ربعي ترى عتبان ياقايلن من 00
 

[B][color=#CC0099][size=4]قصيده للشاعر / عايض العصيمي رحمه الله عندما كان يتلقى العلاج في الخارج (المانيا)حيث كان يعاني من فشل كلوي يخاطب فيها ابنائه ويتوجد فيها على نجد
وبعد فتره ليست بالطويله عاد الى نجد وعاش سنه ثم توفي رحمه الله وقد جاراه عدد كبير من الشعراء
اترككم مع القصيده[/size][/color][/B]


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يالله يافارج هموم ٍ ليا جن=ياواحد ٍ فوق السماوات عالي
يارافع سبع وسبع بسطهن=ومرسى الجبال الشامخات العوالي
يامحصي ٍ خلقـه من الانس والجن=وأخرجت يوسف من جبا جو خالي
واصبح بريّ ٍ من خطايا يكادن=الأوله واللاحقات التوالي
افرج لمن كنّـه على اللي يقالن=جمر الغضا لازاد فيه اشتعالي
وادموع عيني فوق حجري يصبّـن=تشدي غروب تحت هجف المحالي
دايـم على خدّه وعينه يكفّن=مثل المطر من مستهل الخيالي
وليا سألت إعيوننا وشبلاهن=جات الاجابه قبل فتح السوالي
امس الضحى في دار واليوم مع من=إمع اليهود محرّمين الحلالي
في دار هتلر مانعرف المؤذ ّن=دار ٍ عساها بالمحى والزوالي
ياعيد ماصبركم على ديرة الجن=لاإخوان لاعمّان لا من خوالي
عزّي لكم ياعيد مثل المسجّـن=وأنا بعد ياعيد عزّي لحالي
عقب الجماعه جالس ٍ في بلد من=لاحد مسفّرني ولانيب جالي
ياعيد لو تعرف فروخ ٍ يلجّن=في دارنا مايدركن النوالي
قصار ريش ومالك الله يطيرن=حب تحت ربّ ٍ عزيز الجلالي
ويانجر يامشكاي عينك عليهن=وخلّـك عليهن مثل وصف الظلالي
وياسعود ظنّـي فيك لاتخلف الظن=إتروف بخوانك سواة العيالي
حاذور لامرّوك ناديت ياهن=وتميل مع بقعى على كل جالي
وأوصّيك ياهندي وصيّة عليهن=أنت الولي والله على كل والي
أرفق عليهن لين حتى يضفّن=وآمر عليهن بالرضا والعدالي
وإفطن لهن ياذيب لين يتعشّن=ولايمرحن الليل والبطن خالي
حتى يجي يوم بحملك يقومن=أنت اللذي تربح وانا راس مالي
واسلم وسّلم لي على من نشد عن=وقلّه تراي بدار ساكن لحالي
ماعندي الاّ قوم جنّ ٍ تراطن=لاحد ً يسال ولايجيب السؤالي
وعيونهن زرق ولاأدري وشنهن=يحرم عليهن سترهن والجمالي
وجدي على شوف الهضاب يتزامن=دار ٍ سكنّاها قديم ٍ وتالي
إديارنا في نجد محروم ينسن=أمّ ٍ غلاها من وراء كل غالي
وزواجها من جدّنا سنها سن=على الشريعه واشقر الدم سالي
يوم إنحدر بجموعه اللي تبارن=من حد بيشه للمدينه شمالي
وعزّ م ولزّ م للمعارك يخوضن=ماهمّـه اللي قاعد ٍ بالتوالي
حتى سكن في نجد غصب ٍ بلامن=وإحتـل دار مكرّ مين السبالي
من بعد خيل وجيش للشيخ يهدن=خلّـوه عن داره يشد الرحالي
ربعي ترى عتبان ياقايل ٍ من=اللي تكرّ م ضيفها بالخيالي
ذبح المربّي عندهم دايم ٍ فن=هذا بعد تقديم كيف الدلالي
لاجيت مجلسهم لزوم ٍ يلقّـن=ماحسّـبوا في دقـها والجلالي
وياعيد ماأرسلنا التذاكر يحجزن=ماغير أعد أيامهـا والليالي
متى نوادعكم إليا جن يمشن=ومتى تحـلق بالسما ياطلالي
حتـى نجي بديار من يحرق البن=سواة ابو يونس صديقا ً صفالي
ابـو محمد يوم عندك تلافن=وجيـه النشامى الطيبين الغوالي
بلّـغ سلاما ً مرسلينه بلا من=بأفضل تحياتي لهاك الرجالي[/poem]

صح لسانك ولسان شاعرها

شاكر لكي حسن اختيارك

صح بدنك اخ عبدالله 00
تسلم على المرور 00

اختي عتيبيه والفخر

سلمت اناملك على النقل الرائع والجزل

ورحم الله شاعرها عايض العصيمي

مخاوي النشامى
الف شكر على المرور 00

عتيبيه وافتخر صح لسانك ورحم الله شاعرها عايض العصيمي
وشكرا على الاختيار الجيد

تحياتي

يعطيك العافيه يااختي عتـيـبـيه
ويرحم الشاعر عايض العــصـيمي ويسكنه فسيح جناته
وللمعلومه بعد ما انتشرت هالقصيده
جائت ردود كثيره من شعار كباره ومن اهم هالشعار الشاعر مطلق الثبيتي
الى الاخت ( عتيبيه) يعد ماتبعت القصيد حصلت في بيت من الابيات
في كلمه ماهي في البيت نفسه واترك لك هذا البيت
حتى يجي يـوم بحملـك يقومـن
هذا هو البيت الصحيح
(حتي يجي يومن خواتك يقومن)
ويعطيك العافيه ........

صح لسانك والله يرحم شاعرها

صح لسانك اختي عتيبيه وافتخر

ورحم الله الشاعر عايض العصيمي


ومشكوره على هذا الاختيار


تحياتي لك ،،،،

صح لسانك اختي عتيبيه وافتخر

ورحم الله الشاعر عايض العصيمي

وتسلمين على النقل المميز

والله ونعم ملاين بالعتبان وصح لسان الشاعر ومشكووووووووووووره على النقل

محمد العتيبي
صح بدنك والف شكر على المرور

عزوتي عتيبه
الف شكر على المرور وعلى الايضاح

العريدي 11
صح بدنك ومشكور على المرور

النـــــــــايف
صح بدنك والف شكر على المرور

عبدالرحمن النفيعي
صح بدنك الف شكر على المرور

تذكار هايم
ونعم بحالك :)
العفو والف شكر على المرور 00

صح لسان الشاعر
ومشكوره ياعتيبيه

صح بدنك بن عبيد
مشكور على المرور 00

رحم الله الشاعر عايض العصيمي

وتسلمين على النقل المميز

العفو السيف الصقيل والف شكر على المرور

عتيبية وأفتخر يقرب لك الشاعر ..!!

الشاعر هذا خالي / عايض بن سعود العصيمي ...

الله يرحمه ويسكنة فسيح جناتة ...

صح أنة توفى لكن ذكرة ما مات ...

وأن كان عندك ردود من الشعار على هالقصيدة
أعرضيها الله لا يهينك ...

لا مايقرب لي
لكن قصيدته رائعه واعجبتني عشان كذا نزلتها
الله يرحمه ويغفر له ومشكور على المرور
وان شاء الله راح انزل الردود اللي عندي

[color=#CC0099][size=4][B]عندما سمِع الشاعر / محمد بن عبود العصيمي قصيدة عايض بن سعود كان لها في نفسه بالغ الأثر
فقال هذه القصيده مجاراة لقصيده عائض سعود :[/B][/size][/color]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ابدأ بذكر الخالق اللي له المن=الخالق المعبود رب الجلالي
الخالق الرازق محصي ثقلهن=علاّم ماب الكون أوّل وتالي
هات القلم واكتب بيوتا ً يشوقن=من صدر ابن عبود مثل الزلالي
بيوت ٍ على صدق المحبه تبرهن=تنقد كما نقد الذّهب والريالي
أغلى من الدولار واغلى من الين=للصاحب اللي للمواجيب شالي
ابو سعود اللي على الجار يومن=عساه يرجع للوطن والعيالي
شال الحمول الكايده ماتوهّـن=عساه يرجع للوطن والعيالي
شال الحمول الكايده ماتوّهن=عسـاه يسلم مايجيه الهزالي
يابادع القيفان بالشعر لك فن=انته حكيم وكل قولك عدالي
حرّكت مكنون الحشا ياولد من=اللي له الطاله كريم السبالي
خواطرك جتنا وللقلب يشقن=هلّـت دموع العين مثل الخيالي
بكّيت وابكيت العرب في بلدهن=حيثك رقيق القلب حين السؤالي
اصبر وخلّـك للمقادير مؤمن=الصبـر مفتاح الفرج والكمالي
ارفع يديك لخالق الكون واهتن=يعطيك مطلوبك وكل النوالي
لاتشتحن لفروخك اللي يلدّن=يم الرحيم اللي على الكون عالي
لاتشتحن ياشيخ وللنفس تشحن=تحمّـل المكتوب يابن الرجالي
الكل في خدمتك يامحرق البن=قوم ٍ تشيل الحمل مثل الجمالي
اولاد عتّـاب صواريم يهون=أهل المهار اللي تجيب المثالي
هيلا ً تهايل فوق الاضداد تنجن=ترسي كما ترسي رواسي الجبالي
اسيافهم مثل البروق يتواشن=يذكرهم التاريخ لاجاء مجالي
قوم ٍ تعز الجار وتكمّـل الفن=صولاتهم صوب اليمن والشمالي
ولهم مع المشرق تواريخ يقرن=والغرب يذكرهم على كل حالي
تذكر لنا زرق العيون المفتّـن=في ديرة مالك بها راس مالي
ومادام لك صدّه عن الخمر لاجن=نرجو لك التوفيق ونيل المعالي
عسى عوضك الحور لامرك يطيعن=عطا ً من الخلاّق رب الجلالي
حنّا بدار اللي له الخيل يهدن=ابن سعود اللي حكم بالعدالي
سيفه على حزب الضلاله ممكن=حامي حمى البيتين من أهل الضلالي
وصلوا على اللي علم الانس والجن=المصطفى المختار لاجا المجالي[/poem]

[color=#CC0099]
[size=4][B]وهذه قصيدة الشاعر الكبير مطلق بن حميد الثبيتي مجاراة لقصيدة عايض بن سعود :[/B][/size][/color]


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياراكب اللي يوم نفّاثها حن=تسبق قمر عشرين وقت الزوالي
طيارها فنّي وطبلونها فن=ويازين للنفاث فيها اشتعالي
ياكن تحت إجناحها يضحك الجن=ولاصواتهم تحت الجناح إجتوالي
اثقل على كبد الثرى من مية طن=وأخف من ريش الوحش فالعلالي
منوة غريب لاذكر ديرته ون=وجاته همومه من يمين وشمالي
ملفاك رجل ٍ عادته يحرق البن=والنجر يعول وبين صبح الدلالي
في مجلس ٍ مافيه تهمه ولاظن=ياماذبح للضيف من كبش غالي
يرسي كما يرسي مكانه جبل عن=معروف لو صكّـت عليه الجبالي
ابو سعود إليا الركايب تلافن=قدّم لاهلهن كيف مرّ ٍ وحالي
وإليا عطا يعطي عطايا ً بلا من=ماتعرف اليمنى عطايا الشمالي
قلّـه ترا غبر الليالي تقافن=واقبل سعدك وعنك حملك يشالي
لاتـثـّر العبره ولاتقرع السن=أطلب وحنّـا لك خوان وعيالي
والنفس عن شطحاتها عنّـها عن=عن ّ الفرس بمثولثات الحبالي
أنته عتيبي مانت هن ّ ٍ ولد هن=ممدوح لن جا للسوالف مجالي
ربعك عتيبه والتواريخ كتبن=كيـد العدا وامكرمين السبالي
كم فارس ٍ خلّـو بناته يونّـن=عليه واسي مجلس الشيخ خالي
ستر الخوي والضيف والجار يأمن=في ضفهم من خاينات الليالي
ياما تمنّـى موتهم ناس لكن=زادوا وزادوا بالوفا والكمالي
ياجاذب الطاروق في مدحهم غن=تطرب وتطرب لك قروم الرجالي
يابوسعود الفكر تايه ومنجن=يبا يسيّـر يمكم ياحلالي
سلّـم على هتلر وسلم عليهن=إمكحّلات عيونهن بالدلالي[/poem]


.

[color=#000000][color=#330066][size=4]صح لسانك اختي عتيبيه وافتخر


ورحم الله الشاعر عايض العصيمي


ومشكوره على الأنتقاء الرائع,,,[/size][/color][/color]

صح لسانك ولسان الشاعر


احترامي لك

العابره

المخضرم

العفو واشكركما على المرور

[color=#000000][size=4]
[font=Simplified Arabic]مشاركه من الطراز الراقي..

وانتقائيه فذه..لنوادر القصائد ورموز الشعراء..

تسلم يمينك ياعتيبيه ..ودمتي بفخر..[/font][/size][/color]

[B][color=#0000FF][size=5][align=center]رحم الله ابو سعود

ياعسى مثواه الجنه

آمين

عايض الطويل رحمه الله

شكرا لك يالعتيبيه[/align][/size][/color][/B]

الهامور
الله يسلمك والف شكر على المرور

الله يرحم المسلمين الاحياء منهم والاموات
شكرا اخ فهد على المرور 00

اختي عتيبيهــــ وافتخر تسلم يمينك على النقل

ورحم الله الشاعر عايض العصيمي














ـ

سلمت يمينك

والله يرحم قائلها

شكرالكِ

ليث عتيبه
شكرا على المرور 00

ابن مسلم
تسلم على المرور 00

صح نقلك واحساسك

وصح السان شاعرها

ربعي ترى عتبـان ياقايـل ٍ مـن
اللـي تكـرّ م ضيفهـا بالخيالـي
ذبح المربّـي عندهـم دايـم ٍ فـن
هـذا بعـد تقديـم كيـف الدلالـي
لاجيـت مجلسهـم لـزوم ٍ يلقّـن
ماحسّبـوا فـي دقهـا والجلالـي


وعتيبه تستاهل

شمالي
الف شكر على المرور 00