أنا ليا ضاق صدري وأشتعـل جاشـي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا ليا ضاق صدري وأشتعـل جاشـي= داويت نفسي مـن همـومٍ تناهشهـا
ضربت لي طرقه تصعب على اللاشـي= وسرّيت رجلي ومسرى الليل ينعشهـا
ونحرت جوٍ خلـي يوحـش أوحاشـي= صحاصح البيد طـب اللـي يعايشهـا
خاليٍ جنابه مـن العالـم والأدباشـي= قفرٍ مرب الوحوش ومأمـن أوحشهـا
عشبه سواة الحمـى مهـوب يناشـي= لا راعي البل ولا الشـاوي بنايشهـا
ما يقطعن فرجتـه حـرار الأوباشـي= الضمر اللي وصـوف الريـم تلكشهـا
ما يسهجه غير حبيبٍ يطرب الماشـي= مع واعر الأرض ولا مـع مفارشهـا
جيب يبعـد عـن معشـاي مغباشـي= اللي يقـص الـدروب اليـا تناوشهـا
ما يسمع مع المكينه غيـر وشواشـي= ما كنها الا الحيايـا فـي توشوشهـا
لا فر من دوس رجلي صابه خراشـي= فـرة قطـاة ٍ دوي الملـح خارشهـا
يطيش من طيش سواقه ليـا طاشـي= نوب يخم الخطـوط ونـوب يقرشهـا
أبيـه لا بـان نجـم ونجـم متلاشـي= وشفت السويبع مع خوانـه مداقشهـا
فـي ليلـة وبلهـا هتـان ورشاشـي= وقلايـد الوسـم مرخيتـن مراهشهـا
اليا ظمرن الفحـول وجاهـن طياشـي= والأرض في بطنهـا قـرت هوايشهـا
وراعي الولع عقب موته له تنعواشـي= طيره على الكـف والدنيـا مطنشهـا
ما عاد يطري له الا بـرق الأرياشـي= اللـي علـى شانهـا البيـدا يفتشهـا
وأنا معـي عـاري مهـوب بخياشـي= لا تل سيره علـى المقفـي تفرشهـا
عديم وأسمه عديم ما أسمـه شلاشـي= زرق الشوش لا لحقها علق شوشهـا
ومن لا عرف لذّة المقناص ما عاشـي= ولعـه بليـا طماعـه ميـر عايشهـا
يسلابها الخاطر اليا ظـاق وانداشـي= وترتاح في النوم عيني يوم أغلمشهـا
ما تسمع أذني صدى لجلاج وهواشـي= الا السواري مـع الظلمـا تخترشهـا
يا لا يمـي خلنـي أصـد وأنحاشـي= عن شوف ناس مغير تلوي خششهـا
والله ليبطي مع المقنـاص مطراشـي= ليـن المنيـه أقابـل وجـه طارشهـا
هذا الدواء اللي يداوي حدبٍ هشاشـي= من هاجس لا تحـرك قـام يجرشهـا[/poem]

[align=center]الشاعر / خالد بن مدعث الدوسري[/align]

مشكور يااخ محمد على حسن الاختيار
تحياتي

لاهنت يابن ثعلي ويسعدني مرورك
تحياتي

لاهنت اخوي محمد على الاختيار

ويعطيك العافيه

يعطيك العافيه يالمقاطي ولاهنت على مرورك
تحياتي

صح لسان ابن مدعث الدوسري


ولاهنت يا محمد العتيبي على النقل الرائع

عتيبيه يعطيك العافيه على مرورك

تحياتي

يعطيك العافيه يا محمد العتيبي
مع تحياتي

مستر عتيبي الله يعافيك ولاهنت على مرورك

تحياتي

[size=4][color=#0066FF][B][font=Simplified Arabic]ولد العم محمد العتيبي

مشكور ولاهنت

على الابيات الرائعة

والقصيدة الجزلة

دمت بخير[/font][/B][/color][/size]

صح لسانك اخوي محمد العتيبي


وصح لسان الشاعر خالد الدوسري


وبيض الله وجهك يا الغالي

على هذا الاختيار


تحياتي لك ،،،،

[align=center][size=4][color=#000000]صح السانك يامحمد وعلى شانك
قصيده وافيه من وافي اتمنى لك التوفيق
و[/color][/size][/align]
[align=center][img]http://www.4zz.net/show.php?pic=145091[/img][/align]

[color=#000033][size=4]الله عليك ياولد العم


اختيار رائع يدل على مدى روعة تذوقك


يسلم يمناك لاهنت













,[/size][/color]

صح لسانك ..

اخوي ......محمد العتيبي


تحياتي..

عـــــــــذوب

[color=#0066FF][align=center][size=3]حسام هوازن
يعطيك العافيه ياولد العم على المرور
ولاهنت يالغالي
تحياتي لك[/size][/align][/color]

[color=#330099][align=center][size=3]النايف
صح بدنك ووجهك ابيض,شاكر لك مرورك
تحياتي لك[/size][/align][/color]

[color=#330099][align=center][size=3]عيضه العيسى
الله يسلمك ولاهنت على المرور
وكل عام وانت بخير
تحياتي لك[/size][/align][/color]

[color=#000099][align=center][size=3]سكون الليل
مرورك اروع يابنت العم ولاهنتي على المرور العطر
تحيياتي لك[/size][/align][/color]

[color=#3300CC][align=center][size=3]عذوبة نجد
صح بدنك وشاكر لك مرورك الرائع
تحياتي لك[/size][/align][/color]