الليل ياعتيبه
 

السلام عليكم ومن العايدين

هل الصيام ونحمدالله صمنا
والله من فضله وجوده رحمنا
واليوم حل العيد بعده وقمنا
يالله على بابك يافتاح الابواب

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعتيبه عدتو العيد ومن العايدين=والعياد المقبله مقبله خيراتها

ودنا بالخير يشمل جميع المسلمين= والقيامه ساع بانت جميع اياتها[/poem]

كل عام وانت بخير يا شاعر الشلالحه ومن طول الغيبات جاب الغنايم

اخو من طاع الله

كل عام وانته طيب يالطيب ومن حضر ماغاب وابشر بالخير

تقبل تحياتي

وعليكم السلام ومن الفايزين
وكل عام وانت بخير واستلم طال عمرك
[poem= font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=3 line=0 align=center use=ex num="0,black"]
تم الشهر وادع الولي في قبوله=واطلب من الوالي شفاعة رسوله
واللي على خاطرك هاته وقوله= يالله على بابك يافتاح الابواب[/poem]

[poem= font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جعل عيدك دايم يعيد ومن الفايزين=والله انه يرحم احيا العرب وامواتها
واحسن الاعمال واطلب من الباري يعين=لاجل تسلم من جهنم ومن هفواتها[/poem]

اخو من طاع الله
مرحبتين هلا وغلا
تشرفنا بحضورك
تحياااتي لك

الله الله
ياسلاااااااااااام شاعر الشلالحه وملفي العضياني
والابداع بعينه
واصلوااااااااااا
معكم معكم

شاعر الشلالحه وملفي
لله دركم مبدعين كماعهدناكم
والله الله في اللعب اللي يطرب الجمهور
تقديري لكما

الله الله مبدعين الى حد الثماله
وانا في صف شاعر الشلالحه بدون تردد
تحياتي

كل عام وانته طيب ياملفي

واستلم

حنا زرعنا زرعنا في وطنا
والله كريم ولايخيب عملنا
يقبل حسانينا ويغفر جهلنا
يالله على بابك يافتاح الابواب

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والله انا ناس نمشي على تقوى ودين= والعرب ماتختلف طيبه نياتها

وندنا نقرا عليكم رياض الصالحين= يوم دنيانا تهز العرب صكاتها[/poem]

خيال العبيه

شاعر روق

شيخ مطير

نورت المتصفح بمروركم

وتقبل تحياتي

وانت بصحه وسلامه

[poem= font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=3 line=0 align=center use=ex num="0,black"]
خابرك تزرع واكبر اثبات باضان=دخنه تحصدونه على مر الازمان
لكن غيرالدخن يحتاج برهان= يالله على بابك يافتاح الابواب[/poem]


[poem= font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتزكي نفسك اسجد لرب العالمين=والاوادم في الزمن تختلف عاداتها
واقر مايطري ويكفيك منا سورتين=الفلق والناس تكفي بليس اياتها[/poem]

خيال العبيه
الابداع كله حضورك

تحياتي

ابو سعود
الابداع كله حضورك لاهنت

تحياتي

شيخ مطير
هلا بك وصفي عامر بك

تحياتي

ملفي العضياني . شاعر الشلالحه . صح لسانكم . محاوره تطرب

نزرع ونحسن زرعنا بالزراعه
والله يعطينا الرضا والقناعه
وانته صناعي(ن)تحب الصناعه
يالله على بابك يافتاح الابواب

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مانقول الا الحقيقه عسى ربي يعين=مير اشوف اصحابنا علم ثاني فاتها

كيف تقرا كيف تكتب بعد غزوة حنين= وانت ماتعرف لمكه ولا ميقاتها[/poem]

الله الله

شاعر الشلالحه & وملفي

صحت السنتكم وكل عام وانتم بخير

واصلوووا ونحن لازمين الصفوف

تحياتي

[poem= font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=3 line=0 align=center use=ex num="0,black"]

ظلمت حظك يوم قلنا الحقيقه=ودك تخارج لو باردى طريقه
لكن طيبي يالجروح العميقه=يالله على بابك يافتاح الابواب[/poem]

[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

مايضيع الا الرخيصه ولا جبت الثمين=والرخيصه قسم من جابها واقتاتها
وانشد العراف تنبيك يالقلب الدفين=عن حنين المعركه كم عدد قواتها[/poem]

الطوفان
مرحبا وغلا
وكل عام وانت بصحه وسلامه
تشرفنا بمرورك
تحياتي

على القوة يالشعار يعطيكم الله العافيه

واصلوا وانا في صف ملفي ولاهان المطاري

ولكم اطيب التحيات

البحرر
اسف والله ماشفت اسمك الا الان
ومشكور على مرورك وتشجيعك
تحياااتي لك

الزناتي
بيض الله وجهك ووجودك في صفي داعم ومكسب

تحياتي لك

ماني بمتقول ولاني بظالم
لكن ملفي تالي الليل حالم
انته سليم وصاحبك منك سالم
ياالله على بابك يفتاح الابواب

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من جهتنا مايجي غير خير وعلم زين= والرخيصه مانبا نحتلب من شاتها

ياوسيع المعرفه لاتصفق باليدين= الجمال اليا هدرت لك تبين لهاتها[/poem]

[color=#0000FF][align=center] الله الله الله

شاعر الشلا لحه

و

ملفي العضياني

صحت السنتكم جميع محاوره حاميه

أما من ناحية الصف مايبالها مطوع

الدعوى حميا وانا بصف ملفي ولايهون شاعرالشلالحه [/align][/color]

[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]

راحت معك ياليل ياليل هيا=يالصاحب اللي مطلبه ماتهيا
وصدرت ضامي فوق عدٍ رهياٍ=يالله على بابك يافتاح الابواب[/poem]


[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ومن جهتنا مانجازي هل الزينه بشين=كل يمنى تاتحصّل جزا مداتها
والجمال محمله والهدير اصبح حنين=عقب كانت ود حمله والاخرى هاتها [/poem]

ابن مسلم
هلا وغلا حييت من ممشاك اليا ملفاك
وانا افتخر بوجودك في صفي
تحياتي لك

ياجارنا جيرتك فيها وفيها
ماني ابايعها ولا مشريها
لك حزتٍ لابد ماتحتريها
يالله على بابك يفتاح الابواب

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انت ناظرك في يسارك وناظر في اليمين= والعرب تعرف هل الخيل من طلاتها

انشد الايام عنا وتخبرك السنين= يوم حمران النواظر تنال مناتها[/poem]




ملفي العضياني سلمت والمحاورة مع شاعر مثلك ممتعه التغطيه من عندك وتصبح على خير

[poem= font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=3 line=0 align=center use=ex num="0,black"]

بيني وبينك يحكم الوقت بانصاف=بدون ظلم وجور وخلاف واجحاف
والمقبلات اكثر وللهجن عساف=يالله على بابك يافتاح الابواب[/poem]

[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لواطالع في هل الخيل لو بنص عين=يمكن خيول العرب تقفي بغاراتها
والزمن لو انشده وش حصل ماض السنين=يذكر الهيلا ويحصي لها صولاتها[/poem]

شاعر الشلالحه سلمت وشهادتك فخر ووسام
ولنا لقاء قادم وتصبح على الف خير

تحياتي لكل من تابع وعلق

شاعر الشلالحه وملفي العضياني
بيض الله وجيهكم
محاوره قمه ولعب من ارقى مارائيت
ويحق لهذا المنتدى ان يفتخر بوجود شعار بحجمكم

تقديري لكم ولكل المشاركين والمتابعين

اخوكم

ملفي العضياني . شاعر الشلالحه . بيض الله وجيهكم ماقصرتو

ياسلام ياسلام

حقيقه محاورة عالية الجودة

صح لسانك ياابن عباد & وصح لسان ملفي العضياني

وماقصرتوا وننتظر المزيد منكم

تحياتي لكما