منتديات عتيبه - لـــــــذات الــربــيـــع

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يـا حمـود انـا والله مانـي بكـذاب=انـا عـدو الكـذب وانـا خصيـمـه
من كنت طفل اصغير وادركت الاسباب=نفسـي عزيـزه ماقبلـت الهضيـمـه
ولاخـذت يمنـاي مـدات الاصحـاب=اصـارع الدنيـا بصبـر وعزيـمـه
والعبـد يبـلا بالمكـاره والانـشـاب=لاكنهـا يـا مسنـدي مـا تضيـمـه
ينصك باب ويفتـح الله (100) بـاب=وبنـت الضعِيـف نعتبرهـا يتيـمـه
ما ني بمن يـدرق رفيقـه ليـا غـاب=ولانـي بمـن ياتـي بليـا عزيـمـه
سج القـدم ساعـه ومبـداً بمرقـاب=اخيـر مـن شوفـت طيـور الوليمـه
ولاني براعي مونـةٍ عنـد الانسـاب=ولانـي براعـي جلسـةٍ مستديـمـه
حتى ولـو كانـوا عزيزيـن واقـراب=البعـد مـا يرخـص للاحبـاب قيمـه
ولاتبع المقفي ولاحسب لـه احسـاب=مايتبـع المقفيـن غـيـر البهيـمـه
اجـازي الطيـب بطيبـه ليـا طـاب=واصد عـن هـرج القفـى والشتيمـه
ولانخـدع فاللـي تضحـك بالانيـاب=القلـب جيفـه والملامـح وسيـمـه
لو قـال انـا راعِ الكحيلـه وحطـاب=تراه مـا يسـوى الرسـن والشكيمـه
عساه مـن فـدوة كريميـن الاشنـاب=اللـي مباديهـم نـضـاف وسليـمـه
الله واكبـر فالبلـد كنـنـا اغــراب=فـي مجتمـع جلـه نفـاق وظليـمـه
سود الليالـي تذهـب العاقـل اذهـاب=ياصل بها من ضيقـة الصـدر تيمـه
ياكثـر ماشفـنـا والأيــام هــراب=الوقـت يمضـي والمصايـب مقيمـه
درست درسٍ فيـه مـن كـل هنـداب=درسٍ حكيـم ومـن رجـالٍ حكيـمـه
رسني الشايب وهـو مـا بعـد شـاب=الله علـى عـزه ومـجـده يديـمـه
اخـذت معـه سنيـن للعلـم طــلاب=يـوم البـداوة والحـيـاة الكريـمـه
ذقنا بها اصنـاف المشقـه والاتعـاب=وذقنا بها اللـذات لـو هـي عقيمـه
وجدي عليها وجد من طـاح منصـاب=فـي ساعةٍربعـه بــذل وهزيـمـه
ليا نشى مـزن الحيـا كنـه هضـاب=علـى اول الوسمـي تقافـا رديـمـه
والبل جزت والها اصطفاقه وسـوراب=قامت عـن الراعـي تـذب الخريمـه
وقالوا وقيل وجاب الأخبار مـن جـاب=قالوا شهر ما شقـت الشمـس غيمـه
وجونا العسوس وصاح فالبـدو نبـاب=قالـوا لقينـا قافـي السيـل ديـمـه
وسقنا العشاير وانتحت جرد الارقـاب=لاكنهـا جـيـشٍ فحلـهـا زعيـمـه
وحنا ذراهـا يـوم غـارات الاجنـاب=ورثٍ لهلنـا مـن عصـورٍ قديـمـه
رماينـا قطـاع وليـا رمـى صــاب=نروِ القنـا والعظـم نكسـر صميمـه
وبعد ثمان ايـام والمشـي ضبضـاب=مالت علـى نقـع الخبـاري محيمـه
ثم فاحت الأطياب مـن ريـح العشـاب=يسوقهـا الغربـي بنسمـة نسيـمـه
وشوف الطيور اجوال واسراب ٍ اسراب=مـن ضمـن لـذات الربيـع ونعيمـه
وشوف الخزامى والنفـل فيـه جـذاب=والقحويـان بكـل زهــره رقيـمـه
الارض كاسٍ وجههـا سحـر اللابـاب=مناضـرٍ مـن قبـل ترحـم عديـمـه
ثم شيدوا سودٍ علـى خمسـة اقطـاب=بيت الشعـر مجلـس ومطبـخ خيمـه
للبـن صـبـابٍ وللحـيـل قـصـاب=يا ما رموا فـي نارهـم مـن هشيمـه
ودارت علوم الطيـب والنجـر لعـاب=فـي مجلـسٍ مافيـه ناقـل نميـمـه
واخير ذودك بركـن حـول الاطنـاب=عقب العشاء والخلـف حـزة عتيمـه
سرالهـا الراعـي بسطـلٍ ومحـلاب=وقلت احلب الشرفـا وعمـره وريمـه
نومـك بجـوٍ يسحـر العيـن خـلاب=والصبـح يقعـدك الحـوار برزيـمـه
وساقوا على المرعى جماعات واحزاب=لجنـاب والأخـرى عليهـا الوسيمـه
وبعد ثلاث شهور من جمـع الاحبـاب=اصفر عود العشـب واقبـل صريمـه
عرقه يبس وامـا رقـاق الـورق ذاب=تلعـب عواصيـف الهبـوب برميمـه
وتفرقـوا مسنـاد علـوى ومجنـاب=كـم عاشـقٍ كبـده طوتهـا الحريمـه
وبانت نجـوم القيـض حـرٍ وملهـاب=واخـص ساعـات الهجيـر اللئيـمـه
هاذي حياتي لوبهـا بعـض الاعجـاب=بيـن البـداوه والحضـاره لزيـمـه
والحمد للفـرد الصمـد رب الاربـاب=كسبـت بالثنتيـن عـلـم وغنيـمـه
انا احسن الإيجـاز واجيـد الاطنـاب=منهج وطرح وشرح وان مـال اقيمـه
مثايلـي نهـرٍ علـى سفـح صبـاب=شـلال مـاه دوا القلـوب السقيـمـه
سـمٍ علـى اكبـاد المعاديـن ينسـاب=ولأهـل الوفـا فيهـا وقـارٍ وشيمـه
لانـي بـمـداحٍ ولانــي بسـبـاب=إلا لـيـا قـابـل غـريـمٍ غريـمـه
ياحمود لي عن سب الاجـواد مجنـاب=ومدح الردي عيـب ونفـاق وجريمـه
الرزق عندي اللـي لـلارزاق وهـاب=ماهو بفـي مـدح الوجيـه الكضيمـه
كـم واحـدٍ يشتـم ويضلـم ولاهـاب=والظلـم عاقبتـه تـراهـا وخيـمـه
وهاذي على ما قيـل شريعـة الغـاب=الربـح غايـه والمـبـادي ذميـمـه
وكم دعوةٍ مـا دونهـا سترواحجـاب=عن منـزل آيـآت الكتـاب العضيمـه
من لا رجا رحمة جزيل العطـا خـاب=رحمـن كـل الكـون ربـه رحيـمـه
للأثـم كـسـابٍ ولـلاجـر كـسـاب=والموت فـراق الفتـى عـن حميمـه
اعـز مـن تذكـر يغطيـك بـتـراب=امـا نعـيـم القـبـر وإلا جحيـمـه
شرحت عن بعض المواضيع بأسهـاب=ومريـت بالأخـرى خطايـه هميـمـه
مجيت سايقها علـى السـوق جـلاب=هديتـي لأهـل العـقـول الفهيـمـه
ليا نحرف عن منهجـه كـل مرتـاب=انـا علـى نهـج الأصالـه نديـمـه
وصلوا عدد مـا زل مذنـب وماتـاب=علـى رســول الله نبـيـه كليـمـه[/poem]

.
[align=center]مــحــمــد الـسـمــيــري[/align]