وش رايك بزواج الأجانب من السعوديات ..؟؟
 

[color=#000000][frame="7 80"]
اخواني وبني عمي

صبحكم بالخير جميع

مابي اتكلف ولا اطول بالكلام

يمكن يكون الموضوع قديم او انطرح قبلي بس ضروري

ابي ارأيكم بزواج الاجانب العرب من السعوديات العوانس بدايه من سن 25 سنه

وهل هو هذا الحل للقضاءعلى العنوسه برأيكم مع العلم بأن العانس كانت تعتبر عانس من سن الـ30 والحين صار تنزيلات على السن وصار من 25سنه يبداء


؟؟؟؟؟؟؟؟؟[/frame]

تحياتي[/color]

[size=6][color=#000000]رائيي انا الشخصي000





والله لو تقعد عندي مئة سنة ولا ازوجها اجنبي00







تحياتي0000[/color][/size]

يااشقر السيف هذا عائد للفتاة فاذا كان هناك تكافؤ في النسب فلا باس كأن تكون بنت قبيليه ولقبيلتها امتداد في دولة اخرى او ان يكونوا كلهم غير قبليين او ماشابه ذلك
تحياتي

والله ما ودي افتي بالموضوع
لكن بغيت ازيدك ان لي بعض الزملاء اجروا دراسة غير [size=4]معلنة[/size] على فتيات جدة في استفتاء بتاريخ 21/6/1426 هـ
كانت واحدة من نتائجها انه سن العنوسة قد يصل خلال العشر سنوات القادمة الى [size=4]22[/size] سنه

كلاشنكوف اشكرك على مرورك ورأيك تحياتي

ابن ثعلي حياك يامديرنا الغالي اذا كانوا من نفس القبيله اوكي ولدعمها لكن ماهي من جده ولا من بده هنا اقولك حتى لو ماهي قبيليه تبقا ( سعـــــــــووووديـــــــــــه ) بالاخير

ابن بجاد والله كلامك خطير يوجع القلب والله انها مصيبه

وش الحل برايكم السبب الرئيس هو تعطيل الزواج من البنت او من ولي امرها بسبب الماده الله لايجزاهم خير

والنتايج صرنا مصخره الاردني الاسبوع اللي طاف يزمر علي يوم اعطيته نظرات التعجب يقول شو مش عاجبك

[QUOTE=كلاشنكوف;295836][size=6][color=#000000]رائيي انا الشخصي000

والله لو تقعد عندي مئة سنة ولا ازوجها اجنبي00

تحياتي0000[/color][/size][/QUOTE]

[align=center][U][size=6][color=#00008B]ابك ليش يالاجودي , هي قطعة اثاث عندك , الله لا يولينا الوالي المسرف . اذا كان رجال مسلم من حمولتن طيبة وش المشكله . اعتقها خلها ترزق الله يالسوفيتي . هههههه ( لاتزعل علينا يا كلاش )

الاخ / اشقر السيف لاهنت على الموضوع , هذا رأيي ودمت[/color][/size][/U][/align]

حياك يالمرجع

بس والله ضلم ليه قلوا الرجال تاخذ واحد مافيه من طبايعها شي ليه

باتسر تجيب منه عيال خوالهم سعوديين يفشلون خوالهم

هنا يارجال بالسعوديه ياكثر اللي ينغشون بنسيبهم وهم يقدرون يسألون عنه

اجل الاجنبي وشلون

تحياتي

[align=center]وش رايك بزواج الاجانب من السعوديات ..؟؟
[color=#660066]
؟؟ لا تعلــيق ؟؟


واما بالنسبه للعوانس . والعنوسه بشكل عام

لو كان هناك وظائف للشباب وعنده المقدره على تكاليف العرس ,

كان ما شفنااا عوانس , بس للاسف اكثر الشباب عاطل

انا اتكلم بالنسبه عن الوضع الي اسمعه من الشباب السعودي لاني اعرف شباب اعمارهم فوق 30 كثير مو متزوجين


فــــ الحل :

1_ وظائف 2_ صرف علاوات للمتزوجين 3_ صرف علاوات بدل ايجار



وهذا راأأأيي ,



تحياتي[/align][/color]

[QUOTE=كلاشنكوف;295836][size=6][color=#000000]رائيي انا الشخصي000





والله لو تقعد عندي مئة سنة ولا ازوجها اجنبي00







تحياتي0000[/color][/size][/QUOTE]

[size=6][color=#3366FF]هذا من السباب العنوسة

وذنب البنت الذي مثل هذا أبوها

تحياتي

للجميع


الساحر[/size][/color]

[align=center][quote]ابي ارأيكم بزواج الاجانب العرب من السعوديات العوانس بدايه من سن 25 سنه [/quote]

[color=#000000][CENTER][size=6][font=DecoType Naskh Swashes]
حرام عليك سن 25 سنه ماتعتبر عانس

عني انا ارفض الزواج بأي عربي مهما كان

واتمنى ان الله يرزق بنات المسلمين

وشدوا حيلكم انتم عاد...مو تتركونهم وتتزوجون من خارج الديار


[/font][/size][/CENTER][/color][/align]

اول شي لحد يسمع كلام سكون الليل تراها مجنونتن تاكل الرقع :)وعانسن طايح حظهااا ههه

اخذو الاولة من الداخل والثاني اطلبوها طلبية وتمتعوا والعمر فاني




اما بخصوص موضع الغالي اشقر السيف

انا لست ضد والا مع مثل هذا النوع من الزواج فلابد من توفر بعض الشروط في ذالك الاجنبي مع العلم انه سيكون اخر حل لتلك الفتاة وبيني وبينك عمر ال 25 اشوف انه ظلم ارفعوه الى ال 30 يكون احسن

الزوجة مرأة والزوج رجل وكلنا ابن ادم وحواء

اذا كان الرجل على خلق ودين وميسور الحال وبامكانه ان يوفر الراحة والسعادة لتلك الغرنوقة فلا مانع من ذالك


وجهة نظر

[align=center][quote]اول شي لحد يسمع كلام سكون الليل تراها مجنونتن تاكل الرقع وعانسن طايح حظهااا ههه

اخذو الاولة من الداخل والثاني اطلبوها طلبية وتمتعوا والعمر فاني [/quote]

[color=#003366][size=5]من عتبان الكويت

انت وراك تحرش المسلمين علي؟


يمكن الي اقوله عين العقل


والي تقوله ...ضياعة العقل؟؟

المهم ياعرب لحد يسمع كلامه ابدن...ابدن







.[/size][/color][/align]

[font=Simplified Arabic][size=4][align=center][color=#FF3300]

والله مافيه شيء اذا توفرت الشروط في الزوج الاجنبي الكفو
ماالمانع من هالزيجـة الحلال ؟!!

بالنسبه للعنوسـة .. اعتقد اسباب العنوسـة كثيرة ..
بس هناك سببين رئيسين للعنوسـة .. الاباء وتعليم البنـت

اتمنى لك زوج مكافح انه يرزق بـزوجـة شقراء ابرٍك
من امهات الركب السود , لاحدن يزعل ياخوات

مشكور اخوي اشقر على طرحك المفيد [/color][/align][/size][/font]

[align=center][quote]اتمنى لك زوج مكافح انه يرزق بـزوجـة شقراء ابرٍك
من امهات الركب السود , لاحدن يزعل ياخوات [/quote]

[color=#333366][size=5]ماشالله الي يسمعكم

يقول ...وائل كفوري... ولاراغب علامه

/

بتقول الزين للبنات

بقول لكم حتى البنات يبحثنا عن الزين

ولا اعتقد فيكم زين

والله يعينا عليكم

لاحد يزعل هذي الصراحه



.[/size][/color][/align]

سكون وش تبين بالرجال المزيون المزيون يعذب البنت عذااب
وتعيش البنت معه وهي موسوسة انه يخونها وبما انة مزيون فكل بنت تحاول انها تخطفه منك وتبدين تقطعين من الغيـــــرة وتتمنين انك متزوجه رجال عادي مومزيون ولا تعيشين هالعذاب :)

دوري لك رجال بمعنئ الكلمة وخلي عنتس الزين لانه زايل وقابل للندثار الرياجيل مخابر مهم مناظر


قالت ابي مزيون ياخسارة شبابك يالعضياني :)


روحي للمنتدى العام وشوفي الموضوع بنزلة بعنوان لا شي يرضي المراة ؟

[align=center][quote]دوري لك رجال بمعنئ الكلمة وخلي عنتس الزين لانه زايل وقابل للندثار الرياجيل مخابر مهم مناظر [/quote]

[color=#003366][size=5]نبيه وسيم... ورجال بمعني الكلمه

يعني اثنين...في واحد

ويش الي يمنع..؟؟




.[/size][/color][/align]

[QUOTE=&سكون الليل&;296214][align=center]

[color=#003366][size=5]نبيه وسيم... ورجال بمعني الكلمه

يعني اثنين...في واحد

ويش الي يمنع..؟؟




.[/size][/color][/align][/QUOTE]

[color=#000000][size=4]لافض فوك ياقلبي ياسكون
يعني حلال عليهم وحرام علينا
هم يتشرطون وحنا لا
مثل مايبون حنا بعد نبي
"بيني وبينك ياسكون انا ما يهمني جمال الرجال بس يقهروني لما يزعلون اذا شرطنا الجمال مدري ليش"[/color][/size]

[QUOTE=&سكون الليل&;296214][align=center]

[color=#003366][size=5]نبيه وسيم... ورجال بمعني الكلمه

يعني اثنين...في واحد

ويش الي يمنع..؟؟




.[/size][/color][/align][/QUOTE]



عزاللة مالقيته في العتبان اللي عرفتهم وان كان هناك توادر يحملون تلك الصفات ولكن للاسف كلهم متزوجين او على وشك الزواج متملكين لكن الجيل الجاي عزاللة ان فيه مجموعة ماهي بسيطة تحمل هالصفات لكن وينهم وانتي وين منية لين يكبرون يمديك تلعبين بسنونك كيرم عجزتي ياخالة :)



<<<<<< يقول فضحتينا عند راعي الموضوع اركدي بنزل موضوع ونتهاوش فيه

[size=4][color=#000000]المرجع000حياك ربي000

الله لا يجيب الزعل000


وبعدين هي اثاث عندي لا يقدر يثمن غالي جدا جدا جدا جدا00



ساحر الكلمه 00 من اسباب العنوسه الشباب الي مثلي ومثلك

وهذه وجهت نظر عندي وعند كثير من الناس00




سوال هل من اسباب العنوسه هو عدم زواج السعوديات بالاجانب؟


ما اتوقع ذلك00



منها غلا المهور وعزوف الشباب عن الزواج وامور اخرى غير ذلك000





تحياتوووو00[/color][/size]

[align=center][color=#000033][size=4][quote]عزاللة مالقيته في العتبان اللي عرفتهم [/quote]

الا فيه يعني مش حالك

[quote]وان كان هناك توادر يحملون تلك الصفات ولكن للاسف كلهم متزوجين او على وشك الزواج متملكين لكن الجيل الجاي عزاللة ان فيه مجموعة ماهي بسيطة تحمل هالصفات لكن وينهم وانتي وين منية لين يكبرون يمديك تلعبين بسنونك كيرم عجزتي ياخالة [/quote]

وانت ويش بك علامك شايلن همي؟؟

تراني مبسوطه واحمد الله مليون

وعندي الي مالي عيني الثنتين هههه


[quote]<<<<<< يقول فضحتينا عند راعي الموضوع اركدي بنزل موضوع ونتهاوش فيه

[/quote]

>> تقول ايه صح نسيت احسبه موضوعك



.[/size][/color][/align]

[align=center][QUOTE=انا عتيبيه;296217][color=#000000][size=4]لافض فوك ياقلبي ياسكون
يعني حلال عليهم وحرام علينا
هم يتشرطون وحنا لا
مثل مايبون حنا بعد نبي
"بيني وبينك ياسكون انا ما يهمني جمال الرجال بس يقهروني لما يزعلون اذا شرطنا الجمال مدري ليش"[/color][/size][/QUOTE]



[color=#006699][size=5]ياشيخه فقعوا مرارتي

كل شوي..نبي..ونبي

عمومآ يا حبوبتي الجمال مو كل شي

نبي رجــــــــــــــــال ..مع قليل من الوسامه

يعني تخيلي واحد يلوع الكبد خشته تقبلين بيه؟




.[/size][/color][/align]

[QUOTE=&سكون الليل&;296248][align=center]



[color=#006699][size=5]ياشيخه فقعوا مرارتي

كل شوي..نبي..ونبي

عمومآ يا حبوبتي الجمال مو كل شي

نبي رجــــــــــــــــال ..مع قليل من الوسامه

يعني تخيلي واحد يلوع الكبد خشته تقبلين بيه؟




.[/size][/color][/align][/QUOTE]
[size=4][color=#FF1493]اول شي بعتذر من صاحب الموضوع لانا طلعنا من موضوعه
اكيد ياقلبي يا سكون ابيه كامل الرجوله باضافه ملح وجاذبيه
ويكون متوسط الجمال واذا ملك جمال ليش لا
اما شيفه يلوع كبدي على الصبح لالالا والف لا
الوحده تبي وجه يفتحه نفسها كل ماشافته [/color][/size]

[align=center][color=#003366][size=5][quote]الوحده تبي وجه يفتحه نفسها كل ماشافته [/quote]

هذا مربط الفرس..مدري الحصان

تهقين من عيال قبيلتنا فيه مثل هذه الاوصاف..؟

/

با الفعل نعتذر منك ياصاحب الموضوع





.[/size][/color][/align]

[QUOTE=&سكون الليل&;296263][align=center][color=#003366][size=5]

هذا مربط الفرس..مدري الحصان

تهقين من عيال قبيلتنا فيه مثل هذه الاوصاف..؟

/


با الفعل نعتذر منك ياصاحب الموضوع



.[/size][/color][/align][/QUOTE]

[size=5][size=6[color=#FF1493]] نعتذر منك ياصاحب الموضوع للمره ثانيه
طبـــــــــــــعا العتبان فيه الزين وفيه الشين
واذا على الاوصاف هاذي موجوده بس قليل الله يعينا
انا وانتي اندور [/size][/size][/color]

[size=5]
أرفض زواج البنات والشباب السعوديين من برى الديرة..!!


وبعدين ياخوي حرام عليك 25 سنه توها ورده وهذا العمر

أحلى عمر بالنسبة لي !!

وفيه شيء ثاني أتمنى ماتعلقون العنوسه على أسباب غير واقعيه!!

اللي يبي يتزوج راح يسهل له ربي !!

والله أعرف عوائل مهورهم رمزيه جداً !! ومع هذا عندهم

بنات تخطوا اللأربعين بدون زواج !!

الحين الشباب ( مو الكل ) مايبون المسئوليه !!

ولا الربطه مع البيت والعيال !!

أبسألك أخوي وش أسباب عزوف الشباب عن الزواج !!؟

بس عطني أسباب منطقيه !! أقتنع بها ..[/size]

هذي والله البلشه قالوا الشباب المهور غاليه ( خفضناها)
رجعوا قالوا بنحسن النسل وركب بناتنا سود (سيدتي إذا أردتي بياض الركبتين لا عاد تصلين)قلنا ماعليش جوا عيال الأجاويد من برا( تخيل فزعوا لنا من برا ) بيحلون المشكله رفضتوا تزوجونهم يعني تعنس عادي أو تنحرف لا سمح الله بس ماتخربون قشعت العائله (شجرة )والأخت أم النسل المحسن ما تخرب الشجره يعني وفوق هذا كله بعد خفضتوا سن العنوسه إلى خمس وعشرين سنه وبكره نسمع دار العجزه ودار الأيتام ودار العوانس ....
ياناس ساعدوا الحكومه وتزوجوا بناتنا وإذابنات ربعك غاليات خذ من منطقه ثانيه مثلا من الجنوب أو القصيم تكون على قد ميزانيتك أو خذ وحده سعوديه موظفه وبعد الزواج صدقني المسكينه بتقسط بدالك وتصرف على العيال بعد ....
نرجع للموضوع الأساسي والنعم بجميع الدول العربيه وكلنا مسلمين بس أنا لا أرى أن تتزوج السعوديه من برا....
مشكلتنا الوفاء
أختكم ديم

[size=4][size=4]اخوي اسمح لي ارد على اللي شغلتهم يتهجمون على بنت الاصل والفصل
انا سعوديه وقسم ان ركبتي موب سودا الظاهر يالاخو انك شايفن لحجيه
نجي للسالفه اللي عيتوا تخلصون منها السوريه حلوه لا السعوديه احلى لا الزيديه اطلق منهن كلهن قسم تقل طارحين الموضوع للمناقشة في روضة بزارن الله يخلف على أمتن تمثلونها
نرجع لموضوعك المفروض السؤال هذا يوجه لنا حناا
للدرجه هذي حنا مهمشات ومالنا راي انت تذكرني بوحده تقول خمسين مره متعلقه بالشسمه
نعيد صياغة السؤال من جديد اختي الكريمه هل ترضين الزواج من اجنبي؟
اخي الكريم مثل ماقلت سابقااا انا اكره كل طعميه تمشي على وجه الارض
لكن لو يجيني فرنسي ولا ايطالي بوافق هيفاء المنصور موب احسن مني
وبالنسبه لسن العنوسه 25 حرام عليكم هذا سن النضوج اجل تبي تاخذ لك وحده عمرها 17هذي بزر اخوي انت تفهم وش معناته بزرهذي كل اهتماماتها جواد العلي ,وتبيها تتزوج
اخذت واحد عمره 25 بالله قلي وش لون بيعيش معها
وشلون بينسجم وياها افكاره غير افكارها واللله حرام

اقسم بالله شي يقهر من جد وش هالعجله اللي تخليك تزوج بنتك بهالعمر ؟؟
<***** هدي هدي يام الشباب ,,

وه بس مايرفع ضغطي الا هالموضوع بتقولون عشانك عانس بقول ايه عانس ومنقهره على شبابي اللي ضاع [/size][/size]


(ترى بعد اخر كلمه ايقونه خضرا)

اضافه
 

عمر يالله حيه

والله كلامك حلو لكن مكلف على الدوله وانت تشوفهم يبون اسهل الحلول

ساحر الكلمه تحياتي

لكن انت مشرف منتدى الفكر يعني افهم من كلامك ماعندك مانع ابد وقبل شوي نتكلم عن هرم العادات والتقاليد اللي تكسرت صخروها على روسنا

لا ياخي مستحيل قلوا السعوديين تاخذ اجنبي اصلا لي مدخل عليهم بالشرع

الرسول صلى الله عليه وسلم يقول من ترضون دينه وخلقه فزوجوه وانا بصراحه ما ارضى دين ولا اخلاق بعض دول الخليج وانت تشوف فيها من صالات الرقص والبارات والخمارات مالله به عليه

يعني لادين ولا خلق

سكون حياك اختي مو انا اللي اقول هذا سن العانس هم يقولون واعجبني كلامك وتعليقي على اللي ياخذ من الخارج لانها اقل تكاليف عليه وانتي تشوفين الاوضاع وتشرط اهل البنت على المسكين وهو الحين يبي يبداء حياته يبون يذبحونه قبل يبداء مشوار الحياه


الاخت العصيميه بعد التحيه عزوف الشباب له اسبابه مثل اسباب العنوسه يعني مادته بسيطه راتبه قليل وطموحه كبير مخطط لمشاريع مايعلم فيها الا الله واعتقد كله في زوجته اللي بياخذها

اقرب مثال اعرف واحد عمره 28 سنه ولاتزوج ولا يبي يتزوج للحين والسبب يقول ابي لين اضمن انها لاطلبت شي قلت لها سمي جاك اللي تبينه مايبي ياخذ وحده يعذبها معه ويخليها تتحمل نتايج فشله اللي هو صنعه بنفسه هذا ردي

[color=#0066FF][B][font=Simplified Arabic][size=5]لكل عائلة ومجتمع حرية موافقة

زواج هذا الرجل المتقدم على بناتهم..

والواقع يقول بأن اغلبية مجتمع المملكة

ليس مع هذا الشيء..ولكن ان كان المتقدم

من دول الشام والعراق من القبايل الاصيلة

ورجل خلوق فلاعيب ان يزوج بناته هذا الرجل

دمتم بخير[/size][/font][/B][/color]

[color=#003366][size=5]>> معجبه ببنات المنتدى وتقول عسى الله يحماهم

ويخليهم... ويزيدهم مفهووميه

با النسبه للركب...هذا عذر من لاعذر عنده





.[/size][/color]

سكون بايسن من عتبان الكويت انا عتيبيه

يعطيكم العافيه بس تراكم طلعتوا عن الموضوع الموضوع مو عن الجمال والمفروض انتم يالبنات تصحون شفتوا مصيركم وين بالاخير جمال الرجل مايهم كثر جمال البنت البنت تبي رجال مابي مزيون اذا تبي مزيون تتزوج بنت احس لها وانعم الرسول موصينا يقول اخششنو

صح لسانك كلاشنكوووف عز الله انك ذيب ولد ذيب صدقت انها غالية الثمن

ولا ياخذها لو يحب الخضيرا واللي ترضى على نفسها اصلاً نفسها ضعيفه ولا يبيها الاجودي من الاساس

صحصحوا يبنااات صحصوا الله يستر عليكم

[align=center][quote]سكون حياك اختي مو انا اللي اقول هذا سن العانس هم يقولون واعجبني كلامك وتعليقي على اللي ياخذ من الخارج لانها اقل تكاليف عليه وانتي تشوفين الاوضاع وتشرط اهل البنت على المسكين وهو الحين يبي يبداء حياته يبون يذبحونه قبل يبداء مشوار الحياه

[/quote]

[color=#003366][size=4]اخوي والله المهور قلة وانخفضت عن سابقآآ

ولكن من يسمعنا...!!


شبابنا يبون المجانآ

مع العلم ان الأجنبيه قليلة مهر ولكنها لديها اسلوب في الشفط

في الخفاء


[quote]ولا ياخذها لو يحب الخضيرا [/quote]

وناسه في ناس تخاف علينا :)

بس وشو الخضيرا؟ :cool:

.[/size][/color][/align]

اضافه
 

ليه ليه ليه وش تحسبون العتبان عبيد

مابي اتكلم بموضوع الجمال مع انه قهرني ولا ابي اكون جميل بس الحمدلله وترا هذي خلقة ربي لا مو مجاناً انا اشوف من 40 الف للي حاله وسط 60 لين 80 قمة العدل

والخضيرا تسبد السما يعني

اذكر بيت شعر لجدي الله يرحمه

يقول

الشين وجه الذيب ويرثع بالانزال = والزين للعذرا وهي ماتوالي

والله فيه بالعتبان وزين الوصايف بعد بس نرجع للموضوع الاصلي

:)


[color=#663366][size=5]شووكرن على التوضيح...!!![/size][/color]








.

بالنسبه لسمار الركب تعليقي عليه هذا اقول هذا وسام الدنيا فما بالك بوسام الاخره

هذا من كثررة السجود وتمريغ جبتها لله سبحانه يشرفني تكون ركبتها سودا مو سمرا

[align=center][font=Arial]
[size=4]
[color=#FF0000]وش رايك بزواج الاجانب من السعوديات ..؟؟[/color][color=#000000]

عني لو اعنس ماراح اخذ الا سعودي وعتيبي بعد ..

ابي اطفالي ينسبون لعتيبي لا لغيرهـ ..

مو تقليل من شان القبايل الباقيهـ لكني غير عتيبي ماراح اخذ بأذن الله :) ..

هذا من غير حلف امي وجدتي الله لايخليني منهم غير عتيبي لو اموت مااخذ :) ..

وأنا راضيه بحلفهم علي :)

القديـــر .. [color=#FF0000]أشقر السيف [/color]..

يسلموو على طرحك المميز ..

لك ارقى التحايا ..

الشامخهـ ..[/align] [/color][/size] [/font]

تعديل
 

الشــآمخه

يستاهل الذهب ينقش فيه اسمك

هذي من خوات الرجال والله ونعم يالشامخه الله يرزقك بعتيبي يصونك ويحفضك ويسعدك ونعم العزوه لا اعتزيتي به

تحياتي ومودتي

[QUOTE=اشقر السيف;296552]الشــآمخه

يستاهل الذهب ينقش فيه اسمك

هذي من خوات الرجال والله ونعم يالشامخه الله يرزقك بعتيبي يصونك ويحفضك ويسعدك ونعم العزوه لا اعتزيتي به

تحياتي ومودتي[/QUOTE]

[color=#000000][align=center][size=4]لاهنت يابن العم :) ..

وجزاك الله خير على الدعوهـ الاخويهـ الطيبهـ ..

اللهم آآمين ..[/size] [/align] [/color]

وش رايك بزواج الاجانب من السعوديات ..؟؟
رائي انا
مستحيل اتزوج غير السعوي
براء العتبان مستحيل اخذ
مايملي عيني الا عيال عتيبه ولا هانو بقيه القبايل
اعتقد ان ها زواج مبني على طمع اما انه يبي الجنسيه
او غيرها عموما من وجه نضري زواج فاشل

[B][align=center][size=4][color=#00008B]لو عندي بنت
ما ازوجها الا عتيبي
ما هو تعصب لكني احب ربعي العتبان
واحب اسلومهم وعاداتهم وغيرتهم

انا كنت اتابع الموضوع بصمت
لكن اللي شدني للمشاركة هـــي[/color][/size][/align][/B]

[align=center][B][size=5][color=#000000]الشـــــامخة[/color][/size][/B][/align]
[B][size=4][align=center][color=#00008B]و ردها الصريح
واقولها انتي وسط النشاما
ذياب الرياجيل
حنا عيال عمك ننتخيبك
ونشوم لعيونك يالعتيبيه الشامخة
والله يرزقك يالعتيبي اللي يسعدك لانك تستاهلين

تحياتي للجميع

بيطـــــــار نجــــد[/color][/align][/size][/B]