,’,’,’خسارةٍ فيـــك الشــنب والعمــامه ,’,’,’
 

[B][align=center][color=#800080]السلام عليكم ورحمة الله وبركاته ..

أحد قصائدي ترجو مروركم الكريم ...

( بناءً على ماسمعته من صديقتي ووقاحة زوجها كتبت هذه القصيده )

استلـــــــــــــموا

[poem=font="Simplified Arabic,4,black,bold,normal" bkcolor="transparent" bkimage="../backgrounds/13.gif" border="ridge,4,purple" type=2 line=0 align=center use=ex num="0,black"]
لو ينبت براسك نخل والله ماآجيك =انا عزيزة نفس وعندي كرامه
اذلف عسى الله لايردك ويبليك =بلوى كبيره ماوراها سلامه
كل الخطا اللي صار من تحت اياديك =خسارةٍ فيك الشنب والعمامه
عزالله ان اللاش واحد يساويك=ياواحدٍ فيك البخل والرخامه
جعل العمى ياخاين العهد يعميك =وتقضي حياتك دايمٍ في ندامه
ماتستحق اللي يحبك ويغليك =ولاتستحق اللي غمرك بغرامه
آخر دعاي الله من العقل ينسيك =وتعيش في دنياك دون ابتسامه
هذا غضب مظلومةٍ من تعاليك =راحت ضحية للجهل والزعامه[/poem]

ملاحظه / أهديها لكل زوجه مظلومة من زوجها ..

[COLOR="Red"]معلومه بسيطه [/COLOR]

في أحد المنتديات المجاوره ...شاركت بهالقصيده ..

ورد عليها أحد الشعراء وقال يامحامية صديقتج...

اعتبري احنا امام القاضي الآن ....

وقام بكتابة هالأبيات وكأن الطرف الآخر هو اللي قايلها ..

[poem=font="Simplified Arabic,4,black,bold,normal" bkcolor="transparent" bkimage="../backgrounds/13.gif" border="ridge,4,black" type=2 line=0 align=center use=ex num="0,black"]
غلطان انا يومي خطبتك من اهليك =احسبك ورده او غزال وحمامه
واثرك كما العقرب خطيره محاريك=ياسرع لسعاتك بصحو ومنامه
انكرتي العشره ومن كان يغليك =والخاتمه اتهم واشيل الملامه[/poem]

قال يالله يامحامية وش راح تقولين للقاضي ..

( عاد انا أخذتني العزة وقلت والله لاأرد عليه ) <<=== مصدقه عمري محاميه

وقلت هالأبيات

[poem=font="Simplified Arabic,4,black,bold,normal" bkcolor="transparent" bkimage="../backgrounds/13.gif" border="groove,4,black" type=2 line=0 align=center use=ex num="0,black"]
والله ماحدن ضاربك فوق اياديك=يامخطيٍ في حق زرقا اليمامه
انته تدور لك مره تعتني فيك=وانا بغيتك شخص فيه استقامه
اثرك ثعل تلوي ( بذيلك ) تبي ذيك=طلعت شخصٍ مختلف في كلامه[/poem]

قال الشاعر

هالحين يبي يرد عليك القاضي:

[poem=font="Simplified Arabic,4,black,bold,normal" bkcolor="transparent" bkimage="../backgrounds/13.gif" border="inset,4,black" type=2 line=0 align=center use=ex num="0,black"]
هاذيك تحضر لاجل تسمع دعاويك= يمكن بريئه والبلى بالنمامه[/poem]

حضرت المذكوره وقالت :

[poem=font="Simplified Arabic,4,black,bold,normal" bkcolor="transparent" bkimage="../backgrounds/13.gif" border="groove,4,black" type=2 line=0 align=center use=ex num="0,black"]
ياشيخ هذي واهمه كيف تغويك= واللي تقوله غيرةٍ لا شهامه
رجله شكى لي كان هالأمر يعنيك= مراته نكد في الصحو والا المنامه
وكلمتها للصلح ياجعلي افديك = ولا لي نظر في زوج مرخي حزامه
ولوني رجل ياشيخ ماظني اخفيك= انحاش عنها قبل ليل العتامه[/poem]

ويرد الشيخ

[poem=font="Simplified Arabic,4,black,bold,normal" bkcolor="transparent" bkimage="../backgrounds/13.gif" border="ridge,4,black" type=2 line=0 align=center use=ex num="0,black"]
الشيخ قرر بعد كشف الدهاويك= الرجل ومراته يودوا المنامه
ومنها على امريكا بلا اي تشكيك= في بعثةٍ تجلي ليالي الظلامه[/poem]

انا رديت عليه

يالشيخ شف قبل لاتحكم ..

[poem=font="Simplified Arabic,4,black,bold,normal" bkcolor="transparent" bkimage="../backgrounds/13.gif" border="ridge,4,black" type=2 line=0 align=center use=ex num="0,black"]
اصبر عسى ربي يعينك ويهديك=ارفق قبل تعرف حلال وحرامه
صديقتي الثانيه بعد هاذيك =لكن الأولى كان فيها هيامه[/poem]

رد من صديقتي وفيها الختاميه ( بناء على وجود ادله عند المحاميه احم احم )

[poem=font="Simplified Arabic,4,black,bold,normal" bkcolor="transparent" bkimage="../backgrounds/13.gif" border="ridge,4,black" type=2 line=0 align=center use=ex num="0,black"]
في ذمتي مخدوعةٍ من معاليك =خذيتني قهر وعناد وغشامه
لو كان عندي علم والله ماالفيك =تهينني واقول انا وش علامه
بالله ماتدري بظلمي وش يجيك=عذاب من ربي يزيدك ندامه
يالله عسى ربي بدنياك يشقيك =مطلقة صارت حياتي هدامه[/poem]

وسلاااااامتــكم ...

واتمنى انها تحوووز على رضاكم جميعكم ..

والسموحه من الله ثم منكم ^_^ ..

[color=#FF0000]ملحوظه / [/color]

[COLOR="Green"]( الحمد لله تزوجت المدعّوه صديقتي قبل

ثلاثة اشهر من هذه السنه الحالية 1428هـ :) وعوّضها الله خيرا

منه) [/COLOR]

تحيتي لكم ....مشاعر حالمه[/color][/align][/B]

صح لسانك

وعلي شانك


وتقبلي تقديري

صح السانك يامشاعر حالمه ولاهنتي
تحياتي لك

[color=#000000]مشاعر حالمه.
.
صح لسانك .
.
دمــتي بـخير.
.
تقبــــلي مــروري.
.[/color]

صح لسانك يامشاعر حالمه ولا هنتي

[align=center]رائعه رائعه يامشاعر حالمه صح لسااااانك[/align]

[color=#FF0000][frame="2 80"]مشااااااااعر حالمه
صح لسااااانج مليووووووووون

قصيده رائئئئئئئعه واكثر من رائعه

بردتي جببببببدي فيه

الصراحه بسمعها وحده .. نفس صاحبتج ^_^

وصح لسااانج يالمحاميه<<<تبيج بالفززززعاات[/frame][/color]

[size=5]صح لسانك ياشاعرتنا


مشاعر حالمه


انا اشهد ان ابوتس جاب مرة


وتفزعين بالشعر لبى قلبك ومعاليق فؤادك


تقبلي ودي وتحيتي اختي [/size]

[align=center][size=5][color=#00008B]مشاعر حالمه





صح السانك






والسان الطرف الآخر[/color][/size][/align]





[align=center][size=6][color=#8B0000]
رعــــــــــــــــــــــ الهموم ـــــــــــــــــــــــــــــــد[/color][/size][/align]

صح الله لسان
عز الله انك ابدعتي محظوظه صديقتك فيك :)
لله درك لا هنتي

مشاعر حالمه


قصيده تحولة الى شبه قصه واقعيه ترجمتها الردود الجميله من الطرفين


ولا كن استغرب لا وجود للعذر بين السطور المكتوبه

هل طفح الكيل الى هذه الدرجه هههههههههههه


عيب الرجل بخله


صح لسانك ولسان كل من رد عليك يالمحاميه مشاعر لا هنتي




تقديري

[align=center][color=#008080]مشاعرصح الله لسانك


قصيده اكثرمن رائعه

تقبلي مروري[/color][/align]

[color=#330000][size=3]ياسلاااااااااااااااااام يامحامية المراءه .. عزالله انك محاميه مظبوطه :D

أنتي مفروض يعينونك .. في منظمة حقوق الآنسان :p

صح الساااااااااااانك الى ماله نهاااايه .. كفيتي ووفيتي عنها .. ^ ^[/size][/color]

مش[align=center]اعر حالمه

صح لسانك

تحيتي[/align]

ابن مسلم

ابن ثعلي

الدعجاني 99

ذيب الينوفي

فراس المطيري

الجازي

نسمة غلا

رعد الهموم

نعومي

قلم توضيح

الدلبحي نادر

عبدالله المرشدي

":

:"

":

:"

تسلمووووووووووون والله والف الف لااااااااهنتم على المرور

:)

ملاحظه لقلم توضيح

(( العذر اكيد تقصد من طرف الشاعر وش عاد يتعذّر دام انا قلت الحق كله وماورا الحق أي كلام ))

:)

لاااااااااااااهنت

والعذر والسموحه والله كان ودي ارد لكل واحد رد خاص لكن في المرات الجايه ابشروا

^__^

تحيتي لكم ..مشاعر حالمه

[align=center][color=#000000][align=center][font=Simplified Arabic]مشاعر حالمه

رااائعه يالغلا

دمتي بود[/font][/align][/color][/align]

[color=#660066]بلسم الجروح

الله يسلمج فديتج :)

لاهنتي ياغلاي

تحيتي لج / مشاعر حالمه[/color]