الدرمه على وقت الشريف حسين
عـلاه ملاحظـه عنـد الزكـاه اللـي يزكيهـا



ليـا منـا تمادانـا تـرانـا كلـنـا مخطـيـن
وأنا جيتـك مصيبـه والمصيبـه ويـن تغديهـا [/color]

وسلامتكم

تسلم ياخوي

على حسن الاختيار

وصحة السنت شعارها

تقبل تخيتي و تقديري

مشكوررررررر فهيد على المرور

لكن ياخوي انا بنت شوف تحت اسمي مكتوب مشرفه..

فعلاً محاوره ناريه


شكراً ستار مون


تحياتي

مشكوررر ذيب على المرور

بارك الله بك , شكراً أخي الكريم

مشكوررررررررر ابو ساره

لكن اخوي انا بنت

[color=#000000][size=4]مشكــوره أختي ,,


[color=#FF0000]ستارمون ..[/color]

ومحاوره قمه بين عمالقة شعــر ..


ودمتي بخيـــر ..[/size][/color]

والله اني احسبنك ولد


بس اشو عرفتك اليوم هههههههه


عموماً مشكوره وفعلاً محاورة ناريه


من العيار الثقيل وهذي هي المحاورة اللي على اصولها


تشكراتي

هلااا فيك بن سعدي


شرفني مرورك

هلااااااااااا ظافر

مشكورر على المرور.......

[color=#0000FF][size=4][align=left]ستارموون

يعطيك الف عافيه اخوي<<<تسوي ماتعرف بنت ولا ولدخخخخ


تسلمييين بنت عمووووو محاوره رائعه


دمتي بود[/align][/size][/color]

مشكوره الريم اللعوب

الحمدلله انك عرفتي اني بنت

تصدقين تعبت وانا اكتب انا بنت مو ولد

بس شكلك زيي تحبين المحاورات اول مره بنت تعلق على محاوره